Jems 5:20 - Aŋwaʼanayn Uso Fey

²⁰ Mbən kyay kwi wa ŋunə gha num wa nu u ghəy anó iboŋ akə inji zənə yə faba, yə chi itəni wa ŋunə yə ghəy anó iboŋ uchəw iwu, anigə ighəy Nwiye waʼa unó iboŋ nanaʼ mbənə yə si ighəy.

Jems 5:20 Iomraidhean Croise

Ukən chuŋ da Yeso Kristo anji zənə Jon ŋwaʼanayn 5:24

“Ayə ghayn asiʼ inen kwi wa ŋunə u zəw inyi inayn, anigə ibeni wa ŋunə u tomo aŋu, si jəg itəni nu cha imi noʼo mey. Cha umi saʼa uŋwən, asɨmə yə si du uchəw iwu ijəg itəni.

Roman 11:14

da umbəŋ unya ba Jû aghəy imbəw anigə u chiyə umoʼ angəʼ.

1 Korintiyans 1:21

Nwiye num iwe ighəy kwi ka ba num uma iwe ba nyoŋ atəw kyay uŋwən. Anigə yə boŋ abú uŋwən kwi u chiyə ba angəʼ anjim umugə u beni anó aneŋ zənə mba mə ghayn.

1 Korintiyans 9:22

Amaʼazənə amə akaʼa ba mbənə umə ibó, ayə nibə ibó nə úŋwən, da ighəy kwi ba mbənə umə ibó u beni Kristo. Mə si beŋe akə u aghəy ujum abú ba ujum da ichigə akə ikudi inji ujum ichi umoʼ angəʼ.

1 Timoti 4:16

Wey ayə da anó jum mbənə ngwə mə itey, nibi iwey ayə da unó mbənə ngwə mə itey. Yimə unó mbənə a ghayn inigə damugə ngwə bə aghəy nigə, u ngwə ni ba mbənə u mə zəw anó zənə ngwə mə ghayn mbən yi du angəʼ.

Filemon 1:19

Amə umugə Pol ŋwaʼanayn aŋwaʼanayn zəŋ akə umbəŋ ubugə, a yi iwi inigə. Kyay kwi ngwə yimə injugə iniŋ damugə amə numugə ghəy kwi ngwə beni Kristo.

Jems 1:15

Unó iboŋ mbənə umə kaba mbə nyi fiŋ ma si aghəy kwi u aghəy unó iboŋ. Amaʼazənə unó iboŋ wu si ka ungɨŋ fiŋ ma, umbi zwere uŋwən.

Jems 1:21

Anigə mbən waʼ uzuw anó jum mbənə cha udi koʼoro nibi waʼ izəg unó jum mbənə mbən mə ighəy. Mbən num inyo asey ibeni inayn Nwiye zənə imə ungɨŋ itən fiŋ. Inayn wu yi aghəy kwi mbən duw angəʼ.

Jems 5:15

Achaʼara Nwiye wu nu u chaʼara ni ibeni ayi ghəy kwi wa wu boro. Asɨyisəg yi ghəy kwi inyo ma gha ikay. Abə mə kwi yə ghəy anó iboŋ moʼ, Nwiye yi waʼa anó iboŋ wu.

Jems 5:19

Umbəŋ unya, wa moʼ akaʼa injən mbə faba akə asiʼ, wa chini gha num uŋwən zaʼa.

1 Pita 4:8

Anó zənə a chigə unó jum amə kwi mbən wuʼ itən inyo umbən umbən kwaʼa ungɨŋ fiŋ damugə iwuʼi yə kəbəre unó iboŋ nanaʼ.

Uney inwi 20:6

Nwiye yi zi aborobod igun ba mbənə umi zəmə akə amaʼ imbey zəŋ, mbə́ chomo akə uzayn zayn. Cha iwu zənə iŋu pey akə ibigə mə́ ma nə ikay igun uma. Umbi mə faʼa ni ba ambəŋ Nwiye abú Nwiye foro abú Kristo. Anigə umbi mə tumə isəg nə uŋwən akə atuʼ ichuʼ feyn.