Kolose 4:3 - Aŋwaʼanayn Uso Fey

³ Mbən nibi ni chaʼara Nwiye ina, da u naʼa apan ina kwi mba ghayn unó mbənə u noy da Kristo. Amə unó mbənə u aghəy kwi amə ana indəŋ.

Kolose 4:3 Iomraidhean Croise

Matəw 13:11

Yeso ywiri abú úŋwən kwi, “Nwiye si naʼa iwe inen kwi mbən kyay unó mbənə yə noy da anó ufon azobo, asɨmə cha udi naʼa ma iwe wu abú úŋwən.”

Afaʼa ba tom Kristo 14:27

Amaʼazənə mbə́ pey Antiyok, mbə́ fere ba Kristo ujum ighayn unó ujum mbənə Nwiye aghəy nə úŋwən nibi ghayn umugə u fiʼi inji abú ba mbənə akaʼa ma ba Jû kwi u beni Kristo.

Roman 16:25

Mba yere Nwiye ŋunə u aghəy mba təm ikay anjim ukən chuŋ, anjim inayn zənə mə ghayn da Yeso Kristo foro anjim unó mbənə mbə noy akə agha sá, mbə si du asaŋ.

1 Korintiyans 16:9

Ayi chomo awu damugə apan chuŋ du iniŋ kwi a faʼa afaʼa kyayn. Asɨmə cha ba nanaʼ mə kaba ma kwi a faʼa afaʼa wu.

1 Korintiyans 4:1

Mbən ki zən ə ngwa kwi, mba mə ba faʼa Kristo foro ni ba mbənə Nwiye aghəy kwi uni ghayn anó zənə yə paʼa da Nwiye abú ba.

2 Korintiyans 2:12

Amaʼazənə mə́ ŋu Trowas ighayn ukən chuŋ da Kristo awu, Asɨyisəg naʼa apan iniŋ kwi afaʼa abú uŋwən.

Efesus 3:1

Amə da anó zənə Nwiye fere ba akə wa feyn nu numugə Pol amə wa ndəŋ da umbən mbənə akə ma ba Jû. Amə wa ndəŋ damugə amə ghayn ukən chuŋ da Yeso Kristo.

Efesus 3:3

Nwiye aghəy a kyay unó mbənə yə́ paʼa anji zənə a ŋwaʼanayn kere kere inen.

Efesus 3:4

Mbən bə foŋ anó zənə a ŋwaʼanayn, umbən utəw umbi zayn da anó zənə a kyay da anó zənə a noy da Kristo.

Efesus 3:9

Yə́ nibi choʼo aŋu kwi a aghəy ba jum u kyay anó zənə yə́ paʼa. Nu Nwiye ŋunə u tana u aghəy jum noy ungɨŋ fiŋ iti Amaʼazənə yə́ tana isəg.

Efesus 4:1

Umugə amə wa ndəŋ damugə amə faʼa abú Asɨyisəg, ayə boʼo ubugə inen kwi mbən chomo akə nji zənə ikoʼoro nu amə nji zənə Nwiye tiya ngwən kwi mbən chomo.

Filipi 1:19

Ayə ghayn damugə mə kyay kwi anjim achaʼara Nwiye zənə mbən mə chaʼara foro anjim awere zənə a noʼo abú Azugə Yeso Kristo, Nwiye yi chi aŋu angəʼ koŋ.

Filipi 1:7

Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

Kolose 1:26

Mbə si inoy inayn wu akə ituʼ, nibi inoy abú iwaŋ ba nanaʼ. Asɨmə akinine, Nwiye si aghəy kwi ba ma kyay inayn wu.

Kolose 4:18

Amə umugə Pol ŋwaʼanayn aŋwaʼanayn zəŋ akə umbəŋ ubugə. Mbən kono umugə u kod aŋu akə ingəŋ. Nwiye ghəy ichuŋ inen.

1 Tesaloniyans 5:25

Unbəŋ unya, mbən nibi chaʼara Nwiye ina.

2 Timoti 1:16

Ayə chaʼara Asɨyisəg Yeso kwi u diri ba mbənə umə ungɨŋ unebey Onesiforus damugə mbə mə́ kaŋa zutə inyi fiŋ. Amə cha uŋwən nə indere atəw da aŋu numugə mə́ mə ana indəŋ.

2 Timoti 2:9

Amə da ukən chuŋ awu nu amə zəw ingəʼ pey umugə u si kod aŋu akə indəŋ ibəw təŋ, a chomo ni wa ŋunə u gow ikɨy. Asɨmə cha nji amə ghəy u kod inayn Nwiye akə indəŋ.

2 Timoti 4:2

Ghayn inayn Nwiye. Ki ba wuʼ ni zəw ki cha udi iwuʼ ni zəw, ghayn aba ghayn. Ba mbənə umə ighəy unó iboŋ ngwə ghayn abú úŋwən. Kyayn abú umbənə umə ighəy unó iboŋ. Ba mbənə umə aghəy unó mbənə u koʼoro ngwə zi ikay abú uŋwən. Ngwə mə nə iyimi fiŋ Amaʼazənə ngwə mə aghəy unó mbəŋ.

Filemon 1:22

Anó chini amə kwi ngwə tana atəw na iniŋ damugə ayə nə ikono kwi anjim achaʼara Nwiye zənə mbən mə chaʼara, Nwiye yi ywere igha cha aŋu inen.