Jems 3:2 - Aŋwaʼanayn Uso Fey

² Mba kyay umba jum kwi mba yə fana unó akə buŋ inji nanaʼ. Wa moʼ bə mə awu nu cha umə fana akə unó mbənə umə ghayn, nji yə iboŋ imara nibi kyay inji iyimə inyo ma jum.

Jems 3:2 Iomraidhean Croise

Matəw 12:34

Mbən mə ijugə iboŋ, mbən mə ghayn unó chuŋ ngiya nu mbən mə ba unó iboŋ? Uchəw yə ghayn amə anó zənə amə ungɨŋ fiŋ.

Matəw 12:37

Amə akə inji inayn u mi num saʼa ayə kwi ngwə chigə kə ngwə gow. Amə nibə akə inji inayn, u mi num izi usaʼa igun inigə.”

Roman 3:10

Ayə ungɨŋ Aŋwaʼanayn Nwiye kwi, “Cha wa moʼ awu umə aghəy unó mbənə u koʼoro kaba ufeyn.

Roman 7:21

Anigə mə si zən kwi noʼo moʼ yə awu kwi abə mə kaba ighəy ichuŋ amə ibɨy mə zaʼa.

1 Korintiyans 9:27

A yə yimə inyi inyo da i beni aboʼo inyi da a bə ghayn ukən uchuŋ abú ba chini, ka a sam aŋu uneʼe wu.

Galetiya 3:22

Asɨmə ayə ungɨŋ Aŋwaʼanayn Nwiye kwi, isəg jum yə aton unó iboŋ. Anigə unó mbənə Nwiye kaʼa anjim mugə ba zi fiŋ igun Yeso Kristo u yi naʼ abú ba mbənə u beni.

Galetiya 5:17

Ayə ghayn ney damugə, unó mbənə nyə̂ inyo mə kaba mə u mbənə cha Azugə mə kaba. Umbənə Azugə mə kaba, amə u mbənə cha nyə̂ inyo mə kaba. Úŋwən uma ubigə mbə zoŋo da mba aghəy unó mbənə u kaba.

Kolose 1:28

Mba yə ghayn anó da Kristo abú ba jum. Mba yə num iwe zənə Nwiye naʼa ina para úŋwən nibə tey unó abú ba jum da mba num ba jum mbənə usi kara umugə mba mə akə ibumi ni Kristo ŋu ifigi Nwiye.

Kolose 4:12

Epafras nu amə wa faʼa Kristo, uŋwən mə nibə wa akaʼa injən yə chaʼara ngwən. U yə chaʼara Nwiye akə ikay ighari jum kono ngwən kwi mbən təm ikay nibi tana kyay unó jum mbənə Nwiye mə kaba.

Hibru 13:21

u naʼa u ghəy uchuŋ ujum inen da mbən ghəy anó zənə ukaba. Yə chigə anjim Yeso Kristo ighəy unó mbənə u boŋo abú uŋwən ungɨŋ inen. Mba wumine Yeso akə ighari feyn. Amə nigə.

Jems 1:26

Wa moʼ akaʼa injən waʼa kono kwi yə kara ungɨŋ anó Nwiye? Yə mbə ton iyimə uchəw ma, u yə tama inyo ma anigə anó Nwiye ma amə atəw akow.

Jems 1:4

Mbən zən kwi mbən yimə fiŋ ni ŋuw imbey. Mbən bə aghəy nigə, mbən yi itəm imara ni boŋ imara nu cha anó moʼ amə aghəy ughayn da uŋwən.

Jems 2:10

Wa moʼ bə num unoʼo jum anigə igow noʼo moʼ, yə si gow unoʼo wu jum.

1 Pita 3:10

Ayə ungɨŋ aŋwaʼanayn Nwiye kwi, Wa ŋunə u wuʼi ichomo u chuŋ uchuŋ, Nibi zən unəy chuŋ, U yimə ineme ma da ka u ghayn ma inayn iboŋ. U nibi yimə uchəw ma da ka u figi ma unó.

1 Pita 5:10

Mbən bə zəw ingəʼ akə ŋwə̂ amaʼ moʼ, Nwiye ŋunə umə ighəy ichuŋ abú ba jum yi were itana ughəy jum inen. U yi aghəy kwi injən ibeni kara nibi aghəy kwi mbən təm ikara. Asɨmə yə chigə anjim Kristo itiya ngwən kwi mbən zaʼa nyi ungɨŋ zayn zayn ma ŋunə cha umi noʼo imey.