Jems 2:5 - Aŋwaʼanayn Uso Fey

⁵ Umbuŋ unya nu a wuʼi kwaʼa azəd, mbən zwaray! Nwiye choʼo ba mbənə amə ba ukwaŋ ungɨŋ isəg, da uŋwən mə ba imbon numugə u beni Yeso Kristo. Anigə umbi jəg anó fon zənə Nwiye kaʼa abú ba mbənə u wuʼi uŋwən.

Jems 2:5 Iomraidhean Croise

Matəw 11:5

Ifəg tə zən usin, ba mbənə mbə́ buʼere umbə yeŋ anji chuŋ, ikəw tə zəw unó, uwu ba zəmə, anigə mbə́ ghayn ukən uchuŋ abú ba ukwaŋ.

Matəw 25:34

Anigə ufon wu yi ghayn abú ba mbənə umə aba bugə jəgi kwi, ‘Mbən zaʼa umbən mbənə uŋu Mbaʼ si naʼa aborobod inen ijəg anó ufon zənə yə́ si tana isiy inen inoʼo amaʼazənə yə tana isəg,

Matəw 5:3

Yə ghayn kwi, “Nwiye ziyə aborobod igun ba mbənə u sayn unó uma ujum inya ubugə ma, Damugə umbi jəg anó ufon azobo.

Ukən chuŋ da Yeso Kristo anji zənə Mak ŋwaʼanayn 7:14

Yeso ghayn nigə igha tiya ikwiy ba asin feyn ighayn abú úŋwən kwi, “Umbən ujum mbən zəw anó zənə amə ŋu ghayn anji chuŋ.

Ukən chuŋ da Yeso Kristo anji zənə Luk ŋwaʼanayn 12:21

Yeso nwi ghayn kwi, “Amə nigə ami məŋə ni ba mbənə umə were u ghəy isiy abə inyo ma ni aka wa umbon ifigi Nwiye.”

Ukən chuŋ da Yeso Kristo anji zənə Luk ŋwaʼanayn 12:32

Buŋ injəg, mbən mə goro ngwən. Mbə́ ghayn kwi ungwə mba yə wuʼe ma inaʼ anó ufon inen.

Ukən chuŋ da Yeso Kristo anji zənə Luk ŋwaʼanayn 16:22

Wa kwaŋ wu ku anigə angəd beʼe uŋwən ŋú siy iyad Abraham. Wa imbon wu nibi ku u twayn.

Ukən chuŋ da Yeso Kristo anji zənə Luk ŋwaʼanayn 16:25

Anigə Abraham ghayn abú uŋwən kwi, ‘Uŋu ŋwə̂ kono amaʼazənə ngwə mi ikay, ngwə mə nə u ghəy chuŋ anigə Nazarus mə nə u ghəy iboŋ. Akinine, uŋwən yə́ ungɨŋ ichuŋ akəŋ anigə ngwə yə zəw ingəʼ.

Ukən chuŋ da Yeso Kristo anji zənə Luk ŋwaʼanayn 22:29

Umugə uŋu mbaʼ si naʼa anó ufon iniŋ, amə nigə ami naʼ inen.

Ukən chuŋ da Yeso Kristo anji zənə Luk ŋwaʼanayn 6:20

Yeso ney mbə məŋə-anó ma ighayn kwi, Nwiye zi aborobod igun inen umbən ba ukwaŋ Damugə amə umbən mi jəg anó fon Nwiye!

Ukən chuŋ da Yeso Kristo anji zənə Jon ŋwaʼanayn 7:48

Wa moʼ akaʼa ba kyayn abú ba Jû kə wa Farasay moʼ si beni uŋwən e?

Afaʼa ba tom Kristo 7:2

Stifin ywiri kwi, “Umbəŋ unya anom nə umbəŋ umbaʼ mbən zwaray Nwiye ŋunə mba mə wumini buw ifigi ungwa mbaʼ Abraham amaʼazənə yə́ mə́ bugə Mesopotamiya ki u si noʼ ŋu Haran,

Roman 8:17

Numugə mba mə buŋ ma, mba yi bumə nə Kristo imə nə ughəy mbənə mbaʼ siy abú buŋ ma. Mba ni zəw ingəʼ nə Kristo da mba mi mə nə iwumini zənə Nwiye mi naʼ abú uŋwən.

1 Korintiyans 2:9

Ayə ungɨŋ Aŋwaʼanayn Nwiye kwi, “Anó zənə cha ighɨ di si noʼo izən, kə atoŋ zəw, Kə kwi wa noʼ kono ungɨŋ fiŋ, Amə azənə Nwiye si tana isiy abú ba mbənə ú wuʼi uŋwən”.

2 Korintiyans 4:15

Unó mbəŋ jum amə da iwere ngwən da ichuŋ Nwiye zənə i saŋa ŋu abú ba nanaʼ, i yi ghəy kwi ba naʼa yə beni ayə abú Nwiye boʼo iwumini uŋwən.

2 Korintiyans 6:10

Ba moʼ mbə ghəy ina chomo ni kwi mba mə ba nə akənə, asɨmə mba yə wuʼe ngwa ighari jum. Ba moʼ mbə ghəy ina chomo ni kwi mba mə ba ukwaŋ, asɨmə mba yə ghəy kwi ba nanaʼ mə nə imbon. Ba moʼ mbə ney ngwa ni kwi mba mə be mbənə cha ughəy, asɨmə mba yə nə ughəy jum.

2 Korintiyans 8:9

Mbən kyay ichuŋ zənə Asɨyisəg Yeso Kristo ghəy nu kaba kwi yə mə nə imbon asɨmə yə beŋe akə wa ukwaŋ da ngwən, da anjim umugə umə wa ukwaŋ mba yi mə nə imbon.

Efesus 1:18

A yə chaʼara Nwiye kwi u fiʼi i tən fiŋ mbən zən uzayn zayn da mbən kyayn unó mbənə mbən niŋi ikono igun nu amə unó mbənə Nwiye tiya ngwən da úŋwən. Unó wu amə ichuŋ zənə Nwiye kaʼa abú ba uma.

Efesus 3:8

Ka nə di ma kwi mə kwe chigə wa kukuŋe akaʼa ba Nwiye ujum, asɨmə yə aghəy ichuŋ iniŋ kwi a ghayn abú ba mbənə akə ma ba Jû da imbon nu cha imi noʼo imey nu imə ina numugə ba kyay Kristo.

1 Tesaloniyans 2:12

Mba mə́ zi ikay inen, inigere itən fiŋ nibə ghayn inen kwi mbən chomo akə nji zənə imi ghəy kwi fiŋ Nwiye boŋo. Amə uŋwən yə tiya ngwən kwi mbən zaʼa inyi ungɨŋ anó ufon ma, foro ungɨŋ iwumini ma.

2 Tesaloniyans 1:5

Unó mbəŋ ujum umbə tey kwi Nwiye yi saʼa ba akə inji zənə ikoʼoro. Nwiye yi zən kwi mbən koʼ inyi ungɨŋ anó ufon ma zənə mbən mə zəw ingəʼ da ngwen.

1 Timoti 6:18

Ghayn abú úŋwən kwi u ghəy unó chuŋ ujum, nibi ghayn kwi u ni saŋara ubugə.

2 Timoti 4:18

Asɨyisəg yi chi aŋu ungɨŋ ukudu ingəʼ jum, anigə inum aŋu akə aborobod ŋu zi ingɨŋ anó fon ma zənə amə azobo. Iwumini yə abú uŋwən koŋ koŋ! Amə nigə.

2 Timoti 4:8

Anigə Asɨyisəg Kristo ŋunə umə saʼa ba anji zənə ikoʼoro uyi naʼa uywiri mbaŋa iniŋ aney zənə umi zaʼa isaʼ isəg. U yi naʼ damugə ayə aghəy unó nu ukoʼoro. Cha umi naʼ aba iniŋ. U yi nibi naʼ abú ba mbənə umə nəmə nə iwuʼi kwi u wene zaʼa.

Hibru 11:26

Yə zən kwi anó ni zəw ingəʼ da wa ŋunə Nwiye zoʼo boŋ chigə imbon zənə imə Ijip damugə yə mə ney amə uchoʼo afaʼa ŋunə umə zaʼa imbey.

Jems 1:12

Nwiye zi aborobod igun ba mbənə umə yimə fiŋ amaʼazənə akwaʼara nyi igun uma. Damugə Amaʼazənə u chigə akwaʼara wu, umbi mə nə uneʼe. Uneʼe wu amə itəni zənə Nwiye kaʼa abú ba mbənə u wuʼi uŋwən.

Jems 1:16

Unbəŋ unya nu awuʼi kwaʼa azəd, ka wa moʼ tama ma ngwən.

Jems 1:19

Umbuŋ unya nu a wuʼi kwaʼa azəd, mbən kyay anó zəŋ. Ba jum niŋi atoŋ mi zəw anó. Ka wa mə yaba inayn ma. Ka wa mə yaba isə ma itəm,

Jems 1:9

Unya mbənə cha ba mə iney úŋwən kwi amə ba moʼ mbi wuʼe uma Amaʼazənə Nwiye beʼere úŋwən.

1 Pita 1:4

Zəŋ ayi nibi ghəy kwi mba jəg ughəy mbənə uŋwən sey azobo abú umbi ba. Uŋwən sey azobo asin zənə cha umi noʼo figi, cha umi noʼo ibɨ, cha umi noʼo ichoʼo.

2 Pita 1:11

Anigə Nwiye yi naʼa ikay jum inen inyi ungɨŋ anó fon inoʼo məy Asɨyisəg Yeso Kristo ŋunə yə chi ngwa angəʼ.

Uney inwi 2:9

Mə kyay kwi ngwə yə zəw ingəʼ nibi kyay umugə ngwə mə akə ukwaŋ, asɨmə ngwə mə wa imbon. Mə kyay unó mbənə ba mbənə umə ghayn kwi mbi mə ba Jû nu cha umə uma ba Jû mə ghayn da ichiŋe uŋu ukum. Úŋwən mbə ungɨŋ ufere Satan.

Uney inwi 21:7

Wa ŋunə u bana unó iboŋ, u yi jəg u ghəy mbəŋ ujum. Anigə a yi mə Nwiye ma, uŋwən yi mə uŋu ŋwə̂.

Uney inwi 3:18

Anigə ayə naʼa ikɨy inigə kwi ngwə zon gol iniŋ. Gol nu u tuŋi ungɨŋ uwəd inura. Ngwə bə ghəy nigə, ngwə yi mə nə imbon. Nibi zon ndwi fey zi da ikəbərə injə isoʼ itin nu imə naʼa indere atəw inigə. Nibi zon ifuʼ aghɨ izi injə aghɨ da igha zən usin anji chuŋ.