Ukən chuŋ da Yeso Kristo anji zənə Jon ŋwaʼanayn 10:3 - Aŋwaʼanayn Uso Fey

³ Wa ŋunə umə nəmə uchəw ukam yi fiʼi uchəw ukam wu abú iŋwən. Injəg wu tə zəw igəg ma. Uŋwən yə tiya injəg wu akə ukum. Uyə nibə numə injəg wu kwi iŋuw koro ufəʼ.

Ukən chuŋ da Yeso Kristo anji zənə Jon ŋwaʼanayn 10:3 Iomraidhean Croise

2 Timoti 2:19

Asɨmə atiy na kaka zənə Nwiye si zi kaŋa təm ikay. Mbə ŋwaʼanayn igun kwi, “Asɨyisəg kyay ba mbənə amə uma,” Foro kwi, “Ba jum mbənə ughayn kwi mbi mə ba Asɨyisəg u waʼ uno iboŋ.”

Ukən chuŋ da Yeso Kristo anji zənə Jon ŋwaʼanayn 10:4

Amaʼazənə u si chi injəg ma jum asaŋ, u yə chigə imbey injəg wu si niŋe anjim ma. Itə niŋe damugə ikyay igəg ma.

Ukən chuŋ da Yeso Kristo anji zənə Jon ŋwaʼanayn 10:16

Ayə nə injəg chini nu cha akə unuŋ injəg uŋu. Ayi num injəg wu zaʼa nə iŋwən. Iti zəw inyi igəg anigə injəg wu jum ti bumə akə unoŋ injəg feyn. Anigə anəmə injəg feyn yi mə nəmə injəg wu jum.

Ukən chuŋ da Yeso Kristo anji zənə Jon ŋwaʼanayn 10:14

Amə anəmə injəg chuŋ. Mə kyay itiŋ injəg, itiŋ injəg nibi kyay aŋu.

Uney inwi 3:20

Zəw! Mə təm ubunu ayə igweʼe. Wa moʼ bə zəw inyi igəg fiʼi ubunu, a yi inyi ungɨŋ na mba jəg nu uŋwən.

Uney inwi 7:17

Damugə ŋwə̂ injəg ŋunə u təm Ungɨŋ ugha atən ufon wu yi mə Nəmə úŋwən, umugə wa mə nəmə injəg. U yi kəŋe úŋwən ŋu akə ugwi mbuʼ ŋunə umə naʼa itəni. Nwiye yi fira isiy jum aghɨ uma.

Roman 8:30

Ba mbənə Nwiye choʼo, yə nibi tiya akə umbi, u mbənə yə tiya yə nibi ghəy u təm ikoʼoro. U mbənə yə ghəy u təm ikoʼoro, yə nibi ghəy umə nə iwumini.

Ukən chuŋ da Yeso Kristo anji zənə Jon ŋwaʼanayn 6:45

Ba ukən Nwiye ŋwaʼanayn kwi, ‘Nwiye yi tey unó abú úŋwen uma jum.’ Ba jum mbənə u zəw anó zənə Nwiye ghayn nibi kweme anó abú uŋwən umbi zaʼa aboʼo inyi.

Ukən chuŋ da Yeso Kristo anji zənə Jon ŋwaʼanayn 6:37

Ba jum mbənə Mbaʼ naʼa iniŋ umbi zaʼa aboʼo inyi. Anigə cha ami noʼo fuw wa moʼ ŋunə u zaʼa aboʼo inyi,

Uney inwi 20:15

Abə mə kwi cha u zən ukum wa moʼ ungɨŋ aŋwaʼanayn zənə mbə ŋwaʼanayn ikum ba mbənə umi jəg itəni, mbə maʼ uŋwən ungɨŋ uwəd kyayn wu.

Kolose 4:3

Mbən nibi ni chaʼara Nwiye ina, da u naʼa apan ina kwi mba ghayn unó mbənə u noy da Kristo. Amə unó mbənə u aghəy kwi amə ana indəŋ.

Filipi 4:3

Ayə nibə ghayn inigə, ungwə ŋunə ngwə faʼa nə umugə akə fiŋ jum, kwi ngwə were ayey mbəŋ u chomo akə aborobod, damugə úŋwən, Klemen foro ba chini si faʼ akə ikay nə umugə ighayn ukən chuŋ. Ikum uma itə ungɨŋ aŋwaʼanayn zənə uŋwaʼanayn ikum ba mbənə umi jəgi itəni.

1 Pita 1:12

Nwiye tey abú úŋwən kwi, cha umə faʼa da i were inyo uma, Umbə faʼa amə da iwere ngwən. Umbə ghayn unó nu mbən si zəw abú ba mbənə mbə chigə anjim azugə zayn zayn zənə Nwiye cha azobo i ghayn ukən chuŋ. Mbə angəd mbə nibə kaba ikyay unó wu.

1 Korintiyans 16:9

Ayi chomo awu damugə apan chuŋ du iniŋ kwi a faʼa afaʼa kyayn. Asɨmə cha ba nanaʼ mə kaba ma kwi a faʼa afaʼa wu.

Ukən chuŋ da Yeso Kristo anji zənə Jon ŋwaʼanayn 10:9

Amə uchəw ukam, anigə wa moʼ ŋunə u chigə iniŋ nyi ungɨŋ ukam yi du angəʼ. U yi nyi ungɨŋ ukam nibi du ŋu zən ufəʼ chuŋ ikod.

1 Jon 4:6

Mba mə ba Nwiye. Anigə, wa moʼ ŋunə u kyay Nwiye yi zwaray unó mbənə mba mə ghayn. Cha wa ŋunə akə ma wa Nwiye mi zwaray ma unó mbənə mba mə ghayn. Zəŋ amə nji zənə mba mi kyay ikyaba akə azugə zənə aghəy kwi mba kyay asiʼ foro azənə amə tama ba.

3 Jon 1:14

Mə kono kwi ayi yabi zaʼa izən ngwən. Amaʼazənə a zaʼa, mba yi nayn amə inayn.