Jems 4:11 - Aŋwaʼanayn Uso Fey

¹¹ Umbuŋ unya, ka wa ghayn ma anó iboŋ da unya ma. Wa bə ghayn anó iboŋ igun unya ma kə isaʼa uŋwən, yə ghayn kwi cha unoʼo Nwiye di koʼoro ma. Uŋwən nibi saʼa unoʼo Nwiye. Ngwə bə mə wa ŋunə umə saʼa unoʼo Nwiye, nji cha ngwə mə isiyə unoʼo wu. Ngwə yə saʼa iŋwən.

Jems 4:11 Iomraidhean Croise

Ukən chuŋ da Yeso Kristo anji zənə Luk ŋwaʼanayn 6:37

“Mbən mə́ saʼa ngwen ba umbi boʼo cha Nwiye mi saʼa ma ngwen, mbən mə chiŋe ngwen ikum ba umbi boʼo ka Nwiye chiŋe ma itən. Mbən nyaba unó iboŋ ba umbi boʼo Nwiye mi nyaba umbən unó iboŋ.

Roman 2:1

Inyi azi, cha aton moʼ inigə ighayn kwi, “Cha mə di kyay” Damugə ngwə yə sob usaʼa igun ba chini. Ngwə mə sobo usaʼa igun wa chini, ngwə yə sobo usaʼa igun inji inyo damugə ungwə ŋunə ngwə mə sobo usaʼa, ngwə yə nibə aghəy unó iboŋ.

Roman 2:13

damugə akə ma ba mbənə u zəw unoʼo nu umə aghəy unó mbənə u koʼoro. Amə ba mbənə umə aghəy unó mbənə unoʼo wu ghayn nu Nwiye mi beni kwi unó ma koʼoro.

Roman 7:7

Mba mə ghayn kwi ingiya? Kwi unoʼo amə anó iboŋ? Akə ma nigə! Asiʼ amə kwi, cha mə mi kyay aŋu aghəy zənə amə anó iboŋ ighari unoʼo di kə uma wu. Nji cha mə mi kyay aŋu anó ni iswene aghəy wa chini ighari unoʼo ki ghayn ma kwi, “Iswene ayə aghəy wa chini.”

1 Korintiyans 4:5

Anigə, ka mbən sob ngwən u saʼa igun wa moʼ kə amaʼ sə koʼo. Mbən nəmə ipey Amaʼazənə Asɨyisəg mi zaʼa. Uyi tey unó mbənə ba mə aghəy ungɨŋ imbiri, nibi tey ikono tənə imə ungɨŋ fiŋ ba. Akə amaʼa wu, Nwiye yi naʼ yə beni ayə abú ba ma ujum akə inji zənə ikoʼoro abú wa feyn feyn.

2 Korintiyans 12:20

Ayə goro kwi amaʼazənə ami zaʼa, cha ami zən ngwən akə nji zənə mə́ mə kaba kwi mbən məŋi. Ayə nibə goro kwi cha mbən mi zən aŋu akə inji zənə mbən mə kaba kwi a məŋi. Ayə goro kwi amaʼazənə ami zaʼa ba mbi mə nə ataŋara, umbi mə ighəy adey, umbi mə isə itəm, umbi mə tono inaʼ aghəy abú ba, umbi mə jimə uma, umbi mə iweŋ ukwey, umbi mə ibeʼere inyo, umbi mə nibə ighəy abúri.

Efesus 4:31

Mbən waʼ inayn jum tənə imə toboro fiŋ ba, i waʼ anó ni mə chiŋe ba, waʼ anó imə isə itəm, waʼ anó imə taŋara, waʼ anó imə jimə ba nibi waʼ anó imə aghəy ukudu ibɨy unó jum.

1 Timoti 3:11

Ichin ichin, uyey uma mə ayey nu ba mə wumine uŋwən. Akəma ayey nu umə chiŋe ikum ba. Amə aboroy ayey, nibə amə ayey nu ba zi fiŋ igun uma.

2 Timoti 3:3

Cha umi mə iney ba kwi amə ba. Cha umi mə idiri ba. Umbi sə cheŋe ikum ba chini. Cha umi mə yimə inyo. Umbi sə zoŋo. Mbi sə bana unó chuŋ.

Titus 2:3

Ichin ichin nibi ghayn abú ayey mbən umə sə nunə kwi u chomo akə uzayn zayn, ka umə chiŋe uma ikum ba kə məŋi isob abú unó. Úŋwən amə ayey nu umə itey uno mbənə u boŋo,

Jems 1:16

Unbəŋ unya nu awuʼi kwaʼa azəd, ka wa moʼ tama ma ngwən.

Jems 1:19

Umbuŋ unya nu a wuʼi kwaʼa azəd, mbən kyay anó zəŋ. Ba jum niŋi atoŋ mi zəw anó. Ka wa mə yaba inayn ma. Ka wa mə yaba isə ma itəm,

Jems 1:25

Nwiye yi zi aborobod igun wa ŋunə u tana inum unoʼo mbənə u boŋo imara, nu amə unoʼo umə aghəy kwi ka wa mə́ ma isob. U yi zi aborobod wu da u ŋu imbey ni aghəy unó mbənə umə ungɨŋ unoʼo wu, nu cha umi nyaba unó mbənə u nibi zəw, asɨmə u yə aghəy unó wu.

Jems 2:8

Mbən bə sə numə noʼo ŋunə ufon ŋunə umə ney isəg ghayn uŋwaʼanayn ungɨŋ Aŋwaʼanayn Nwiye kwi, “Ngwə wuʼ wa ŋunə umə tinə ma inji iyad numugə ngwə wuʼ injə nyə̂ inyo,” Nji mbən yə faʼa anó zənə akoʼoro.

Jems 5:10

Umbəŋ unya, mbən kono ba ukən mbənə mbə́ mə́ ghayn anó akə ukum Asɨyisəg. Mbən num anwini abú uŋwən ni yimə fiŋ aton ingəʼ.

Jems 5:7

Umbəŋ unya, mbən yimə fiŋ pey aney zənə Asɨyisəg mi wene izaʼa. Mbən zən, wa ŋunə umə faʼa ambayn yə nəmə kwi ughəy jəgi tənə ambayn. U yə yimə fiŋ ni nəmə chomo ŋu pey akə amaʼazənə imbəŋ nwi mi sobo.

Jems 5:9

Umbəŋ unya, mbən mə inayn ngwən da unya mbi da ka Nwiye saʼa ma ngwən. Mbən zəw, wa ŋunə umi saʼa isəg yə sə baʼa pey.

1 Pita 2:1

Mbən waʼ unó iboŋ jum, waʼ anó ni mə figə unó. Waʼ anó ni mə aghəy azom, waʼ anó ni mə ighəy adey nibi waʼ anó ni mə zumə inayn.