Jems 4:4 - Aŋwaʼanayn Uso Fey

⁴ Cha ibeni inen! Cha mbən kyay kwi wa ŋunə umə kaba ijəg azi nə isəg mə wa bana Nwiye? Anigə wa moʼ ŋunə u wuʼi ijəg azi ni amə wa abana Nwiye.

Jems 4:4 Iomraidhean Croise

Matəw 12:39

Yeso ywiri abú úŋwən kwi, “Umbən ba akinine mbən yə aghəy unó iboŋ, cha mbən zi ngwən fiŋ inyo Nwiye. Mbən yə kaba kwi a aghəy ayere anó, asɨmə cha ami aghəy aŋu ayere anó moʼ chigə akə zənə yə́ aghəy abú wa ukən Nwiye Jona.

Matəw 16:4

Umbən ba akinine mbə aghəy unó iboŋ cha imə zi fiŋ inyo Nwiye, mbən yə kaba kwi aghəy ayere anó, cha ayere anó moʼ ami ighəy chigə akə zənə yə aghəy abú Jona.” Amaʼazənə Yeso ghayn nigə, yə sayn úŋwən noʼ ŋu ma.

Matəw 6:24

Yeso ŋu imbey ghayn kwi, “Cha wa moʼ awu nu umə afaʼa abú umbaʼ faʼa ubigə, damugə u yi iban wa feyn iwuʼ feyn. Kə u yi mə faʼa abú wa feyn akə fiŋ ujum cha umi mə faʼa abú feyn akə fiŋ ujum. Cha amə aghəy ngwə ni faʼa abú Nwiye nibə faʼa kwi imə nə imbon.”

Ukən chuŋ da Yeso Kristo anji zənə Luk ŋwaʼanayn 19:27

Anigə abú u mbəŋ ba bana mbənə cha u mə kaba ma kwi a tumə úŋwən mbən num úŋwən zaʼa akəŋ i zwere úŋwən inyi ifigi.’”

Ukən chuŋ da Yeso Kristo anji zənə Jon ŋwaʼanayn 15:19

Abə mə kwi mbən yə ungɨŋ isəg, nji isəg yi wuʼe ngwən anji zənə imə wuʼe ba uma. Asɨmə mə choʼo ngwən ungɨŋ isəg damugə cha mbən mə ngwən ba ungɨŋ isəg zəŋ. Amə aton zənə isəg mə bana ngwən.

Ukən chuŋ da Yeso Kristo anji zənə Jon ŋwaʼanayn 17:14

Mə si ghayn inji inayn abú úŋwən. Isəg yə bana úŋwən damugə cha úŋwən mə uma ba ungɨŋ isəg anji zənə cha amə nibə aŋu wa ungɨŋ isəg.

Ukən chuŋ da Yeso Kristo anji zənə Jon ŋwaʼanayn 7:7

Cha aton moʼ abú ba mbənə umə ungɨŋ isəg ibana uŋwen anigə umbi bana aŋu damugə ayə bə ghayn abú úŋwən kwi umbə aghəy unó iboŋ.

Roman 5:10

Mba mə ba bana Nwiye anigə yə si ghəy ngwa akə uzi ma anjim iwu ŋwə̂ ma. Akinine nu mba mə uzi Nwiye, itəni Kristo yi ghəy kwi mba duw angəʼ.

Roman 8:7

Ayə ney damugə wa ŋunə u zi fiŋ akə ughəy mbənə nyə̂ inyo mə kaba yə ghəy unó mbənə cha Nwiye kaba. Cha umə num ma unoʼo Nwiye. Amə asiʼ kwi cha umi noʼo inum.

1 Korintiyans 1:20

Abə mə ney, nji u mi siy wa ŋunə ukono kwi iyə ni iwe aŋwayn? Isiy wa ŋunə umə itey ikɨy aŋwayn? Isiy wa ŋunə umə taŋa anó aki isəg aŋwayn? Nwiye si aghəy kwi iwe ba igun isəg beŋe akə unó aneŋ.

1 Korintiyans 1:21

Nwiye num iwe ighəy kwi ka ba num uma iwe ba nyoŋ atəw kyay uŋwən. Anigə yə boŋ abú uŋwən kwi u chiyə ba angəʼ anjim umugə u beni anó aneŋ zənə mba mə ghayn.

Galetiya 1:10

A waʼa kaba kwi ba ghayn kwi mə boŋo, kə kwi Nwiye ghayn kwi mə boŋo? Mə di mə kaba ighəy kwi ba ghayn kwi mə boŋ, nji cha mə mi mə wa faʼa Kristo.

Jems 1:27

Anó Nwiye zənə Nwiye Mbaʼ beni kwi yə zəŋ nu cha anó iboŋ ungɨŋ, amə i mə iney buŋ uti foro ayey uti mbənə umə zəw ingəʼ. Amə nibə kwi ka wa beni ma kwi unó ungɨŋ isəg chiŋe uŋwən.