Jems 4:8 - Aŋwaʼanayn Uso Fey

⁸ Mbən tinə ngwən iyad Nwiye, anigə uyi tinə iyad inen. Umbənə mbənə mbən mə aghəy unó iboŋ, mbən səw umbən ubugə! Umbən mbənə mbən mə ni fiŋ ibigə mbən aghəy itən fiŋ zayn!

Jems 4:8 Iomraidhean Croise

Matəw 12:33

Yeso ŋu imbey ghayn kwi, “Azad bə boŋo, itɨŋi ma ti boŋ. Azad bə ibɨy, itɨŋi ma ti nibi ibɨy, umbə kyay azad akə itɨŋi ma.

Matəw 15:2

“Aton zənə umbə məŋə-anó kə wumine uma nji unoʼ tənə umbaʼ imbey naʼa abú úŋwən amə da ngiya? Cha umə səw ubugə akə nji zənə ikoʼoro ki jəg anjizənə unoʼo tey!”

Matəw 27:24

Amaʼazənə Paled zən kwi cha anó moʼ amə aghəy ugha ighəy, aba kwi ibə ŋuw imbey nji indum yi dú, yə́ num une isəw ubugə ma ifigi unoŋ ba wu ujum ghayn kwi, “Cha inyi abugə akə iwu anóm ŋunə, ayə iney ngwən!”

Afaʼa ba tom Kristo 15:9

Cha yə tey ma ikyaba moʼ ina nə úŋwən. Yə nibi wa unó iboŋ uma umugə mbə́ beni Kristo.

2 Korintiyans 7:1

Umbəŋ buŋ nu awuʼi kwaʼa azəd, umugə Nwiye kaʼa unó mbəŋ ina, anigə mba ton unó iboŋ mbənə umə ighəy kwi ka nyə̂ inyo nə azugə zayn ma ichomo akə uzayn zayn. Mba chomo akə anó zayn zayn ŋu mara numugə mba mə wumini Nwiye.

1 Timoti 2:8

A yə kaba kwi usin jum mbənə ba Kristo fere akuŋ iwumini Nwiye, anóm mbənə u si naʼa fiŋ uma jum abú Nwiye u beʼere ubugə ma aneŋ ichaʼara Nwiye. U aghəy nigə nu cha umə isəy itəm foro nu cha umə taŋara.

Hibru 10:22

mbən ghəy mba tini ngwa iyad Nwiye ni fiŋ ujum izi ita ibeni ujum ungɨŋ ma mba ŋu nigə ni fiŋ tənə Yeso si səw izayn da ka imə saʼa uma ngwa. Mba nibi ŋu nigə ni nyə̂ inyo tənə usəw izayn ni uney zayn zayn.

Hibru 7:19

Cha unoʼo Mose mə aghəy uma kwi anó moʼ ŋu mara. Anigə unoʼo mbənə ba niŋi fiŋ igun akinine boŋ chigə u mbənə mba niŋi fiŋ igun. Mba yi chigə anjim unó mbəŋ itinə iyad Nwiye.

Jems 1:8

damugə fiŋ ma yə uba ubigə. Unó jum mbənə u mə ibira, u yə bire iməŋə ma.

Jems 3:17

Iwe zənə Nwiye naʼa yə ghəy kwi mba chomo akə uzayn zayn, chomo akə aborobod, mə nə iboro fiŋ, izwaray unó mbənə ba mə ghayn, idiri ba nibi ighəy ichuŋ. Iyə ghəy kwi ka wa ghəy ma aghɨ foro kwi ka wa ma figə unó.

1 Pita 1:22

Mbən si ghəy itən fiŋ zayn anji zənə mbən mə ghəy unó amə umbi asiʼ. Mbən nibi kaŋa iwuʼ umbən unya kwaʼa anji chuŋ. Mbən wuʼe úŋwən kwaʼa ungɨŋ fiŋ.

1 Pita 3:21

Une mbənə mbə́ mə́ neŋe igun təm akə anó nu ba num une. Amə une wu chiyə ngwa angəʼ akinine. Cha anó ni num une mə ma anó ni chi indoro inyo. Amə anó nu ikaʼ abú Nwiye nə fiŋ nu izayn. Anó ni num une chiyə ngwa angəʼ anjim umugə Yeso Kristo zəmə.

1 Jon 3:3

Anigə ba jum mbənə u zi fiŋ mə nəmə Kristo umbi siy inyo ma izayn zayn anji zənə uŋwən mə nibə zayn.