Jems 5:3 - Aŋwaʼanayn Uso Fey

³ Gol nə Silva mbənə umə inen anya si ibiya. Anya wu yi mə uzənə inen kwi mbən yə ka ubugə. Anigə umbi koro ngwən numugə uwəd mə tuŋ wa. Mbən si fere imbon isiy ungɨŋ uney mbənə u si nwi.

Jems 5:3 Iomraidhean Croise

Afaʼa ba tom Kristo 2:17

‘Nwiye ghayn kwi, Amaʼazənə isəg mə sə ŋu nwi, Ayi cha inyi Azugə igun ba ujum. Umbən buŋ anóm nə buŋ ayey umbi ghayn uŋu ukən, Igwaʼ anóm yi zən ukaŋ, Injəm yi chigə anóm mbənə u si nun.

Roman 2:5

Asɨmə numugə ngwə mə nə fiŋ kaka nu cha imə kaba ibeŋe, anigə kyay kwi Nwiye yə isɨy itəm inigə, anigə u yi zi usaʼa nu ukwey igun inigə aney zənə umi sob usaʼa anji zənə ikoʼoro.

2 Timoti 2:17

Unó mbəŋ nu umə ghayn umbi toʼ aba numugə afiʼ toʼo inyo wa. Ba nanaʼ akaʼa umbənə umə ghayn unó mbəŋ amə Hamenayus foro Filetus.

2 Pita 3:3

Anó imbey zənə mbən mi kyay amə kwi ungɨŋ unəy mbənə usi Nwi, ba moʼ mbi zaʼa pey yi baʼara ngwən. Úŋwən mbi beni aboʼo unó mbənə nyə̂ inyo mə fana.

Uney inwi 17:16

Indoŋ ighum tənə ngwə zənə nə nyə̂ kyayn wu yi bana ayey wu. Umbi num ughəy jum abú uŋwən isayn uŋwən itin ka. Umbi kod nyə̂ inyo ma, tuŋ abúʼ uŋwən akə uwəd.

Uney inwi 20:15

Abə mə kwi cha u zən ukum wa moʼ ungɨŋ aŋwaʼanayn zənə mbə ŋwaʼanayn ikum ba mbənə umi jəg itəni, mbə maʼ uŋwən ungɨŋ uwəd kyayn wu.

Uney inwi 21:8

Asɨmə ba mbənə fiŋ mə bó, ba mbənə cha u di beni uma Kristo, ba mbənə umə ghəy uyere unó iboŋ, ba mbənə umə zwere ba chini, ba mbənə umə niŋe anom kə uyey wa chini, u mbənə umə ghəy ikwa, ba mbənə umə iwumini unwiye ibuw ibuw, ni ba mbənə umə figə unó, asin ma ayə ungɨŋ uwəd kyayn ŋunə sofur mə bəŋe awu. Zəŋ amə iwu nu iŋu pey akə ibigə.”