Kolose 3:3 - Aŋwaʼanayn Uso Fey

³ Mbən si ku anigə itəni wu paʼa nə Kristo ifigi Nwiye.

Kolose 3:3 Iomraidhean Croise

Matəw 11:25

Amaʼazənə Yeso si ghayn umbəŋ, yə ghayn abú úŋwən kwi, “Uŋu mbaʼ Asɨyisəg abú azobo foro isəg, mə naʼ yə beni ayə kwi ngwə si noy unó mbəŋ abú ba iwe foro abú ba mbənə u kyay anó si tey abú ba mbənə cha u kyay uma unó.

Ukən chuŋ da Yeso Kristo anji zənə Jon ŋwaʼanayn 14:19

Asi buʼe akwere amaʼ cha isəg mi gha zən aŋu, asɨmə mbən yi zən aŋu. Anji zənə amə ikay, mbən yi mə nibə ikay.

Ukən chuŋ da Yeso Kristo anji zənə Jon ŋwaʼanayn 3:16

Nwiye kaŋa wuʼ isəg anigə yə cha Ŋwə̂ ma yugə nu aba ufeyn da ka wa moʼ ŋunə u beni uŋwən nim ma. Asɨmə u jəg itəni nu cha imi noʼo mey.

Ukən chuŋ da Yeso Kristo anji zənə Jon ŋwaʼanayn 4:14

asɨmə cha adoʼ mi gha zom ma abú wa ŋunə umi nugə une mbənə a naʼa abú uŋwən. Une mbənə ami naʼ abú uŋwən yi du imbuʼ igwi nu imi tənə akə ighari feyn ungɨŋ ma nibi naʼa itəni abú uŋwən.”

Ukən chuŋ da Yeso Kristo anji zənə Jon ŋwaʼanayn 5:21

Anji zənə Mbaʼ mə zəmə ba inaʼa itəni abú úŋwən, amə ichin ichin nu Ŋwə̂ mə naʼa itəni abú ba mbənə u wuʼi.

Ukən chuŋ da Yeso Kristo anji zənə Jon ŋwaʼanayn 5:24

“Ayə ghayn asiʼ inen kwi wa ŋunə u zəw inyi inayn, anigə ibeni wa ŋunə u tomo aŋu, si jəg itəni nu cha imi noʼo mey. Cha umi saʼa uŋwən, asɨmə yə si du uchəw iwu ijəg itəni.

Ukən chuŋ da Yeso Kristo anji zənə Jon ŋwaʼanayn 5:40

Anigə cha mbən mə beni izaʼa iniŋ boʼo ijəg itəni.

Roman 5:10

Mba mə ba bana Nwiye anigə yə si ghəy ngwa akə uzi ma anjim iwu ŋwə̂ ma. Akinine nu mba mə uzi Nwiye, itəni Kristo yi ghəy kwi mba duw angəʼ.

Roman 5:21

Umugə unó iboŋ mə tumə isəg anjim iwu, amə nigə ichuŋ Nwiye mə tumə isəg anjim mugə ba təm ikoʼoro. Zigə ayi ghəy kwi, ba jəg itəni nu cha imi noʼo mey anjim Yeso Kristo ungwa Asɨyisəg.

Roman 6:11

Mbən nibi num kwi mbən si ku da unó iboŋ, asɨmə mbən yi ikay da iwumini Nwiye anjim Yeso Kristo.

Roman 6:2

Indəʼ! Mba si ku da unó iboŋ, mba mə ŋuw imbey imə aghəy unó iboŋ da ingiya?

Roman 8:2

damugə noʼo ŋunə Azugə Nwiye mə naʼa nu amə ighəy kwi ba jəg itəni umugə umə akə anó feyn nə Yeso, si cha aŋu ungɨŋ unoʼo mbənə umə ghəy kwi wa ghəy unó iboŋ anigə iku.

1 Korintiyans 15:45

Ayə ungɨŋ Aŋwaʼanayn Nwiye kwi, “Nwiye zi itəni mə ungɨŋ Adam nu amə wa imbey.” Adam ŋunə usi nwi mə azugə nu amə naʼa itəni.

1 Korintiyans 2:14

Cha wa ŋunə cha Azugə Nwiye ungɨŋ fiŋ ma mi beni ma unó asiʼ mbənə Azugə Nwiye naʼa damugə amə anó aneŋ abú uŋwən. Cha umi kyay ma unó wu damugə aba Azugə Nwiye mi aghəy kwi u kyay.

2 Korintiyans 5:14

Aghəy zənə amə tumə ngwa amə iwuʼi zənə Kristo wuʼe ngwa, damugə mba kyay kwi wa feyn ku igun utəw ba jum, anigə ba jum si nibi ku.

2 Korintiyans 5:7

Mba yə ikay da ibeni, akə ma da ughəy mbənə mba mə zənə.

Galetiya 2:20

Anigə akə ma umugə amə ikay. Wa ŋunə umə ikay mə Kristo ŋunə umə ungɨŋ iniŋ. Itəni zənə imə iniŋ akinine amə da mugə a zi fiŋ igun Ŋwə̂ Nwiye ŋunə u wuʼi aŋu anigə inaʼ inyo ma akə ghəy ifaʼ da aŋu.

Efesus 3:9

Yə́ nibi choʼo aŋu kwi a aghəy ba jum u kyay anó zənə yə́ paʼa. Nu Nwiye ŋunə u tana u aghəy jum noy ungɨŋ fiŋ iti Amaʼazənə yə́ tana isəg.

Filipi 4:7

Mbən bə aghəy nigə, nji aborobod Nwiye nu a chigə akə iwe ba inyoŋ atəw kyay mara yi aghəy kwi ka itən fiŋ boro ma, nibi aghəy kwi ka itən ikono toboro ma ngwən numugə mbən mə akə anó feyn nə Kristo.

Kolose 1:5

Mba yə bə naʼa da unó mbənə mbən niŋi ikono awu nu Nwiye siy inen azobo. Mbən si nibi zəw unó mbəŋ ungɨŋ inayn asiʼ zənə amə ukən chuŋ,

Kolose 2:20

Mbən si ku nə Kristo anigə yə si chi ngwən aton ikay zənə imə abú uzugə iboŋ mbənə umə ungɨŋ isəg igun inen. Asɨmə ingiya a aghəy kwi mbən chomo ni ba mbənə umə ungɨŋ isəg? Mbən mə iwumini unoʼo ungɨŋ isəg da ingiya? U moʼ amə kwi,

Kolose 2:3

Nwiye si inoy iwe jum nibi inoy ikyay unó jum ungɨŋ ma.

Kolose 3:4

Amaʼazənə Kristo ŋunə amə itəni mi du, mbən yi du nə uŋwən ungɨŋ iwumini ma.

Hibru 7:25

Anigə Yeso yə nə ikay akə uma jum ni ichi ba mbənə u chigə anjim ma iŋu iyad Nwiye angəʼ, damugə kaba uŋwən uyi tənə akə ighari feyn da imə ichaʼara Nwiye igun uma.”

1 Pita 3:4

Inji zənə mbən boŋo du amə ungɨŋ fiŋ. Cha ukudu boŋo ŋunə mə ibɨy ma. Yə noʼ akə azugə zənə amə iboro. Azugə zənə amə boro yə boŋ azəd ifigi Nwiye.

1 Pita 4:2

Anigə mbən num Amaʼazənə a buʼe inen igun isəg ni aghəy unó mbənə Nwiye kaba, akə ma umbənə ba ungɨŋ isəg kaba.

1 Jon 3:2

Umbəŋ uzi nu a wuʼi kwaʼa azəd, akinine, mba mə buŋ Nwiye. Anigə, inji zənə mba mi məŋi amaʼazənə Kristo mi wene zaʼa amə anó nu cha wa di si kyay. Anó zənə mba kyay amə kwi, amaʼazənə Kristo mi wene zaʼa, mba yi chomo nə uŋwən damugə mba yi zən uŋwən numugə uməŋi.

Uney inwi 2:17

Wa ŋunə umə nə atoŋ u zəw anó zənə Azugə zayn zayn ghayn abú ufere ba Kristo. A yi naʼa mana moʼ akaʼa uŋunə u noy, abú wa ŋunə u waʼa unó iboŋ. Ayi nibi naʼa itey fuw nu uŋwaʼanayn ukum fey awu igun abú uŋwən. Cha wa moʼ kyay ma ukum wu, chigə akə wa ŋunə u num itey wu.”