Kolose 1:4 - Aŋwaʼanayn Uso Fey

⁴ Mba yə ghəy nigə damugə mba si zəw umugə mbən zi fiŋ igun Yeso Kristo, nibi zəw umugə mbən mə akə iwuʼi ni ba Nwiye jum.

Kolose 1:4 Iomraidhean Croise

2 Korintiyans 7:7

Akə aba da mugə Tayitus zaʼa nu yə zi ikay ina, yə ghayn ina umugə mbən mə kaba i zən aŋu. Yə ghayn da mugə mbən mə nə akənə akə unó mbənə mbən mə ighəy. Yə nibi ghayn da umugə mbən mə zi ikay ighəy unó mbən mə́ ghayn inen. Unó mbəŋ aghəy iwuʼi sugi ungɨŋ inyi fiŋ.

Galetiya 3:26

U mbən jum amə buŋ Nwiye anjim umugə mbən zi fiŋ igun Yeso Kristo.

Galetiya 3:28

Anigə cha ikyaba akə wa Jû nə wa ŋunə akəma wa Jû. Cha ikyaba akə isob ni wa ŋunə akəma isob. Cha ikyaba akə anóm nə ayey damugə ba jum si məŋi wa feyn numugə mba mə akə anó feyn nə Kristo.

Galetiya 5:6

Numugə ma mə akə anó feyn nə Kristo, anigə cha anó iney ikad wa kə anó ni cha udi ney ikad wa mə ma nə anó moʼ ighəy. Anó kyayn amə umugə mba zi fiŋ igun Kristo iwuʼ uŋwən.

Efesus 1:15

Iti amaʼazənə mə zəw da ibeni zənə imə inen igun Asɨyisəg Yeso nibi zəw umugə mbən wuʼi ba Nwiye ujum,

Efesus 6:18

Mbən ni chaʼara Nwiye akə umaʼ jum foro Amaʼazənə mbən mə aghəy unó jum. Mbən aghəy nigə anji zənə Azugə Nwiye naʼa ikay inen. Mbən chomo ikiʼi ka mbən ibó ngwən imə chaʼara Nwiye igun ba Nwiye jum.

Kolose 1:9

Amə aton zənə iti Amaʼazənə mba zəw anó da ngwən, cha mba di si waʼ imə chaʼara Nwiye da ngwən. Mba yə chaʼara kwi Azugə ma aghəy mbən tana ikyay unó mbənə u kaba. Umbən utəw tana zəŋ mbən kyay unó wu anjim iwe zənə Azugə naʼa.

1 Tesaloniyans 1:3

Amaʼazənə mba mə chaʼara Nwiye ungwa mbaʼ, mba yə kono unó mbənə mbən mə ghəy anji zənə mbən zi fiŋ igun Kristo. Mba yə nibə kono umugə mbən mə faʼa akə ikay iywere ba damugə mbən wuʼi úŋwən. Mba yə nibə kono umugə mbən yimə fiŋ mə nəmə numugə zi fiŋ igun Asɨyisəg Yeso Kristo nu umi chi ngwən angəʼ.

1 Tesaloniyans 3:6

Akinine, Timoti si wene zaʼa ina nə ukən chuŋ numugə mbən zi fiŋ igun Kristo foro mugə mbən mə wuʼe umbən unya. Yə ghayn ina kwi mbən yə kono ngwa ighari jum akə fiŋ chuŋ. Yə nibi ghayn kwi, mbən yə kaba izən ngwa aba anji zənə mba mə kaba izən ngwən.

2 Tesaloniyans 1:3

Umba unya, mba yə naʼa yə beni ayə abú Nwiye ighari jum da ngwən. Mba yə aghəy nigə akə nji zənə ikoʼoro damugə ijən ibeni fiŋ mə ikay ŋuw imbey. Mbən yə nibə wuʼe umbən unya ŋuw imbey.

Filemon 1:5

Ayə ghəy nigə damugə mə zəw umugə ngwə wuʼi ba Nwiye ujum, nibi zəw umugə ngwə zi fiŋ igun Asɨyisəg Yeso.

Hibru 6:10

Nwiye yə aghəy aba unó nu ukoʼoro. Cha uŋwən mi nyaba unó mbənə mbən si ighəy. Cha umi inyaba iwuʼi zənə mbən tey abú uŋwən akə inji zənə mbən mə were uma nibə ŋu imbey imə bugə were.

1 Jon 3:14

Mba kyay kwi, mba chomo ni uwu ba. Asɨmə akinine mba si jəg itəni. Mba kyay nigə damugə mba wuʼ umba unya. Wa ŋunə cha umə wuʼe ma unya ma, u mbə bugə chomo nə uwu ba.

1 Jon 3:23

Ukɨy ŋunə Nwiye naʼa ina amə kwi, mba beni Ŋwə̂ ma Yeso Kristo nibi wuʼe umba unya. Mba ghəy nigə aba numugə Kristo si ghayn ina.

1 Jon 4:16

Anigə mba kyay nibi beni kwi, Nwiye wuʼe ngwa. Nwiye wuʼe ba anigə wa ŋunə u wuʼi unya ma, u yə akə anó feyn nə Nwiye. Nwiye yə nibi akə anó feyn nə uŋwən.