1 Juan 1:3 - El Nuevo Testamento

³ Temechijliaj tej, on tlen otikitakej niman otikakkej, para nemejuamej san sekan touan xnemikan, ijkon ken tejuamej tinemij san sekan iuan Dios toTajtsin niman iuan iKonetsin JesuCristo.

In yencuic iyectlajtoltzin Dios itech ica toTeco Jesucristo

³ Temechijliaj, tej, on tlen otiquitaquej niman oticaquej, para nemejhuamej san secan tohuan xnemican, ijcon quen tejhuamej tinemij san secan ihuan Dios toTajtzin niman ihuan iConetzin Jesucristo.

1 Juan 1:3 Iomraidhean Croise

San Juan 17:11

’Aman nejua niau para mouan nonemis. Xok ninokauas ipan in tlaltikpaktli, pero yejuamej nokauaskej ipan in tlaltikpaktli. NoyekTajtsin, xkinmanaui ikan mopoder yejuan otinechinmakak para san sekan ma nemikan ijkon ken tejua nouan tinemi.

San Juan 17:21

Nimitstlajtlanilia para nochimej yejuamej ma san sekan nemikan. NoTajtsin, yejuamej ma san sekan touan nemikan ijkon ken tejua tinemi nouan niman nejua mouan ninemi. Melauak tej, ma san sekan nemikan touan para on tlaltikpaktlakamej ma kineltokakan ika tejua otinechajtitlan.

San Juan 17:25

NoyekTajtsin, on tlaltikpaktlakamej xmitsixmatij, pero nejua nimitsixmati, niman in yejuan achtopa otinechinmakak ye kimatstokej ika tejua otinechajtitlan.

San Juan 17:3

In nemilistli yejuan para nochipa se kiselia ijkuak mitsixmati tejua yejuan san moselti melauak tiDios, niman nejua niJesuCristo yejuan otinechajtitlan.

San Juan 19:35

Nochi in kuajli onikitak. Nemechijlia on tlen onikitak niman toTEKO kimati ika nemechijlia tlen melauak. Nejua nemechijlia in para nemejuamej no xneltokakan.

Hechos 13:32

’Niman aman tejuamej no temechmachistiaj on kuajli tlajtojli de on tlen Dios okitlalij ipan ipromesa para on toachtojtajuan.

Hechos 13:41

Xkitakan tepijpinauijkej. Xmojkatlachakan niman xmopolokan, pampa nejua yejuan niDios, nikchiuas ipan in tonaltin chika nennemij sen tekitl sanoyej ueyi yejuan xnenkineltokaskej maski yakaj mechtlajtlajtouilis.

Hechos 2:42

Niman nochimej kuajli nouikayaj ken on apóstoles* kitemachtiayaj, niman kisepamatiyaj niman nosentlaliayaj para kikuayaj on Santa Cena, niman kichiuayaj oraciones.

Hechos 20:27

pampa yonemechpantlantilij nochi on kech itetlakanonotsalis Dios.

Hechos 4:20

Tejuamej tej, xuelis tikajkauaskej ika tikijtoskej on tlajtlamach* yejuan yotikitakej niman yotikakej.

Romanos 15:27

Yejuamej okinemilijkej ika kuajli para ijkon kichiuaskej. Niman melauak nonekiya kintlajsojkamachiliskej on hebreos* pampa on tlaneltokakej hebreos* okixelojkej on kuajli tlajtojli yejuan kiteijlia ken Dios temakixtia inuan on yejuan xhebreos*. Yejua ika, on yejuan xhebreos* noneki kinmakaskej on tlajtlamach* on hebreos*.

1 Corintios 1:30

Pero sano yejua Dios yomechsentlalij iuan Cristo Jesús. Niman itechkopa Cristo tikpiyaj tlamatkilistli, yolmelaualistli niman yolchipaualistli. Niman no itechkopa okitlaxtlau totlajtlakol ikan iyesyo.

1 Corintios 1:9

Dios yomechnots para aman nenenemij san sekan iuan JesuCristo toTEKO yejuan iKonetsin Dios. Niman sano yejua in Dios nochipa kichiua on tlen kijtoua.

1 Corintios 15:1

Aman nokniuan, nikneki nemechelnamiktis on kuajli tlajtojli yejuan kiteijlia ken Dios temakixtia yejuan ika onemechnojnots. In kuajli tlajtojli yejuan onenkiselijkej, niman aman ipan nenmelajkanemij.

2 Corintios 13:14

Xselikan itlatiochiualis toTEKO JesuCristo niman itetlajsojtlalis* Dios. Niman ma nemi nemouan on Espíritu Santo. Ma ijki nochiua.

Efesios 3:6

On ichtakayotl* sano yejua in: Itechkopa on kuajli tlajtojli yejuan kiteijlia ken Dios temakixtia, on yejuan xhebreos* sano yejua herencia kiseliaj yejuan inherencia on hebreos*, niman nochiua san se tiopan. No ijki aman san sekan kiseliskej on tlen Dios okitlalij ipan ipromesa.

Filipenses 1:7

Kuajli para ijkon niknemilis nemotech, pampa nemechpiya ipan noyojlo, niman pampa nemejuamej onenkiselijkej on iueyitetlajsotlalis Dios ken nejua onikselij. Ijkon nikchiua maski nitsakutikaj, noso ninemi imixpan on tekiuajkej kampa nikmanauiya niman niktemelajkaijlia on tlen melauak de on kuajli tlajtojli yejuan kiteijlia ken Dios temakixtia.

Filipenses 2:1

Tla Cristo nochi ika mechyoleua, pampa san sekan iuan nennemij, tla itetlajsojtlalis* mechyoltlalia, tla nennemij san sekan iuan iEspíritu Dios, niman tla nenkixmatij itetlajsojtlalis* niman iteiknelilis*,

Filipenses 3:10

Nikneki nikixmatis Cristo, niman ipan in nemilistli yejuan amantsin nikpiya nikneki nikpiyas on ipoder yejuan okiselij ijkuak oyoliu* niman onokuiteu ipan itlalkon. Niman no nikneki nikijyouis on tlen yejua okijyouij, niman nimikis ken yejua omik.

Colosenses 1:13

Yejua otechkixtij itech ipoder Satanás kampa tlamandaroua ipan tlayouajlotl, niman otechtlalij kampa tlamandaroua itlajsojkaKonetsin,

1 Tesalonicenses 1:10

No ijki kijtouaj kenijki nemejuamej nenkichixtokej ma uajla de ne iluikak iKonetsin Dios yejuan okiyoliuitij* niman okuiteu ipan itlalkon. Jesús, teKoneu itech Dios, yejua techmakixtia ipan on temojtij tlajyouilistli yejuan uajlas.

1 Timoteo 6:2

Niman tla on esclavos kipiyaj inteko yejuan tlaneltokaj, maka ma kauakan ika kintlakaitakan pampa aman ken iknijtin ika on intlaneltok. Yej, noneki on esclavos, hasta más kuajli kichiuaskej intekiu, pampa aman kichiuaj on tekitl para on akin iuan notlajsojtlaj yejuan no kineltokaj Dios.

Hebreos 2:12

Ipan in Yektlajkuilojli JesuCristo kijlia Dios: Nikimijlis on nokniuan akin tejua. Niman nimitsyekteneuas ikan kuikatl intsajlan on tlaneltokakej kampa nosentlaliaj.

Hebreos 3:1

Aman tej, nokniuan yolchopijkej yejuan Dios omechnots para nenyaskej ne iluikak, maka nenkixkauaskej Cristo Jesús yejuan apóstol* niman más ueyi tlayekanki tiopixki ipan totlaneltok.

Hebreos 3:14

Titlapoualtin iuan Cristo, tla hasta on sa ika nochi tonajli timelajkanemij ipan on tlaneltoktli yejuan otikpixkej ijkuak opeu tikneltokaj Cristo.

1 Pedro 5:1

Aman nikneki nikintlakanonotsas on ueuetkej tlayekankej yejuan nemij ipan nemotiopanuan. Nejua no niueuetsin tlayekanki itech tokniuan. Onikitak Cristo ijkuak otlajyouij niman no nikpiyas seki iueyilis yejuan uajnonextis.

2 Pedro 1:16

Ijkuak otemechnojnotskej de ipoder toTEKO JesuCristo niman ika yejua oksejpa uajlas, xotiknejnemilijkej ken itlaj cuentos para ika otemechkajkayajkej, yej otikitakej iueyilis toTEKO ikan tixtololojuan.

1 Juan 1:1

Temechtlajkuiluiyaj de iTlajtoltsin Dios yejuan techmaka yenkuik nemilistli para nochipa. In iTlajtoltsin Dios sano yejua JesuCristo, niman yejua ye nemiya ijkuak nochi opeu. Yejua otikakej ken otlajtlajtoj, otikitakej ikan tixtololojuan niman okikmatokakej ikan tomauan.

1 Juan 1:5

Sano yejua in temachtijli temechchiliaj yejuan JesuCristo otechmachtij. Otechmachtij ika Dios sano yejua tlauijli pampa yejua yolchipauak niman xonkaj itlaj tlayouajlotl ipan inemilis.

1 Juan 1:7

Pero tla xtitlajtlakouaj, yej tinemij yolchipajkej ken Dios nemi, tla ijkon tej, san sekan tinemij inuan oksekimej, niman iyesyotsin JesuCristo, yejuan iKonetsin Dios, techchipauilia nochi totlajtlakoluan.