Jems 2:8 - Aŋwaʼanayn Uso Fey

⁸ Mbən bə sə numə noʼo ŋunə ufon ŋunə umə ney isəg ghayn uŋwaʼanayn ungɨŋ Aŋwaʼanayn Nwiye kwi, “Ngwə wuʼ wa ŋunə umə tinə ma inji iyad numugə ngwə wuʼ injə nyə̂ inyo,” Nji mbən yə faʼa anó zənə akoʼoro.

Jems 2:8 Iomraidhean Croise

Matəw 22:39

Uŋunə uniŋe akuŋ nu umə chini chin amə kwi, ‘Ngwə wuʼ wa ŋunə umə tinə ma inji iyad numugə ngwə wuʼe inji inyo.’

Matəw 25:21

Mbaʼ afaʼa wu ghayn abú uŋwən kwi, “Ngwə ghəy anó chuŋ, ngwə mə wa chuŋ, ngwə faʼ akə fiŋ ujum. Numugə ngwə faʼa akə fiŋ ujum akə u ghəy kerekere. Ayi naʼa u ghəy nanaʼ inigə ngwə ki ney. Nyi ana mba wuʼe ngwa.”

Matəw 25:23

Mbaʼ afaʼa wu ghayn abú uŋwən kwi, “Ngwə ghəy anó chuŋ, ngwə mə wa faʼa chuŋ, ngwə faʼ akə fiŋ ujum, numugə ngwə faʼa akə fiŋ ujum akə u ghəy kerekere, ayi naʼa u ghəy nanaʼ inigə ngwə ki ney. Nyi ana mba wuʼe ngwa.”

Matəw 7:12

Mbən ki aghəy abú ba umbi anó zənə mbən mə kaba kwi u aghəy inen. Zəŋ amə anó zənə amə ungɨŋ unoʼo Mose foro ungɨŋ unoʼo ba ukən Nwiye.”

Roman 13:10

Wa bə wuʼe wa chini cha umi kyay ighəy ma ibɨy abú uŋwən. Iwuʼe ba amə inum unoʼo ujum.”

Galetiya 5:14

damugə unoʼo jum si bumə akə noʼo feyn. Noʼo wu feyn amə kwi, “Ngwə wuʼə wa ŋunə umə tinə ma inji iyad numugə ngwə wuʼə injə nyə̂ inyo.”

Galetiya 6:2

Wa moʼ bə mə zəw ingəʼ, mbən were uŋwən. Mbən bə ghəy nigə, nji mbən si num noʼo ŋunə Kristo naʼa inen.

Filipi 4:14

Asɨmə mbən ghəy ichuŋ numugə mbən were aŋu akə inyi ingəʼ.

1 Tesaloniyans 4:9

Akinine, cha aton igha ŋwaʼanayn inen da inji zənə mbən mi iwuʼ umbən unya. Nwiye ma amboŋ si tey inen kwi mbən wuʼ umbən unya.

Jems 1:25

Nwiye yi zi aborobod igun wa ŋunə u tana inum unoʼo mbənə u boŋo imara, nu amə unoʼo umə aghəy kwi ka wa mə́ ma isob. U yi zi aborobod wu da u ŋu imbey ni aghəy unó mbənə umə ungɨŋ unoʼo wu, nu cha umi nyaba unó mbənə u nibi zəw, asɨmə u yə aghəy unó wu.

Jems 2:12

Mbən ni inayn nibə aghəy unó ni ba mbənə Nwiye mi saʼa úŋwən aton unoʼo mbənə u aghəy kwi mba chomo akə inja ighari,

Jems 2:19

Ngwə beni kwi Nwiye aba ufeyn, yə boŋ! Kaba uzugə iboŋ, mbə nibi beni nigə asɨmə umbə bugə goro.

Jems 4:11

Umbuŋ unya, ka wa ghayn ma anó iboŋ da unya ma. Wa bə ghayn anó iboŋ igun unya ma kə isaʼa uŋwən, yə ghayn kwi cha unoʼo Nwiye di koʼoro ma. Uŋwən nibi saʼa unoʼo Nwiye. Ngwə bə mə wa ŋunə umə saʼa unoʼo Nwiye, nji cha ngwə mə isiyə unoʼo wu. Ngwə yə saʼa iŋwən.

1 Pita 2:9

Amə umbən, mbən mə unebey ba ŋunə Nwiye si choʼo. Mbən mə ba ambəŋ Nwiye nu umə faʼa abú ufon kyayn. Mbən mə abey nu amə zayn. Mbən mə ba Nwiye boʼo ighayn uyere unó mbənə u si aghəy. Amə uŋwən yə tiya ngwən ungɨŋ isəg ifiri anigə izi ungɨŋ isəg zayn zayn zənə u naʼa abú ba.