Jems 5:9 - Aŋwaʼanayn Uso Fey

⁹ Umbəŋ unya, mbən mə inayn ngwən da unya mbi da ka Nwiye saʼa ma ngwən. Mbən zəw, wa ŋunə umi saʼa isəg yə sə baʼa pey.

Jems 5:9 Iomraidhean Croise

Matəw 24:33

Amə ichin ichin kwi mbən bə zən unó mbəŋ ujum, mbən kyay kwi ama zənə Ŋwə̂ Wa mi wene zaʼa si tinə, anigə yə si məŋə uchəw ukam.

Ukən chuŋ da Yeso Kristo anji zənə Mak ŋwaʼanayn 13:29

Ayə ichin ichin kwi mbən bə zən unó wu u ghəy, mbən kyayn kwi amaʼazənə Ŋwə̂ Wa mi gha zaʼa si tinə.

Ukən chuŋ da Yeso Kristo anji zənə Mak ŋwaʼanayn 6:19

Zəŋ ghəy kwi Herodiyas yimə Jon ungɨŋ fiŋ anigə ni kaba inji izwere uŋwən. Asɨmə amə cha aza ighəy nigə.

1 Korintiyans 10:11

Anó zəŋ ghəy abú úŋwən itey anwini abú ba chini. Mbə́ nibi ŋwaʼanayn chide ngwa umba mbənə mba mə ikay akə amaʼazənə nu isəg mə sə baʼa ŋu nwi.

1 Korintiyans 4:5

Anigə, ka mbən sob ngwən u saʼa igun wa moʼ kə amaʼ sə koʼo. Mbən nəmə ipey Amaʼazənə Asɨyisəg mi zaʼa. Uyi tey unó mbənə ba mə aghəy ungɨŋ imbiri, nibi tey ikono tənə imə ungɨŋ fiŋ ba. Akə amaʼa wu, Nwiye yi naʼ yə beni ayə abú ba ma ujum akə inji zənə ikoʼoro abú wa feyn feyn.

2 Korintiyans 9:7

Wa feyn feyn yi naʼ aba anji zənə yə si tana ungɨŋ fiŋ kwi iyi naʼ. Ka u naʼa ma ni gha idey. Ka u naʼa ma chomo ni kwi mbə tinə uŋwən itini damugə Nwiye yə wuʼe wa ŋunə u mə naʼa ughəy ni wuʼi ungɨŋ fiŋ ma.

Galetiya 5:14

damugə unoʼo jum si bumə akə noʼo feyn. Noʼo wu feyn amə kwi, “Ngwə wuʼə wa ŋunə umə tinə ma inji iyad numugə ngwə wuʼə injə nyə̂ inyo.”

Galetiya 5:26

Ka mba mə komo ngwa iguwə, kə ghəy kwi ba chini usɨy itəm, kə ighəy adey.

Jems 4:11

Umbuŋ unya, ka wa ghayn ma anó iboŋ da unya ma. Wa bə ghayn anó iboŋ igun unya ma kə isaʼa uŋwən, yə ghayn kwi cha unoʼo Nwiye di koʼoro ma. Uŋwən nibi saʼa unoʼo Nwiye. Ngwə bə mə wa ŋunə umə saʼa unoʼo Nwiye, nji cha ngwə mə isiyə unoʼo wu. Ngwə yə saʼa iŋwən.

Jems 4:12

Wa ŋunə umə naʼa unoʼo nibə saʼa isaʼa aba ufeyn. Aba uŋwən amə aghəy uchi ba angəʼ. Aba uŋwən amə aghəy u niy ba. Ngwə mə ngwa amə aghəy u saʼ wa chini.

Jems 5:10

Umbəŋ unya, mbən kono ba ukən mbənə mbə́ mə́ ghayn anó akə ukum Asɨyisəg. Mbən num anwini abú uŋwən ni yimə fiŋ aton ingəʼ.

Jems 5:7

Umbəŋ unya, mbən yimə fiŋ pey aney zənə Asɨyisəg mi wene izaʼa. Mbən zən, wa ŋunə umə faʼa ambayn yə nəmə kwi ughəy jəgi tənə ambayn. U yə yimə fiŋ ni nəmə chomo ŋu pey akə amaʼazənə imbəŋ nwi mi sobo.

1 Pita 4:5

Umbi ghayn unó mbənə u si aghəy abú uŋwən ŋunə u si tana inyo isaʼ ba mbənə umə ikay foro umbənə usi ku.

1 Pita 4:9

Mbən num umbən unya ungɨŋ itən na. Asɨmə mbən bə num, ka mbən mə zuʼe ngwən.

Uney inwi 3:20

Zəw! Mə təm ubunu ayə igweʼe. Wa moʼ bə zəw inyi igəg fiʼi ubunu, a yi inyi ungɨŋ na mba jəg nu uŋwən.