Jems 5:16 - Aŋwaʼanayn Uso Fey

¹⁶ Anigə mbən beni umbən unó iboŋ umbən umbən, ichaʼara Nwiye abú umbən unya, da Nwiye ghəy kwi mbən boro. Achaʼara Nwiye wa ŋunə u təm ikoʼoro ayə ni ikay kyay ighəy anó zənə u chaʼara Nwiye igun.

Jems 5:16 Iomraidhean Croise

Matəw 21:22

Mbən bə mə ni ibeni fiŋ nji Nwiye yi naʼ u aghəy ujum mbənə mbən chaʼara uŋwən ibiri abú uŋwen.”

Matəw 3:6

Mbə́ mə́ pey yə́ beni unó iboŋ uma, anigə wə́ naʼ une abú úŋwən ungɨŋ ugwi Jodan.

Ukən chuŋ da Yeso Kristo anji zənə Mak ŋwaʼanayn 1:5

Ba mbənə mbə́ mə́ ungɨŋ aba abey Judeya foro nə ba jum mbənə mbə́ mə́ Yerusanem mbə́ du ŋu kuw Jon. Mbə́ beni unó iboŋ ma anigə wə́ naʼ une abú úŋwən ungɨŋ ugwi Jodan

Ukən chuŋ da Yeso Kristo anji zənə Luk ŋwaʼanayn 9:6

Umugə yə ghayn nigə, mbə məŋə-anó du iŋu chigə ungɨŋ usin nanaʼ yə ghayn ukən uchuŋ nibi yə zwey ba akə isɨgə.

Ukən chuŋ da Yeso Kristo anji zənə Jon ŋwaʼanayn 9:31

Mba kyay kwi cha Nwiye mə zwaray ma unó mbənə ba mbənə umə ighəy unó iboŋ mə ghayn, asɨmə uŋwən yə zwaray abú ba mbənə umə izəw uŋwən nibə aghəy unó mbənə u kaba.

Afaʼa ba tom Kristo 10:38

Mbən kyay anó da Yeso wa Nazared ŋunə Nwiye naʼ a Azugə zayn zayn nə ika abú uŋwən. Mbən nibi kyay umugə yə ŋu usin ujum yeŋ yə aghəy ichuŋ abú ba nibi zwey ba ujum mbənə mbə́ mə ikɨy abugə Debere. Yə mə aghəy unó mbəŋ damugə Nwiye mə nə uŋwən.

Afaʼa ba tom Kristo 19:18

Ba nanaʼ moʼ mbənə mbə́ beni Kristo, ŋu beni iguw unó ma ifigi ba Kristo, nibi ghayn unó iboŋ mbənə úŋwən si aghəy.

Afaʼa ba tom Kristo 8:24

Sayimon ywiri kwi, “Mbən chara Asɨyisəg ineŋ da ka anó moʼ akaʼa unó mbənə mbən aghayn a aghəy ma ineŋ.”

Roman 3:10

Ayə ungɨŋ Aŋwaʼanayn Nwiye kwi, “Cha wa moʼ awu umə aghəy unó mbənə u koʼoro kaba ufeyn.

Roman 5:19

Anji zənə anjim izəw wa feyn ghəy ba nanaʼ ghəy unó iboŋ, amə nibə anjim mugə wa feyn mə iwumini, nu ba nanaʼ mi təm ikoʼoro.

Kolose 1:9

Amə aton zənə iti Amaʼazənə mba zəw anó da ngwən, cha mba di si waʼ imə chaʼara Nwiye da ngwən. Mba yə chaʼara kwi Azugə ma aghəy mbən tana ikyay unó mbənə u kaba. Umbən utəw tana zəŋ mbən kyay unó wu anjim iwe zənə Azugə naʼa.

1 Tesaloniyans 5:17

mbən ki chaʼara Nwiye akə umaʼ ujum,

1 Tesaloniyans 5:23

Nwiye ŋunə umə naʼa aborobod u ghəy ma amboŋ kwi mbən zayn. Nwiye ghəy kwi azugə nə itən fiŋ foro itən nyə̂ inyo ghəy unó mbənə ukoʼoro da ka wa moʼ zən ma anó iboŋ igun inen akə amaʼazənə ungwa Asɨyisəg Yeso Kristo mi wene izaʼa.

1 Tesaloniyans 5:25

Unbəŋ unya, mbən nibi chaʼara Nwiye ina.

Hibru 11:4

Amə anjim ibeni nu Abel naʼ ghəy ifa abú Nwiye nu a boŋo chigə iyi Kayin. Amə anjim ibeni ma nu Nwiye ghayn kwi uyə ghəy unó mbənə ukoʼoro. Nwiye ghayn nigə damugə yə beni ughəy mbənə yə naʼa. Abel ku asɨmə anjim ibeni ma, uyə bugə nayn.

Hibru 11:7

Amə ibeni yə ghəy kwi Noah wumini Nwiye anigə itana abaŋ ugwi zənə yə chi unebey ma angəʼ. Yə ghəy nigə damugə Nwiye si para uŋwən da unó mbən cha umi zən. Amə ibeni ma yə ghəy kwi Nwiye zi usaʼa igun ba igun isəg. Anigə Nwiye num kwi uŋwən yə ghəy unó nu ukoʼoro anjim ibeni.

Hibru 12:13

Mbən tana inji nu iyeŋ igun itəm da cha ba mbənə ughəw ma gunə umi buʼere uma ughəw ma. Inji wu ti ghəy kwi ughəw wu ka.

Hibru 13:18

Mbən ni bə chaʼara Nwiye igun ina. Mba kaŋa kyay kwi ita fiŋ tə zayn. Mba yə nibə kaba ighəy unó jum akə inji zənə ikoʼoro.

1 Pita 2:24

Kristo ma ambuŋ beʼe umba unó iboŋ ungɨŋ inyo ma ŋu azad abaʼaray. Yə aghəy nigə da mba bə ku ungɨŋ unó iboŋ mba si chomo aba akə inji zənə ikoʼoro. Una mbənə mbə́ mə́ inyo ma si aghəy mbən boro.

1 Jon 3:22

Uŋwən yi naʼ u ghəy ujum mbənə mba biri abú uŋwən. U yi ghəy nigə damugə mba yə siyə ikɨy ma nibə ghəy unó mbənə u boŋo abú uŋwən.