Jems 3:17 - Aŋwaʼanayn Uso Fey

¹⁷ Iwe zənə Nwiye naʼa yə ghəy kwi mba chomo akə uzayn zayn, chomo akə aborobod, mə nə iboro fiŋ, izwaray unó mbənə ba mə ghayn, idiri ba nibi ighəy ichuŋ. Iyə ghəy kwi ka wa ghəy ma aghɨ foro kwi ka wa ma figə unó.

Jems 3:17 Iomraidhean Croise

Matəw 23:28

Aba isəg, mbən chomo ni ba mbənə umə aghəy unó mbənə ukoʼoro asɨmə aba ungɨŋ, unó figi nə unó iboŋ si sugi ungɨŋ inen.

Matəw 5:8

Nwiye ziyə aborobod igun ba mbənə fiŋ ma mə zayn Damugə umbi zən Nwiye.

Matəw 5:9

Nwiye ziyə aborobod igun ba mbənə umə aghəy kwi ba chomo akə aborobod Damugə Nwiye yi tiya úŋwen kwi amə umbəŋ ma.

Ukən chuŋ da Yeso Kristo anji zənə Luk ŋwaʼanayn 21:15

damugə ayi naʼ inayn iwe inen nu cha wa moʼ akaʼa umbən ba abana umi taŋ kə iton inayn wu.

Ukən chuŋ da Yeso Kristo anji zənə Luk ŋwaʼanayn 6:36

Mbən mə nə adiri abú ba numugə ungwen Mbaʼ mə nə adiri abú ba.

Ukən chuŋ da Yeso Kristo anji zənə Jon ŋwaʼanayn 1:14

Inayn wu beŋe akə wa inyoŋ atəw, ichomo inja kaʼa. Mba zən iwumini ma nu amə iwumini zənə yə mə abú uŋwən numugə uŋwən mə aba Ŋwə̂ feyn ŋunə yə́ mə abú mbaʼ Yə́ mə aghəy ichuŋ nibə ghayn asiʼ da Nwiye abú ba.

Ukən chuŋ da Yeso Kristo anji zənə Jon ŋwaʼanayn 1:47

Yeso zən Nataniel nu yə mə yeŋ zaʼa abú uŋwən, anigə yə́ ghayn abú uŋwən kwi, “Mbən zəw uŋwən amə wa Izre asiʼ, cha unó ingob ungɨŋ ma!”

Afaʼa ba tom Kristo 11:24

Banabas mə́ wa chuŋ Azugə zayn zayn sugi ungɨŋ uŋwən yə mə nibi ni ibene fiŋ kaka. Umugə yə mə ghayn inayn Nwiye, yə ghəy ba nanaʼ beŋe fiŋ uma iŋú abú Asɨyisəg.

Afaʼa ba tom Kristo 9:36

Ayey moʼ nu yə beni Kristo mə chomo Jopa ukum ma mə Tabita. Ukum ma akə inay Grik mə Dokas. Akə amaʼ ma ujum yə mə aghəy unó chuŋ, yə mə iywere ba ukwaŋ.

Roman 12:18

Mbən aghəy unó ujum izən kwi mbən yə chomo akə aborobod nə ba ujum.

Roman 12:9

Mbən wuʼe ba akə itən fiŋ jum. Mbə bana unó iboŋ, iyimi anó ni aghəy ichuŋ iku igun.

Roman 15:14

Umbəŋ unya, mə kaŋa kyay da ngwən kwi ichuŋ sugi ungɨŋ itən fiŋ, kwi mbən kyay unoʼ ujum foro kwi mbən kyay umugə imə taʼa umbən unya.

1 Korintiyans 12:8

Nwiye yə naʼa Azugə zənə amə ghəy kwi ba ghayn inayn iwe abú ba moʼ, u yə nibə chigə aba anjim azugə wu ighəy kwi wa chini ghayn inayn nu itey kwi yə kyayn anó.

2 Korintiyans 10:1

Umugə Pol mə num ukum Kristo ŋunə umə boro inyo nibə boro fiŋ boʼo ubugə inen. Ba moʼ injə akaʼa umbə ghayn kwi ayə swiʼiri inyo amaʼazənə amə injən ifigi asɨmə a yə nə fiŋ kaka amaʼazənə cha aŋu aboʼo injən.

2 Korintiyans 6:6

Mba yə tey kwi mba mə ba zayn zayn. Mba yə tey kwi mba kyay unó. Mba yə yimə fiŋ. Mba yə aghəy ichuŋ. Azugə zayn zayn yə ungɨŋ na. Mba yə wuʼe ba nə ita fiŋ jum.

2 Korintiyans 7:11

Mbən zən aghəy zənə ukudu akənə ŋunə Nwiye kaba si aghəy ungɨŋ inen. Mbə́ si aghəy ikay nu ichigə abugə ungɨŋ unó moʼ mbənə mbə́ zi igun inen. Mbə́ isə itəm abú wa moʼ ŋunə ugow unó. Mbən mə goro kwi Nwiye yi zi ingəʼ igun inen. Mbə kaba kwi a zaʼa aboʼo injən. Mbən zi ikay ni aghəy unó mbənə ukoʼoro. Mbən nibi chi wa ŋunə u gow anó. Akə unó jum, mbən si tey kwi cha mbən di gow anó moʼ.

2 Korintiyans 9:10

Nwiye ŋunə u naʼa ughəy ngwara abú wa ŋunə umə faʼa ambayn, nibi naʼa ingəŋ kwi ba jəg, yə naʼa ughəy jum mbənə mbən kaba anigə ighəy u kwey. Ba nanaʼ umbi jəg akə inji zənə mbən mə saŋara ubugə.

Efesus 5:9

damugə amə uzayn zayn mə aghəy kwi ba ni aghəy unó mbənə u boŋo nibi koʼoro nibə amə ba mbənə u kyay asiʼ.

Filipi 1:11

Aba Yeso Kristo amə aghəy u aghəy kwi mbən aghəy unó chuŋ nu ukoʼoro da ba wumini Nwiye nibi yere uŋwən.

Filipi 4:8

Umbuŋ unya, anó nu asi nwi amə kwi, anó moʼ be boŋ, anó moʼ bə mə awu amə tey kwi ba yere, mbən niŋi itən ikono igun unó wu. Ano nu amə iyi asiʼ, anó nu ba mi wumini, anó nu a koʼoro, anó nu azayn, anó nu ba wuʼi, anó nu aboŋo chigə, anó nu atey kwi ba yere, mbən niŋi itən ikono igun unó wu.

Kolose 1:10

Mba yə chaʼara nigə da mbən chomo akə inji zənə Asɨyisəg kabay, nibə aghəy amə unó mbənə uwuʼi. Akə inji zəŋ, mbən yi mə aghəy ikudi unó chuŋ jum anigə mbən yi mə bə ŋuw imbey imə tana ikyay Nwiye.

1 Tesaloniyans 2:7

Ka di ma kwi, ni ba tom Kristo nji mba mi mə ibiri u ghəy inen, mbá mə́ kaŋa iboro amaʼazənə mba mə́ akaʼa injən, chomo ni ingo umə iney buŋ ma.

1 Timoti 5:21

Ayə ghayn inigə ifigi Nwiye, ifigi Yeso Kristo foro ifigi mbə angəd mbənə Nwiye choʼo, kwi ngwə num unoʼo mbənə amə naʼa inigə imə ighəy ayə aghɨ, kə itey kwi ngwə iwu wa moʼ ichigə wa chini.

2 Timoti 2:24

Ka wa faʼa Asɨyisəg mə ma wa nu umə taŋara, amə wa umə aghəy ichuŋ abú ba jum. Amə wa nu ukyay umugə itey unó. Amə wa nu umə nibi yimə fiŋ.

Titus 1:15

Unó jum mbə zayn abú ba mbənə fiŋ uma mə zayn. Asɨmə, cha umə zayn abú ba mbənə cha fiŋ uma mə nibə zayn. Cha imə zayn damugə cha u zi fiŋ uma igun Kristo damugə unó iboŋ si nyi ungɨŋ ikono uma nibi nyi ungɨŋ fiŋ uma.

Titus 3:2

Ka umə ghayn uma anó iboŋ da wa moʼ, u chomo akə aborobod, ni ghəy ichuŋ, ni tey iboro fiŋ abú ba jum.

Hibru 12:11

Anó zənə umə nyi ngwa cha amə boŋo ma ina akə amaʼ moʼ, ayə nya azəd. Asɨmə maʼa moʼ bə si chigə, ayə ghəy kwi ba mbənə mbə nyi úŋwən u ghəy unó mbənə ukoʼoro nibi ghəy kwi u chomo akə aborobod.

Hibru 12:14

Mbən zi ikay ighəy kwi mbən chomo akə aborobod ni ba jum nibi zən kwi mbən chomo akə uzayn zayn, damugə cha wa moʼ mi zən Asɨyisəg nu cha umə akə uzayn zayn.

Jems 1:17

Ughəy chuŋ jum nə ughəy jum mbənə u boŋ mara, umbə zaʼa azobo. Umbə zaʼa abú Mbaʼ ŋunə umə azobo, nu amə uŋwən naʼa uzayn zayn. Cha umə kyaba ma kə ibeŋe inyo ma ni nyamachugi ighəy kwi usin fid.

Jems 1:5

Wa moʼ akaʼa injən bə bəw imə nə iwe, u biri abú Nwiye. Uŋwən yə naʼa ughəy abú ba ibuw ibuw. U yə nibi naʼa akə fiŋ chuŋ. U yi naʼa iwe abú uŋwən.

Jems 2:13

damugə Amaʼazənə Nwiye mi mə saʼa ba cha umi idiri ma wa ŋunə cha umə idiri ba chini. Wa ŋunə umə idiri ba, Nwiye yi idiri uŋwən Amaʼazənə umi sob usaʼa.

Jems 2:4

Nji aka mbən mə ghaba ba akaʼa injən, nibə saʼa ba akə ikoni iboŋ?

Jems 3:15

Aka ma Nwiye mə naʼa ukudu iwe wu. Yə noʼo amə abú ba igun isəg, akə ma abú Azugə Nwiye. Yə zaʼa abú debere.

Jems 4:8

Mbən tinə ngwən iyad Nwiye, anigə uyi tinə iyad inen. Umbənə mbənə mbən mə aghəy unó iboŋ, mbən səw umbən ubugə! Umbən mbənə mbən mə ni fiŋ ibigə mbən aghəy itən fiŋ zayn!

1 Pita 1:22

Mbən si ghəy itən fiŋ zayn anji zənə mbən mə ghəy unó amə umbi asiʼ. Mbən nibi kaŋa iwuʼ umbən unya kwaʼa anji chuŋ. Mbən wuʼe úŋwən kwaʼa ungɨŋ fiŋ.

1 Pita 2:1

Mbən waʼ unó iboŋ jum, waʼ anó ni mə figə unó. Waʼ anó ni mə aghəy azom, waʼ anó ni mə ighəy adey nibi waʼ anó ni mə zumə inayn.

1 Pita 2:18

Ba faʼa, mbən wumini umbən mbaʼ faʼa ni iwumini jum. Ka mbən wumini ngwən aba umbənə umə nə fiŋ chuŋ. Mbən wumini foro u mbənə umə kyugə.

1 Jon 3:18

Umbəŋ buŋ, ka mba wuʼe ngwa ba aba akə inayn foro akə uchəw. Mbən tey akə unó mbənə mbən mə ghəy foro akə asiʼ ŋunə mba ghayn mba wuʼ úŋwən.

1 Jon 3:3

Anigə ba jum mbənə u zi fiŋ mə nəmə Kristo umbi siy inyo ma izayn zayn anji zənə uŋwən mə nibə zayn.