Jems 3:15 - Aŋwaʼanayn Uso Fey

¹⁵ Aka ma Nwiye mə naʼa ukudu iwe wu. Yə noʼo amə abú ba igun isəg, akə ma abú Azugə Nwiye. Yə zaʼa abú debere.

Jems 3:15 Iomraidhean Croise

Ukən chuŋ da Yeso Kristo anji zənə Luk ŋwaʼanayn 16:8

Mbaʼ afaʼa wu yere wa kob ŋunə yə mə iney ughəy ma. Wə yere uŋwən damugə yə mə nə iwe. Mbə ghayn kwi ba akə ungɨŋ isəg mbə ni iwe ifaʼ ufaʼa uma chigə ma ifaʼ ufaʼa mbənə umə nə itəni.”

Ukən chuŋ da Yeso Kristo anji zənə Jon ŋwaʼanayn 3:17

Nwiye tom Ŋwə̂ ma ungɨŋ isəg akə ma kwi u zaʼa zi usaʼa igun ba ungɨŋ isəg asɨmə kwi ba ungɨŋ isəg mbi chigə anjim ma idu angəʼ.

Ukən chuŋ da Yeso Kristo anji zənə Jon ŋwaʼanayn 8:44

Mbən mə buŋ debere ŋunə amə ungwən mbaʼ. Mbən yə kaba ighəy aba unó mbənə mbaʼ mə kaba. Uŋwən mə́ zwere ba inoʼ amaʼazənə akə isəg ti. Cha anó moʼ abú uŋwən ighəy nə asiʼ. Amaʼazənə uŋwən ghayn unó figi, u yə ghayn aba anó zənə amə ungɨŋ fiŋ ima damugə uŋwən amə wa figə unó foro mbaʼ unó figi.

Afaʼa ba tom Kristo 13:10

“Ungwə ŋwə̂ debere! Ngwə yə bana unó ujum mbənə ukəʼərə. Unó iboŋ sugi unɨŋ injə fiŋ anigə ngwə yə ni inji iboŋ ujum itama ba. Ngwə yə́ bə́ kaba inji igha unó chuŋ da Asɨyisəg kwi u məŋi unó iboŋ.

Roman 1:22

Úŋwən mbə ghayn kwi umbə ni iwe, asɨmə úŋwən beŋe akə uneŋ.

1 Korintiyans 1:27

Asɨmə Nwiye choʼo ba mbənə ba kono kwi amə uneŋ da inaʼ idere atəw abú ba mbənə u kono kwi umbə nə iwe. Nwiye choʼ ba mbənə ba kono ungɨŋ isəg kwi umbə́ ibó da inaʼ idere atəw abú ba mbənə ukono kwi umbə nə ikay.

1 Korintiyans 2:14

Cha wa ŋunə cha Azugə Nwiye ungɨŋ fiŋ ma mi beni ma unó asiʼ mbənə Azugə Nwiye naʼa damugə amə anó aneŋ abú uŋwən. Cha umi kyay ma unó wu damugə aba Azugə Nwiye mi aghəy kwi u kyay.

1 Korintiyans 3:19

Ayə ney damugə anó zənə ba ungɨŋ isəg kono kwi amə anó iwe, Nwiye zən kwi amə aneŋ anó. Ayə ungɨŋ Aŋwaʼanayn Nwiye kwi, “Nwiye yə ibiya ba mbənə u kono kwi umbə ni iwe aba anjim iwe uma.”

1 Korintiyans 3:3

Ayə ney damugə mbən yə ghəy nó ni ba mbənə umə ungɨŋ isəg. Amaʼazənə mbən mə́ ghəy imbəw nibə taŋara, aka mbən mbə́ ghəy numugə ba ungɨŋ isəg mə ghəy? Ka mbən mə ighəy ni ba mbənə cha u di kyay Kristo?

2 Korintiyans 1:12

Akinine, anó zənə mba mə komo iguwə igun amə kwi, ita fiŋ zayn kwi mba aghəy unó zayn zayn, nibə aghəy unó mbənə amə umbi asiʼ anji zənə mba mə ungɨŋ isəg, amara mə akinine ŋunə mba mə akaʼa injən. Amə ichuŋ zənə Nwiye aghəy ina, akə ma iwe ba nyoŋ atəw aghəy kwi mba aghəy ney.

2 Korintiyans 11:3

Asɨmə ayə goro kwi anji zənə ijugə num iwe tama Efa, umbi nibi faba itən ikono akə inji zənə mbən mə faʼa abú Kristo akə fiŋ jum foro akə fiŋ nu izayn.

Filipi 3:19

Ba mbəŋ umbi nwi ungɨŋ uwəd nu cha umi nimə, anigə unwiye uma amə ughəy mbənə nyə̂ inyo uma mə fana. Cha indere atəw mə ibiya úŋwən, umbə wuʼi uma anə unó mbənə mbə mi naʼ amə indere atəw abú uŋwən. Umbə kono aba unó igun isəg.

2 Tesaloniyans 2:9

Wa ŋunə umə ikyugə yi zaʼa nə ikay zənə Satan naʼa abú uŋwən. U yi pey yi aghəy ikudi uyere unó figi jum, ighəy ikudi inwini unó figi jum nibi aghəy ikudi unó jum nu u daba.

1 Timoti 4:1

Azugə zayn ghey adu zayn kwi ungɨŋ unəy mbənə umə ŋu zaʼa, ba moʼ mbi waʼ ibeni zənə imə abú úŋwən, sə wumine amə ba figə unó foro uzugə mbənə umə tumə ba. Umbi mə tey unó figi mbənə uzugə iboŋ kaba kwi ba beni.

Jems 1:17

Ughəy chuŋ jum nə ughəy jum mbənə u boŋ mara, umbə zaʼa azobo. Umbə zaʼa abú Mbaʼ ŋunə umə azobo, nu amə uŋwən naʼa uzayn zayn. Cha umə kyaba ma kə ibeŋe inyo ma ni nyamachugi ighəy kwi usin fid.

Jems 1:5

Wa moʼ akaʼa injən bə bəw imə nə iwe, u biri abú Nwiye. Uŋwən yə naʼa ughəy abú ba ibuw ibuw. U yə nibi naʼa akə fiŋ chuŋ. U yi naʼa iwe abú uŋwən.

Jems 3:17

Iwe zənə Nwiye naʼa yə ghəy kwi mba chomo akə uzayn zayn, chomo akə aborobod, mə nə iboro fiŋ, izwaray unó mbənə ba mə ghayn, idiri ba nibi ighəy ichuŋ. Iyə ghəy kwi ka wa ghəy ma aghɨ foro kwi ka wa ma figə unó.

Aŋwaʼanayn zənə Jud aŋwaʼanayn 1:19

Úŋwən mbə zi ghaba akaʼa ba. Úŋwən mbə beni aboʼo unó mbənə nyə̂ inyo ma mə kaba. Cha Azugə Nwiye ungɨŋ uma.

Uney inwi 12:9

Mbə maʼ akama ijugə isoʼ wu igun isəy. Ijugə isoʼ wu amə akama jugə nu asi chomo ituʼ ni ituʼ, nu umə tiya akə Debere kə Satan. Mbə́ maʼa uŋwən nə mbə angəd ma jum igun isəg. Anigə ijugə isoʼ wu yi mə tama isəg jum.

Uney inwi 2:24

Asɨmə umben mbənə mben buʼə Tiatira nu cha mben beni aboʼo unó mbənə, cha mbən di si kweme unó mbənə u noy da satan. Ayə ghayn inen kwi, Cha ami zi aŋu ikomo chini igun inen.

Uney inwi 9:11

Angəd ŋunə umə iney ubəg ŋunə cha inwi mə ufon ma. Ukum ma akə inayn Hibru amə Abadon. Akə inayn Grik amə Apoliyon (Aton akə ukum wu amə kwi, “Wa ŋunə umə chiŋi ughəy.”)