Ukən chuŋ da Yeso Kristo anji zənə Jon ŋwaʼanayn 3:3 - Aŋwaʼanayn Uso Fey

³ Yeso ywiri abú uŋwən kwi, “Ayə ghayn asiʼ inigə kwi cha wa moʼ awu nu umi nyi ungɨŋ anó fon Nwiye nu abə ki gha ibə́ ma uŋwən ighari chini.”

Ukən chuŋ da Yeso Kristo anji zənə Jon ŋwaʼanayn 3:3 Iomraidhean Croise

Matəw 16:17

Yeso ghayn abú uŋwən kwi, “Nwiye zi aborobod igun nigə Pita ŋwə̂ Jon, damugə akə ma wa inyoŋ atəw u tey anó zəŋ inigə, amə uŋu mbaʼ ŋunə umə azobo u tey inigə.

Matəw 19:24

Ayə gha ghayn inen kwi, ayə zaba abú kamel ichigə ubəg isaʼ chigə umugə wa u mbon mi inyi ungɨŋ anó ufon Nwiye.”

Matəw 21:31

Amə ngwa akaʼa buŋ anom mbəŋ ubigə yə́ aghəy anó zənə mbaʼ uma kaba? Mbə́ ywiri kwi, “Amə uyi imbey.” Anigə Yeso ghayn abú úŋwən kwi, “Ayə ghayn asiʼ inen kwi, mbə fere ukab tag foro mbə ney isəg u mbi dey nyi ungɨŋ anó ufon Nwiye ki umbən.”

Matəw 5:18

Ayə ghayn asiʼ inen kwi, pey amaʼazənə azobo nə isey mi chigə, cha kaba ŋwə̂ asin akə unoʼo wu mi nim pey amaʼazənə umi aghəy unó wu ujum.

Ukən chuŋ da Yeso Kristo anji zənə Mak ŋwaʼanayn 10:14

Amaʼazənə Yeso zən anó zəŋ, yə siy itəm anigə ighayn abú mbə məŋə-anó ma kwi “Mbən sayn buŋ kuŋe mbəŋ zaʼa ineŋ mbən kən ngwen úŋwən damugə amə ba mbənə uchomo ni buŋ kuŋe mbəŋ umi jəg anó ufon Nwiye

Ukən chuŋ da Yeso Kristo anji zənə Mak ŋwaʼanayn 9:47

Injə aghɨ bə́ mə́ aghəy kwi ngwə aghəy anó iboŋ, chi wa. Wə boŋ kwi ngwə nyi ungɨŋ anó fon Nwiye nə ighɨ feyn chigə umugə ngwə mi mə nə aghɨ bigə anigə Nwiye maʼa ayə ungɨŋ uwəd.

Ukən chuŋ da Yeso Kristo anji zənə Jon ŋwaʼanayn 1:13

Cha úŋwən mə uma buŋ Nwiye akə inji zənə ba igun isəg ibə́ úŋwən, kə anji zənə wa inyoŋ atəw aghəy, kə mugə wa inyoŋ atəw kaba, Nwiye ma amboŋ mə mbaʼ uma.

Ukən chuŋ da Yeso Kristo anji zənə Jon ŋwaʼanayn 1:5

Uzayn zayn yə tey ungɨŋ isəg firi, anigə cha aghəy moʼ amə ghəy isəg firi niy uzayn zayn wu.

Ukən chuŋ da Yeso Kristo anji zənə Jon ŋwaʼanayn 1:51

Yeso nayn ney anigə ighayn abú úŋwən kwi, “Ayə ghayn asiʼ inen kwi mbən yi zən azobo fiʼi foro mbə angəd umə koʼo ŋuw azobo nibə swiʼi zaʼa igun ŋwə̂ Wa.”

Ukən chuŋ da Yeso Kristo anji zənə Jon ŋwaʼanayn 12:40

Nwiye si fiy aghɨ uma Nibi aghəy fiŋ uma tu boʼo ka aghɨ uma zən ma usin, Ka fiŋ uma kyay ma anó Nji umbi wene zaʼa iniŋ boʼo azwey úŋwən.”

Ukən chuŋ da Yeso Kristo anji zənə Jon ŋwaʼanayn 3:4

Nikodemus biri abú uŋwən kwi, “Umi gha ibə́ wa ŋunə usi nun ighari chini ingiya? U mi gha nyi ungɨŋ ibum ingo ma iŋu pey akə ighari iŋu pey akə ibigə, ingo ma gha ibə́ uŋwən ighari chini?”

2 Korintiyans 4:4

Mbən kyay kwi Nwiye ŋunə umə unɨŋ isəg zəŋ si kən fiŋ ba mbənə cha u beni Kristo boʼo ka u zən uma uzayn zayn akə ukən chuŋ da Kristo. Kristo chomo aba ni Nwiye.

2 Korintiyans 5:17

Ayə tey kwi wa moʼ ŋunə umə akə ibumi nə Kristo, uŋwən si məŋi wa fey. Unun unó si chigə, unó fey si zaʼa.

Galetiya 6:15

Kə mbə ney ikad wa, kə cha udi ney ikad wa cha zigə nə anó moʼ ighəy. Anó kyayn zənə amə awu amə kwi ma si ba fey.

Efesus 2:1

Imbey mbən si ku da injən ika atəw foro da umbən unó iboŋ.

Titus 3:5

yə́ chi ngwa angəʼ. Cha yə di ghəy ma nigə da anó chuŋ moʼ mba ghəy. Yə chi ngwa amə damugə yə diri ngwa anigə ichigə anjim Azugə zayn zayn i səw ngwa mba zayn, ibeŋe ngwa mba si məŋi buŋ ubó nibi inaʼ itəni fey ina.

Jems 3:17

Iwe zənə Nwiye naʼa yə ghəy kwi mba chomo akə uzayn zayn, chomo akə aborobod, mə nə iboro fiŋ, izwaray unó mbənə ba mə ghayn, idiri ba nibi ighəy ichuŋ. Iyə ghəy kwi ka wa ghəy ma aghɨ foro kwi ka wa ma figə unó.

1 Pita 1:3

Mba yere Nwiye ŋunə amə Mbaʼ ungwa Asɨyisəg Yeso Kristo, uŋwən yə idiri ngwa kwaʼa inji chuŋ. Yə si ghəy kwi mba jəg itəni fey anji zənə yə zəmə Yeso Kristo. Zəŋ si ghəy kwi mba niŋi ikono ni nəmə unó mbənə Nwiye kaʼa ina.

1 Jon 2:29

Mbən bə kyay kwi Kristo yə ghəy unó mbənə ukoʼoro, nji mbən yi nibi kyay kwi wa ŋunə umə ghəy unó mbənə ukoʼoro amə Ŋwə̂ Nwiye.

1 Jon 3:9

Cha wa ŋunə amə wa Nwiye mi ŋuw ma imbey imə ghəy unó iboŋ damugə inji unó Nwiye yə ungɨŋ ma. Cha umi mə gha ghəy ma unó iboŋ damugə úŋwən mə ba Nwiye.

1 Jon 5:1

Wa ŋunə u beni kwi Yeso mə wa ŋunə Nwiye zoʼo, amə wa Nwiye. Wa ŋunə u wuʼi mbaʼ yə nibi wuʼe ŋwə̂ mbaʼ fən.

1 Jon 5:18

Mba kyay kwi cha wa Nwiye moʼ awu nu umə ŋuw imbey imə aghəy unó iboŋ. Ŋwə̂ Nwiye yə nəmə úŋwən, anigə cha inji amə aghəy wa iboŋ aghəy anó iboŋ abú úŋwən.

1 Jon 5:4

damugə buŋ Nwiye ujum siy chigə isəg. Mba chigə isəg anjim inja ibeni fiŋ.

Uney inwi 3:14

Asɨyisəg ni bi ghayn iniŋ kwi, “Ŋwaʼanayn abú angəd ŋunə umə ungɨŋ ufere ba Kristo ŋunə umə Layodisiya kwi, inay zəŋ noʼo abú A mə nigə. Uŋwən yə ghayn asiʼ, u yə nibə aghəy unó mbənə u ghayn. Nwiye chigə anjim ma itana u aghəy jum.