Ukən chuŋ da Yeso Kristo anji zənə Luk ŋwaʼanayn 10:2 - Aŋwaʼanayn Uso Fey

² Wə ghayn abú úŋwən kwi, “Ughəy ijaŋa mbə nanaʼ anigə ba faʼa umbə kweʼe mbən chaʼara Nwiye ŋunə aghəy jaŋa amə umbi ma kwi u cha ba faʼa u zaʼa ijaŋ ughəy ma.

Ukən chuŋ da Yeso Kristo anji zənə Luk ŋwaʼanayn 10:2 Iomraidhean Croise

Matəw 20:1

Yeso ghayn abú mbə məŋə-anó ma kwi, anó ufon azobo chomo numugə wa mbayn duw afəfəb iŋu kaba ba faʼa kwi uŋuw faʼ ungɨŋ imbayn fayin ma.

Ukən chuŋ da Yeso Kristo anji zənə Mak ŋwaʼanayn 13:34

Ayi mə ni wa ŋunə unoʼo iŋu igha isayn u ghəy ma abú ba faʼa kwi uni iney anigə inaʼ atəw faʼa wa feyn feyn kwi uni faʼ anigə ighayn abú uŋunə umə nəmə uchəw ukam kwi umə ikyiʼi.

Ukən chuŋ da Yeso Kristo anji zənə Mak ŋwaʼanayn 16:15

Yə́ ghayn abú úŋwən kwi, “Mbən ŋuw ungɨŋ isəg ujum, iŋu ghayn ukən uchuŋ abú ba ujum.

Ukən chuŋ da Yeso Kristo anji zənə Mak ŋwaʼanayn 16:20

Mbə məŋə-anó wu du iŋu ni ghayn ukən uchuŋ ungɨŋ usin ujum anigə Asɨyisəg mə faʼa nə úŋwən. Wə nibi beni kwi unó mbənə umə ghayn amə unó asiʼ numugə mbə mə aghəy uyere unoʼ.

Ukən chuŋ da Yeso Kristo anji zənə Luk ŋwaʼanayn 9:1

Yeso tiya mbə məŋə-anó ma ighum cho bigə inaʼ ikay abú úŋwən imə chiyə uzugə iboŋ ujum nə imə izwey ba.

Afaʼa ba tom Kristo 11:19

Amaʼazənə mbə zwere Stifin, ba ti ni nwini inya ghəw ba mbənə mbə́ beni Kristo. Anigə, ba mbənə mbə́ beni Kristo saŋa iŋú pey Fonesiya, Sayipro for Antiyok. Amaʼazənə mbə́ mə iyeŋ ŋúw, mbə́ mə yə́ ghayn inayn Nwiye aba abú ba Jû

Afaʼa ba tom Kristo 13:2

Umugə mbə́ mə́ iwumini Asɨyisəg ijiyə injəy, Azugə zayn zayn ghayn abú úŋwən kwi, “Mbən zi aborobod igun Banabas nə Sol da ufaʼa afaʼa zənə a choʼo úŋwən kwi ú faʼa”

Afaʼa ba tom Kristo 13:4

Umugə Azugə zayn zayn cha Banabas nə Sol nigə, mbə́ swiʼi ŋú a Selusiya, mbə noʼ awu inyi abaŋ ugwi iŋu asin zənə amə ungɨŋ ugha ugwi nu umə tiya akə Siprus.

Afaʼa ba tom Kristo 20:28

Anigə mbən ki ney itən inyo umbən umbən, nibə ney ba Kristo mbənə Azugə zayn zayn siy kwi mbən ki ney úŋwən. Mbən ki ney ufere ba Kristo ŋunə u aghəy amə ba ma anjim anəm zənə ŋwə̂ ma turi.

Afaʼa ba tom Kristo 22:21

Asɨyisəg ghayn iniŋ kwi, ‘ŋuw, Ayi cha ayə agha sa abú ba mbənə akaʼa ma ba Jû.’”

Afaʼa ba tom Kristo 8:4

Ba Kristo mbənə mbə́ saŋa mə́ yeŋ yə ghayn inayn Nwiye usin ujum.

1 Korintiyans 12:28

Nwiye si choʼo ba ungɨŋ ufere ba Kristo. Mbi imbey mə ba tom, u mbənə uŋu pey akə ubigə amə ba ukən Nwiye, u mbənə u ŋu pey akə uta amə mbə taʼa ba. Umbənə u niŋe akuŋ amə ba mbənə umə ghəy uyere unó, iniŋe akuŋ amə ba mbənə umə izwey ba, iniŋe akuŋ amə ba mbənə umə iywere ba chini, iniŋe akuŋ amə ba mbənə umə tana inji zənə unó mə iyeŋ iŋu akə ba mbənə umə nayn akə inayn isoʼ.

1 Korintiyans 15:10

Amə wa ŋunə amə uŋwən anjim ichuŋ Nwiye. Cha ichuŋ zənə Nwiye ghəy iniŋ chigə ma ibuw. Asɨmə mə faʼ akə ikay chigə úŋwən uma ujum. Akaʼa ma akə inyi ikay nu mə́ mə faʼa, asɨmə Nwiye chigə anjim ichuŋ ma ghəy afaʼ.

2 Korintiyans 6:1

Umugə mba faʼa akə ibumi nə Nwiye, mba yə boʼo ubugə inen kwi, ka mbən beni ngwən kwi ichuŋ zənə Nwiye ghəy inen ichigə ibuw.

Filipi 2:21

Ba jum mbə zi atəw aba akə unó mbənə umə kaba, aka u mbənə Yeso Kristo kaba.

Filipi 2:25

Mə kono kwi yə kaŋa boŋ kwi a tom Epafroditus inen. Uŋwən amə ungwa unya. Uŋwən faʼ nə umugə nibi ghayn ukən chuŋ nə umugə chomo ni sogwi chuŋ. Amə uŋwən nu mbən tom kwi uzaʼa were aŋu.

Filipi 2:30

damugə yə si ku numugə umə faʼa abú Kristo. Yə nibi si niy itəni ma da iwere aŋu nu cha amə ghəy mbən ghəy nigə.

Kolose 1:29

Ayə aghəy unó mbəŋ akə ikay jum zənə Kristo naʼa iniŋ.

Kolose 4:12

Epafras nu amə wa faʼa Kristo, uŋwən mə nibə wa akaʼa injən yə chaʼara ngwən. U yə chaʼara Nwiye akə ikay ighari jum kono ngwən kwi mbən təm ikay nibi tana kyay unó jum mbənə Nwiye mə kaba.

1 Tesaloniyans 2:9

Umbəŋ unya, mbən kyay umugə mba mə́ faʼa injən akaʼa ni ikay. Mba mə́ faʼa afəb nə ingom da ka mba mə naʼa ngwa ingəʼ abú wa moʼ amaʼazənə mba mə ghayn ukən chuŋ da Nwiye inen.

1 Tesaloniyans 5:12

Umbəŋ unya, mba yə boʼo ubugə inen kwi mbən naʼa iwumini abú ba mbənə umə faʼa injən kaʼa. Umbə ikɨy ngwən nibə zi ikay inen.

2 Tesaloniyans 3:1

Umbəŋ unya, mbən ki chaʼara Nwiye ina kwi ukən chuŋ da Asɨyisəg ni yaba saŋa ŋuw imbey, ba zəw beni nə iwumini, aba anji zənə mbən zəw i beni nə iwumini.

1 Timoti 4:10

Mba yə zəw ingəʼ ifaʼ akə ikay damugə mba niŋi ita ikono igun Nwiye ŋunə umə ikay. Uŋwən yə chiyə ba jum mbənə u kaba kwi u chiyə úŋwən angəʼ, amara mə u mbənə uniŋi ikono uma igun ma.

2 Timoti 4:5

Amə da ayə, u ngwə Timoti, yimə injə inyo akə unó jum. Yimə fiŋ umugə ngwə mə zəw ingəʼ. Ngwə yi faʼ da izən kwi ba zaʼa abú Kristo. Ghəy unó jum mbənə Nwiye zi ungɨŋ umbə ubugə.

Filemon 1:1

Amə umugə Pol nu amə wa ndəŋ da Yeso Kristo nə Timoti nu amə ungwa unya anóm mba ŋwaʼanayn aŋwaʼanayn zəŋ. Mba yə ŋwaʼanayn inigə ungwə Filemon inja azi nu mba mə faʼa nə uŋwən.

Hibru 3:6

Asɨmə Kristo yə faʼ ni fiŋ ma jum ungɨŋ na Nwiye ni ŋwə̂ ma. Mba mə́ ba ma ighari mba bə yimə ita beni ikara nibi zi ita ikono aba igun ughəy mbənə ba mə kono iguwə iwumini.

Uney inwi 2:1

Asɨyisəg Yeso ghayn iniŋ kwi, “Ŋwaʼanayn abú angəd ŋunə umə iney ufere ba Kristo uŋunə umə Efasus kwi, wa ŋunə u yimi itənə sambigə ungɨŋ abugə jəgi ma ni yeŋ akaʼa ughəy sambigə nu umə niŋe anam igun nu u tana akə gol, ghayn kwi,