Jems 3:1 - Aŋwaʼanayn Uso Fey

¹ Umbəŋ unya, ka ba nanaʼ injən kaʼa mə uma mbə taʼa ba, damugə mbə si kyay kwi Nwiye yi saʼa ba mbənə umə taʼa ba akə inji zənə ikay.

Jems 3:1 Iomraidhean Croise

Matəw 10:24

Cha wa ŋunə umə kweme anó mə chigə ma wa ŋunə umə itey anó abú uŋwən, cha wa faʼa mə chigə ma mbaʼ afaʼa.

Matəw 23:13

Yeso ghayn abú úŋwən “Ingəʼ kyayn yi nyi igun inen u mbən ataʼa ba akə unoʼo, nibi nyi igun inen u mbən ba Farasay. U mbən ba figə unó! Iyi nyi damugə mbən ghəbə uchəw ukam anó ufon azobo kwi ka ba nyi uma ungɨŋ, asɨmə cha mbən mi nyi. Cha mbən di sayn kwi ba mbənə umə kaba inyi u nyi.”

Matəw 23:14

[Ingəʼ kyayn yi nyi igun inen u mbən ataʼa ba akə unoʼo, nibi nyi igun inen u mbən ba Farasay, umbən ba figə unó! Mbən yə tama ayey uti inum u aghəy uma. Mbən bə aghəy nigə, mbən si chaʼara Nwiye akə agha sá, Nwiye yi zi u saʼa nu u chigə abugə igun inen].

Matəw 9:11

Amaʼazənə ba Farasay zən anó zəŋ, mbə́ biri abú mbə məŋə-anó ma kwi, “Ungwən ataʼa ba mə jəgə ni mbə fere ukab tag foro nə ba mbənə umə aghəy unó iboŋ da ngiya?”

Ukən chuŋ da Yeso Kristo anji zənə Luk ŋwaʼanayn 16:2

Amaʼazənə wa mbon wu zəw nigə, yə tiya wa wu ibiri abú uŋwən kwi, ‘Amə anó ngiya amə zəw da ungwə? Num aŋwaʼanayn zaʼa tey umugə ngwə mə iney umbəŋ u ghəy. Cha ngwə mi mə gha ney ayə umbəŋ ughəy.’

Ukən chuŋ da Yeso Kristo anji zənə Luk ŋwaʼanayn 6:37

“Mbən mə́ saʼa ngwen ba umbi boʼo cha Nwiye mi saʼa ma ngwen, mbən mə chiŋe ngwen ikum ba umbi boʼo ka Nwiye chiŋe ma itən. Mbən nyaba unó iboŋ ba umbi boʼo Nwiye mi nyaba umbən unó iboŋ.

Ukən chuŋ da Yeso Kristo anji zənə Jon ŋwaʼanayn 3:10

Yeso ywiri abú uŋwən kwi, “Ngwə mə wa ŋunə umə tey unó abú ba Izre anigə cha ngwə kyay ayə unó mbəŋ?

Afaʼa ba tom Kristo 13:1

Ungɨŋ ufere ba Kristo ŋunə yə́ mə Antiyok, ba ukən Nwiye nə mbə́ taʼa ba mbənə mbə́ mə́ awu mə́ Banabas, nə Sayimon (nu mbə́ mə́ nibə tiya kwi uyə firi) nə Lusiyus nu amə wa Sirin, nə Manian nu yə́ kwey nə Herod ŋunə amə gobuna foro nə Sol.

1 Korintiyans 12:28

Nwiye si choʼo ba ungɨŋ ufere ba Kristo. Mbi imbey mə ba tom, u mbənə uŋu pey akə ubigə amə ba ukən Nwiye, u mbənə u ŋu pey akə uta amə mbə taʼa ba. Umbənə u niŋe akuŋ amə ba mbənə umə ghəy uyere unó, iniŋe akuŋ amə ba mbənə umə izwey ba, iniŋe akuŋ amə ba mbənə umə iywere ba chini, iniŋe akuŋ amə ba mbənə umə tana inji zənə unó mə iyeŋ iŋu akə ba mbənə umə nayn akə inayn isoʼ.

2 Korintiyans 5:10

U mba jum mba yi təm ifigi Kristo kwi u saʼa ngwa, boʼo wa feyn feyn num aghəy zənə koʼo abú uŋwən. U yi num ichuŋ kə u num ibɨy akə inji zənə yə́ mə́ faʼa amaʼazənə yə mə akə nyə̂ inyo zəŋ aki igun isəg.

Efesus 4:11

Amə uŋwən yə́ naʼa ineʼe abú ba, yə́ aghəy umbi moʼ akə ba tom, ighəy umbi moʼ akə ba ukən, ighəy umbi moʼ akə ba mbənə umə saŋa ukən chuŋ, ighəy umbi moʼ akə ba mbənə umə ghayn inayn Nwiye, nibi aghəy moʼ uni taʼa unó abú ba.

1 Timoti 1:7

Umbə kaba kwi nji úŋwən mbə itey unoʼo Nwiye, asɨmə cha udi kyay uma unó mbənə umə ighayn kə unó u mbənə ghayn kwi mbə kyay.

1 Timoti 2:7

A mə da anó zəŋ nu Kristo choʼo aŋu kwi a ghayn inayn Nwiye, nibə mə wa tom, nibə mə wa umə itey anó da ibeni, a yə tey asiʼ da Kristo abú ba mbənə akə ma ba Jû. Cha amə figə aŋu unó, a yə ghayn amə asiʼ.

2 Timoti 1:11

Amə da ukən chuŋ wu nu Nwiye choʼo aŋu kwi a ghayn inayn Nwiye, kwi amə wa tom ma, foro kwi a tey unó da uŋwən.

Hibru 13:17

Mbən ni wumine ba mbənə umə cha ngwən, nibə ghəy unó mbənə umə ghayn inen. U bə nəmə ngwən nu cha umə zwere. Umbi ghayn unó mbənə u si ghəy abú Nwiye. Mbən bə mə wumine úŋwən, umbi faʼ nə iwuʼi akəma nə akənə damugə cha akənə mi yere ngwən.

Jems 1:16

Unbəŋ unya nu awuʼi kwaʼa azəd, ka wa moʼ tama ma ngwən.

Jems 1:19

Umbuŋ unya nu a wuʼi kwaʼa azəd, mbən kyay anó zəŋ. Ba jum niŋi atoŋ mi zəw anó. Ka wa mə yaba inayn ma. Ka wa mə yaba isə ma itəm,

Jems 3:10

Anó ni yere Nwiye, nə anó ni naʼa indon abú ba yə duw aba ungɨŋ uchəw feyn. Umbəŋ unya, akə ma nigə!

1 Pita 5:3

Ka mbən mə nyə̂ ngwən ba mbənə u zi ungɨŋ umbən ubugə, asɨmə mbən chomo nu anwini abú úŋwən.