Jems 3:9 - Aŋwaʼanayn Uso Fey

⁹ Mba yə num ineme yere Asɨyisəg Mbaʼ. Mba yə nibə num ineme zi indon igun ba mbənə Nwiye tana umə ni uŋwən.

Jems 3:9 Iomraidhean Croise

Matəw 26:74

Anigə Pita məʼe ma ghayn kwi, “Akə ukum Nwiye cha adi kyay aŋu anom ŋunə mbən mə ghayn da uŋwən!” Aba ighari wu unoŋ ingɨ toŋ.

Matəw 5:44

Asɨmə ayə ghayn inen kwi, mbən wuʼ umbən ba bana ni chaʼara Nwiye abú ba mbənə umə nwini itən inya ughəw,

Afaʼa ba tom Kristo 2:26

Anigə iwuʼi sugi ungɨŋ inyi fiŋ, A yə inayn nə iwuʼi. Anigə inyi nyə̂ inyo yə nəmə ughəy chuŋ mbənə Nwiye kaʼa.

Roman 3:14

Aba inayn tənə imə naʼa indon imə duw ungɨŋ uchəw ma.

1 Korintiyans 11:7

Ka anom kəbərə ma atəw ma damugə yə chomo ni Nwiye. U yə nibə itey iwumini zənə imə abú Nwiye. Asɨmə, ayey yə tey amə iwumini zənə imə abú anom.

Efesus 1:3

Mba yere Nwiye ŋunə amə Mbaʼ abú Asɨyisəg Yeso Kristo. Yə zi aborobod igun ina umugənə mba mə akə anó feyn ni Kristo. Aborobod zənə Nwiye zi igun ina anjim Azugə zayn zayn amə azənə amə ungɨŋ usin jum mbənə umə azobo.

Jems 1:27

Anó Nwiye zənə Nwiye Mbaʼ beni kwi yə zəŋ nu cha anó iboŋ ungɨŋ, amə i mə iney buŋ uti foro ayey uti mbənə umə zəw ingəʼ. Amə nibə kwi ka wa beni ma kwi unó ungɨŋ isəg chiŋe uŋwən.

Jems 3:10

Anó ni yere Nwiye, nə anó ni naʼa indon abú ba yə duw aba ungɨŋ uchəw feyn. Umbəŋ unya, akə ma nigə!

1 Pita 1:3

Mba yere Nwiye ŋunə amə Mbaʼ ungwa Asɨyisəg Yeso Kristo, uŋwən yə idiri ngwa kwaʼa inji chuŋ. Yə si ghəy kwi mba jəg itəni fey anji zənə yə zəmə Yeso Kristo. Zəŋ si ghəy kwi mba niŋi ikono ni nəmə unó mbənə Nwiye kaʼa ina.