Jems 5:10 - Aŋwaʼanayn Uso Fey

¹⁰ Umbəŋ unya, mbən kono ba ukən mbənə mbə́ mə́ ghayn anó akə ukum Asɨyisəg. Mbən num anwini abú uŋwən ni yimə fiŋ aton ingəʼ.

Jems 5:10 Iomraidhean Croise

Ukən chuŋ da Yeso Kristo anji zənə Luk ŋwaʼanayn 13:34

Yerusanem, Yerusanem! Ngwə zwere ba ukən Nwiye, Ngwə tum ba ukən mbənə cha inen. Amə ighari səʼe a si kaba inji i fere ngwən numugə ingo ingɨ mə fere buŋ ma izi ungɨŋ iba ma anigə cha mbən beni kwi ghəy nigə!

Ukən chuŋ da Yeso Kristo anji zənə Luk ŋwaʼanayn 6:23

mbən wuʼe ngwen aney zənə anó zəŋ aghəy sə mbinə ni iwuʼi damugə umbi choʼ afaʼa kyayn inen anəŋ azobo. Amə nigə umbən umbaʼ imbey mbə mə́ ighəy abú ba ukən Nwiye.

Afaʼa ba tom Kristo 3:21

Yeso yi chomo azobo pey Amaʼazənə Nwiye mi tana unó ujum ami kəʼ. Anjizənə yə si kaʼa imbey anjim ba ukən ma.

Afaʼa ba tom Kristo 7:52

Wa ukən Nwiye moʼ mə wu nu u mbən mbaʼ imbey ki nwini ma inya ughəw ma? Mbə zwere ba mbənə mbə ghayn nu ukwey si sá kwi wa ŋunə umə ghəy unó mbənə u koʼo uyi zaʼa. Akinine mbən si fənə uŋwən u zwere.

Hibru 13:7

Mbən kono ba mbənə mbə́ mə́ cha ngwən. Amə úŋwən mbə́ mə́ nibə ghayn inayn Nwiye inen. Mbən kono inji zənə mbə́ mə́ chomo, anigə ikweme umugə zi fiŋ igun Nwiye.

Jems 4:11

Umbuŋ unya, ka wa ghayn ma anó iboŋ da unya ma. Wa bə ghayn anó iboŋ igun unya ma kə isaʼa uŋwən, yə ghayn kwi cha unoʼo Nwiye di koʼoro ma. Uŋwən nibi saʼa unoʼo Nwiye. Ngwə bə mə wa ŋunə umə saʼa unoʼo Nwiye, nji cha ngwə mə isiyə unoʼo wu. Ngwə yə saʼa iŋwən.

Jems 5:13

Wa moʼ akaʼa injən waʼa wa ingəʼ? Uŋwən chaʼara Nwiye. Wa moʼ akaʼa injən waʼa wuʼe ma? U kyugay ikyi yere Nwiye.

Jems 5:7

Umbəŋ unya, mbən yimə fiŋ pey aney zənə Asɨyisəg mi wene izaʼa. Mbən zən, wa ŋunə umə faʼa ambayn yə nəmə kwi ughəy jəgi tənə ambayn. U yə yimə fiŋ ni nəmə chomo ŋu pey akə amaʼazənə imbəŋ nwi mi sobo.

Jems 5:9

Umbəŋ unya, mbən mə inayn ngwən da unya mbi da ka Nwiye saʼa ma ngwən. Mbən zəw, wa ŋunə umi saʼa isəg yə sə baʼa pey.