1 Juan 1:7 - El Nuevo Testamento

⁷ Pero tla xtitlajtlakouaj, yej tinemij yolchipajkej ken Dios nemi, tla ijkon tej, san sekan tinemij inuan oksekimej, niman iyesyotsin JesuCristo, yejuan iKonetsin Dios, techchipauilia nochi totlajtlakoluan.

In yencuic iyectlajtoltzin Dios itech ica toTeco Jesucristo

⁷ Pero tla xtitlajtlacohuaj, yej tinemij yolchipajquej quen Dios nemi, tla ijcon, tej, san secan tinemij inhuan ocsequimej niman iyesyotzin Jesucristo, yejhuan iConetzin Dios, techchipahuilia nochi totlajtlacolhuan.

1 Juan 1:7 Iomraidhean Croise

San Mateo 6:12

Niman xtechtlapojpoluili totlajtlakoluan ijkon ken tejuamej tikintlapojpoluiyaj on yejuan techchiuiliaj tlen xkuajli.

San Juan 1:29

Uajmostla Juan okitak Jesús ye ompa kinisiuijtiaya niman okijtoj: —Xkitakan on tlakatl. Yejua kiuentlaliskej ken sen borreguito para Dios kintlapojpoluilis intlajtlakoluan nochimej on tlaltikpaktlakamej.

San Juan 12:35

Kemaj Jesús okinmijlij: —Nejua yejuan nitlauijli ninemis nemotsajlan sa keski tonaltin más. Yejua ika, xmouikakan ipan on notlauil chika ninemi nemouan, tlamo on tlayouajlotl mechtlanis. Sen tlakatl yejuan nejnemi ipan tlayouajlotl xkimati kanon yau.

San Juan 5:4

pampa san ajsiya on tiempo ijkuak sen ángel temouaya ne ijtik kampa naltilo niman koxoniaya on atl. Kemaj on yejuan achtopa kalakiya ijtik on atl pajtiya maski san katlejua kualolistli kipiyaya.

Romanos 13:12

Ye tlamis in tonaltin ijkuak tinemij ipan in tlaltikpaktli, niman ye nisiu peuas on tonaltin ijkuak tinemiskej iuan Dios. Yejua ika, ma tikchiuakan on tlen kuajli niman ma tiktlanikan on tlen xkuajli, ijkon ken sen soldado kitlani itlauelikniu.

1 Corintios 6:11

Sekimej nemejuamej nenkichiuayaj on ken on tlajtlakojli. Pero itechkopa toTEKO JesuCristo, niman itechkopa on iEspíritu toDios, yomechyolchipajkej niman nenmejejtokej itech Dios, niman sano Dios yokijtoj ika nochi nemotlajtlakoluan yokintlapojpoluij.

Efesios 1:7

ItlajsojkaKonetsin okitlaxtlau ikan iyesyo totlajtlakoluan, niman aman Dios yotechtlapojpoluilij ikan iueyitetlajsotlalis.

Efesios 5:8

Ipan okse tiempo onenkichijkej on tlen xkuajli. Pero aman nenkichiuaj on tlen kuajli, pampa nennemij san sekan iuan toTEKO. Yejua ika, xnemikan ipan itlauil Dios niman xchiuakan tlen kuajli.

1 Timoteo 6:16

San yejua xkaman mikis. Yejua nemi tlauilpan kampa xe yakaj ueli ajsi. Yejua xe kaman yakaj kita niman xkaman ueli kitaj. Yejua ika tej, yejua ma kiseli tetlakaitalistli niman ueyilistli para nochipa. Ma ijki nochiua.

Tito 2:14

Yejua san topampa onotemakak ipan mikilistli para techmakixtia itech nochi kech tlajtlakojli onkaj, niman para techchipaua kuajli. Yejua otechchipau para technoyaxkatia*, niman para tikpiyaskej miyek nekilistli para tikchiuaskej nochi tlen kuajli.

Hebreos 9:14

Pero ¡iyesyo Cristo más kipiya poder xken inyesyo on toros niman on chivos! Itechkopa on Espíritu Santo yejuan nochipa nemi, yejua onotemakak ixpan Dios ken sen uentli yejuan nochi chipauak. Ijkon tej, iyesyo kichipaua on tlen xkuajli ipan totlamachilis yejuan techuika ipan mikilistli, para yej ma tiuelikan tiktekipanokan Dios yejuan nochipa nemi.

Santiago 1:17

Nochi kuajli tetlayokolijli* yejuan tikseliaj ualeua ne tlakpak. Nochi on tetlayokolijli* ualeua itech toTajtsin yejuan okichijchiu nochi on tlauiltin ne ipan cielo*. ToTajtsin xken on tlaseuajlomej yejuan nochipa nopatlajtiu, yej yejua nochipa kichiua on tlen kuajli.

1 Pedro 1:19

yej ikan iyesyo Cristo, on tlen patioj. Yejua onouentlalij ken sen borreguito yejuan nochi chipauak niman xkanaj tlakokojli* ipan itlakayo.

1 Juan 1:3

Temechijliaj tej, on tlen otikitakej niman otikakkej, para nemejuamej san sekan touan xnemikan, ijkon ken tejuamej tinemij san sekan iuan Dios toTajtsin niman iuan iKonetsin JesuCristo.

1 Juan 1:5

Sano yejua in temachtijli temechchiliaj yejuan JesuCristo otechmachtij. Otechmachtij ika Dios sano yejua tlauijli pampa yejua yolchipauak niman xonkaj itlaj tlayouajlotl ipan inemilis.

1 Juan 5:6

On yejuan ouajlaj, yejua JesuCristo. Yejua okipanextij ika yejua iKoneu Dios ijkuak onokuatekij ikan atl niman no ijkuak okitoyau iyesyo ne ipan on kojnepanojli*. Xsan ika onokuatekij, pero yej no ika okitoyau iyesyo. On Espíritu Santo sano yejua kitepannextilia ika in melauak, niman on Espíritu nochipa kijtoua on tlen melauak.

1 Juan 5:8

Niman nikan ipan in tlaltikpaktli no yeyimej kitepannextiliaj: on Espíritu Santo, on itlakuatekilis JesuCristo ikan atl, niman on ika okitoyau iyesyo ne ipan kojnepanojli. Niman in yeyimej san se tlajtojli kitepannextiliaj ika JesuCristo melauak Dios iKoneu.

2 Juan 1:4

Onechpaktij sanoyej* ijkuak onikinnextij sekimej mokoneuan yejuan kitlakamatij on temachtijli yejuan melauak ijkon ken toTajtsin otechnauatij.

3 Juan 1:4

In yejua más nechpaktia ijkuak nikmati ika nokoneuan itech Cristo kitlakamatij on tlen melauak.

El Apocalipsis 1:5

No ijki, ma mechtiochiua JesuCristo yejuan nochipa kuajli tlajtoua ken testigo. Yejua achtoj oyoliu* niman onokuiteu ipan itlalkon para xok kaman mikis, niman kinmandaroua on reyes. Yejua techtlajsojtla* niman otechchipauilij toalma ikan iyesyo.

El Apocalipsis 12:11

Niman on tokniuan otetlankej itechkopa iyesyo on Borreguito niman ika on temachtijli itech Cristo yejuan okitemachtijkej. Yejuamej tej, xonomojtijkej kipoloskej innemilis, yej onoyolchikajkej hasta mikiskej.

El Apocalipsis 7:14

Nejua onikijlij: “Señor, tejua tikmati akinomej niman kanon oualejkej.” Niman yejua onechijlij: “In yejuamej on yejuan youajkiskej ipan on temojtij tlajyouilistli. Niman yejuamej okimpakkej intlakeuan niman okimistalijkej ikan iyesyo on Borreguito.