Jems 4:3 - Aŋwaʼanayn Uso Fey

³ Mbən yə ibiy cha Nwiye mə naʼa inen damugə mbən yə ibiyə akə ikono iboŋ. Mbən yə biyə da inum ighəy unó mbənə nyə̂ inyo mə kaba.

Jems 4:3 Iomraidhean Croise

Matəw 20:22

Yeso ghayn abú úŋwən kwi, “Cha mbən kyay ngwən anó zənə mbən mə biri, mbən mi kyay zəw ukudu ingəʼ ŋənə ami zəw?” Mbə́ ywiri kwi, “Mba yi kyay zəw.”

Ukən chuŋ da Yeso Kristo anji zənə Mak ŋwaʼanayn 10:38

Yeso ghayn abú úŋwən kwi cha mbən kyayn ngwen anó zənə mbən mə biri. Amaʼazənə yə ywiri nigə, yə biri abú úŋwən kwi, mbən mi kyayn izəw ingəʼ zənə ami zəw? Kə mbən mi kyayn inum une akə inji zənə ami inum?

Ukən chuŋ da Yeso Kristo anji zənə Luk ŋwaʼanayn 11:10

Damugənə ba ujum mbənə ubiri Nwiye yi naʼ abú uŋwən, ba mbənə ukaba, Nwiye yi aghəy kwi uzən, wa bi gweʼe Nwiye yi fəʼi abú uŋwen.

Ukən chuŋ da Yeso Kristo anji zənə Luk ŋwaʼanayn 15:13

Amaʼazənə unəy moʼ chigə, ŋwə̂ kukuŋe wu fənə u aghəy ujum mbənə mbaʼ ma naʼ abú uŋwən num ukab wu iŋu abey moʼ agha sa. Amaʼazənə yə pey awu, yə chiŋe ukab wu akə inji iboŋ.

Ukən chuŋ da Yeso Kristo anji zənə Luk ŋwaʼanayn 15:30

Anigə ungwə ŋwə̂ ŋunə u zaʼa nu yə si jəgə umbə u aghəy ujum aboʼo mbə́ jəgə isəg ngwə zwere ipoŋ zənə ikwey chigə iti ujum abú uŋwən!’

Jems 4:1

Anó ni mə zoŋo nə anó ni mə taŋara zaʼa ŋwən akaʼa injən? Aka umə zaʼa akə ughəy mbənə itən fiŋ mə kaba, nu amə u mbənə umə zoŋo ingɨŋ inen?

1 Jon 3:22

Uŋwən yi naʼ u ghəy ujum mbənə mba biri abú uŋwən. U yi ghəy nigə damugə mba yə siyə ikɨy ma nibə ghəy unó mbənə u boŋo abú uŋwən.

1 Jon 5:14

Aton zənə cha mba mə goro Amaʼazənə mba mə chaʼara Nwiye amə damugə mba si kyay kwi uŋwən yə zəw unó mbənə mba biri akə nji zənə u mə kaba.