Ukən chuŋ da Yeso Kristo anji zənə Luk ŋwaʼanayn 1:6 - Aŋwaʼanayn Uso Fey

⁶ Uŋwen mə́ aghəy unó ni ukəʼə ifigi Nwiye. Mbə́ mə́ sɨyi ikɨy nə unoʼo Nwiye anji chuŋ. Cha mbə́ gow ma anó moʼ.

Ukən chuŋ da Yeso Kristo anji zənə Luk ŋwaʼanayn 1:6 Iomraidhean Croise

Ukən chuŋ da Yeso Kristo anji zənə Luk ŋwaʼanayn 1:7

Amə́ cha buŋ abú úŋwən damugə cha Anisaberd di ibə́ ma. Anigə mbə́ si nun.

Ukən chuŋ da Yeso Kristo anji zənə Luk ŋwaʼanayn 16:15

Yeso ghayn abú úŋwən kwi, “Mbən mə́ ba mbənə u tey ifigi ba kwi mbən yə ghəy unó ni ukoʼoro, amə Nwiye kyayn itən fiŋ. Unó mbənə ba mə iney kwi amə unó kyayn amə unó mbənə Nwiye mə iney kwi amə unó ibuw.”

Ukən chuŋ da Yeso Kristo anji zənə Luk ŋwaʼanayn 2:25

Amaʼa wu, anóm moʼ mə́ a Yerusanem ni ukum ma mə simeon. Yə́ mə aghəy anó ni akəʼərə, yə zi fiŋ ma inoy Nwiye yə mə nəmə aney zənə Nwiye mi chi ba izreal angəʼ anigə Azugə zayn zayn mə ni uŋwən.

Afaʼa ba tom Kristo 2:25

Ufon Dafid ghayn da uŋwən kwi, A yə zən Asɨyisəg inyi figi ighari ujum; Uyi akə inyi aba bugə jigi, boʼo cha anó moʼ mi naʼa ma ingəʼ iniŋ.

Afaʼa ba tom Kristo 23:1

Pol toŋ aghɨ inyo mbə saʼa abey wu ghayn kwi, “Umbəŋ unya, iŋu pey akə̂choŋ, mə chomo ifigi Nwiye ni fiŋ zənə i zayn kwaʼa anji chuŋ.”

Afaʼa ba tom Kristo 24:16

Anigə, ayə zi ikay ighəy anó zənə ami aghəy kwi inyi fiŋ zayn ifigi Nwiye nibi zayn ifigi ba.

Afaʼa ba tom Kristo 8:21

Cha ngwə mə ayə nə aba kə asin moʼ ungɨŋ afaʼa zəŋ damugə cha injə fiŋ koʼoro ama ifigi Nwiye.

Roman 8:4

Nwiye ghəy ney da unó mbənə u koʼoro anji zənə amə ungɨŋ unoʼo a duw akə asiʼi ungɨŋ umba mbənə mba chomo akə nji zənə azugə kaba, akə ma akə inji zənə nyə̂ inyo mbə kaba.

1 Korintiyans 11:2

Ayə yere ngwən damugə mbən yə kono aŋu akə amaʼ ujum. Ayə nibə beni ngwən kwi mbən yə ghəy aba anji zənə mə́ taʼa ngwən.

2 Korintiyans 1:12

Akinine, anó zənə mba mə komo iguwə igun amə kwi, ita fiŋ zayn kwi mba aghəy unó zayn zayn, nibə aghəy unó mbənə amə umbi asiʼ anji zənə mba mə ungɨŋ isəg, amara mə akinine ŋunə mba mə akaʼa injən. Amə ichuŋ zənə Nwiye aghəy ina, akə ma iwe ba nyoŋ atəw aghəy kwi mba aghəy ney.

Filipi 2:15

da ka ba ghayn uma unó iboŋ da ngwən, foro da mbən zayn chomo ni buŋ Nwiye nu cha ifana anó moʼ igun inen. Ifana unó yə akaʼa ba mbənə umə ghəy unó iboŋ nibə ighəy unó nu cha ukoʼoro. Mbən chomo akaʼa úŋwən ni bigə numugə itənə mə bigə ungɨŋ isəg.

Kolose 1:22

Asɨmə akinine, yə si gha num ngwa numugə Kristo ku azad abaʼaray. Kristo ku da inum ngwa kwi mba si zayn nu cha anó iboŋ moʼ kə cha usaʼa moʼ igun ina ifigi Nwiye.

1 Tesaloniyans 3:13

Mba yə chaʼara kwi u ghəy itən fiŋ kara da cha umi zi ma anó igun inen, foro da mbən chomo akə uzayn zayn ifigi Nwiye ungwa mbaʼ amaʼazənə ungwa Asɨyisəg Yeso mi wene zaʼa ni ba zayn zayn uma.

2 Pita 3:14

Anigə umbəŋ unya nu a wuʼi kwaʼa azəd, umugə mbən mə nəmə unó mbəŋ, mbən zi ikay izən kwi mbən chomo akə uzayn zayn da ka Nwiye zən ma anó iboŋ moʼ igun inen. Mbən chomo akə aborobod nə Nwiye.

1 Jon 2:29

Mbən bə kyay kwi Kristo yə ghəy unó mbənə ukoʼoro, nji mbən yi nibi kyay kwi wa ŋunə umə ghəy unó mbənə ukoʼoro amə Ŋwə̂ Nwiye.

1 Jon 2:3

Mba bə mə siyə ikɨy Nwiye, nji yə tey kwi mba kyay uŋwən.

1 Jon 3:7

Umbəŋ buŋ, ka mbən beni ngwən kwi, wa moʼ tama ngwən. Wa ŋunə u ghəy unó mbənə u koʼoro, yə təm koʼoro numugə Kristo nibi təm ikoʼoro.