Jems 4:1 - Aŋwaʼanayn Uso Fey

¹ Anó ni mə zoŋo nə anó ni mə taŋara zaʼa ŋwən akaʼa injən? Aka umə zaʼa akə ughəy mbənə itən fiŋ mə kaba, nu amə u mbənə umə zoŋo ingɨŋ inen?

Jems 4:1 Iomraidhean Croise

Matəw 15:19

Damugə ungɨŋ fiŋ wa, amə awu ikono iboŋ imə noʼo ighəy kwi u zwere wa, ineŋe uyey kə unom wa chini, imə jəgə isəg, iji, ifigə uno, foro anó ni mə chiŋe ikum ba.

Ukən chuŋ da Yeso Kristo anji zənə Jon ŋwaʼanayn 8:44

Mbən mə buŋ debere ŋunə amə ungwən mbaʼ. Mbən yə kaba ighəy aba unó mbənə mbaʼ mə kaba. Uŋwən mə́ zwere ba inoʼ amaʼazənə akə isəg ti. Cha anó moʼ abú uŋwən ighəy nə asiʼ. Amaʼazənə uŋwən ghayn unó figi, u yə ghayn aba anó zənə amə ungɨŋ fiŋ ima damugə uŋwən amə wa figə unó foro mbaʼ unó figi.

Roman 7:23

asɨmə ayə zən noʼo chini ungɨŋ umbəŋ usin inyo umə maʼa berd nu noʼo zənə imə ungɨŋ inyi fiŋ. Noʼo wu yə aghəy kwi a beni isob abú unó iboŋ mbənə umə ungɨŋ umbəŋ usin inyo.

Roman 7:5

Amaʼazənə mba mə bugə ighəy unó iboŋ, inyaŋara imə ighəy unó iboŋ mə noʼo ungɨŋ ita inyo damugə amə unoʼo mbə mə ibeʼere. Mbə́ mə́ aghəy mba ni aghəy unó nu umi aghəy mba kuw,

Roman 8:7

Ayə ney damugə wa ŋunə u zi fiŋ akə ughəy mbənə nyə̂ inyo mə kaba yə ghəy unó mbənə cha Nwiye kaba. Cha umə num ma unoʼo Nwiye. Amə asiʼ kwi cha umi noʼo inum.

Galetiya 5:17

Ayə ghayn ney damugə, unó mbənə nyə̂ inyo mə kaba mə u mbənə cha Azugə mə kaba. Umbənə Azugə mə kaba, amə u mbənə cha nyə̂ inyo mə kaba. Úŋwən uma ubigə mbə zoŋo da mba aghəy unó mbənə u kaba.

Kolose 3:5

Mbən zwere ughəy igun isəg mbənə nyə̂ inyo mə kaba. Anigə amə anó ni niŋe uyey kə unom wa chini, anó ni aghəy ufibiri unó, anó ni ney ayey kə anó swene adoʼ, ikono da unó iboŋ, anó ni imə kama. (ikama mə anó ni iwumini unwiye).

2 Timoti 2:23

Imə ayə nə anó moʼ ighəy nə unó aneŋ mbənə ba mə taŋara da úŋwən, nu cha iwe ungɨŋ. Ngwə si nibi kyay kwi ubə zaʼa ni itaŋara.

Titus 3:3

Mba mə́ nibə ghəy unó aneŋ, nibə ghəy izəw, ba nibə tama ngwa. Mbə́ ba naʼ inja inyo akə isob abú ikudi unó jum mbənə nyə̂ inyo mə kaba nibə ighəy. Mba mə ghəy imbəw nibə ghəy adey. Ba mə bana ngwa mba nibə bana ita inyo.

Titus 3:9

Ka mbən mə ngwən nə anó moʼ ighəy nə unó aneŋ numugə ba mə taŋara da umbaʼ imbey nu amə anó ni ghayn da iwaŋ ba mbənə usi chigə. Anó nu imə taŋara ni ba chini foro anó imə taŋara da anó zənə unoʼo ghayn. Unó ibuw nu cha njim moʼ wa mə jəgə awu, cha unó wu mi iwere ma wa moʼ.

Jems 1:14

Unó mbənə umə kaba, umbə tinə wa kwi akwaʼara yə zaʼa igun ma. Umbə nibə tama uŋwən.

Jems 4:3

Mbən yə ibiy cha Nwiye mə naʼa inen damugə mbən yə ibiyə akə ikono iboŋ. Mbən yə biyə da inum ighəy unó mbənə nyə̂ inyo mə kaba.

1 Pita 1:14

Umugə mbən mə buŋ umə wumine, ka mbən beni ngwən aboʼo unó iboŋ mbənə ita nyə̂ inyo mə fana akə amaʼazənə cha mbən di si kyay Nwiye.

1 Pita 2:11

Umbuŋ unya nu a wuʼi kwaʼa azəd, mbən kyay kwi mbən mə ba umə chomo abey ba chini, foro kwi mbən mə ba isoʼ ungɨŋ isəg zəŋ. Ka mbən aghəy ngwən unó mbənə nyə̂ inyo mə fana. Mbəŋ amə unó mbənə umə maʼa berd ungɨŋ itən fiŋ.

2 Pita 2:18

Umbə nayn inayn aneŋ nibə komo iguwə. Umbə numə unyimi unó mbənə nyə̂ inyo mə fana tama ba mbənə u chede du akaʼa ba mbənə umə chomo ungɨŋ ufibiri unó.

2 Pita 3:3

Anó imbey zənə mbən mi kyay amə kwi ungɨŋ unəy mbənə usi Nwi, ba moʼ mbi zaʼa pey yi baʼara ngwən. Úŋwən mbi beni aboʼo unó mbənə nyə̂ inyo mə fana.