Jems 2:19 - Aŋwaʼanayn Uso Fey

¹⁹ Ngwə beni kwi Nwiye aba ufeyn, yə boŋ! Kaba uzugə iboŋ, mbə nibi beni nigə asɨmə umbə bugə goro.

Jems 2:19 Iomraidhean Croise

Matəw 8:29

Amaʼazənə uzugə iboŋ wu zən Yeso, mbə́ kyay ghayn kwi, “Ungwə Ŋwə̂ Nwiye amə anó ngiya ngwə zaʼa ighəy ina? Ngwə zaʼa izi ingəʼ igun ina nu cha amaʼ di si koʼo?”

Ukən chuŋ da Yeso Kristo anji zənə Mak ŋwaʼanayn 1:24

Ukyay akə ikay ghayn kwi, “Yeso wa Nazared amə anó ngiya ngwə mə kaba nu umba, ngwə zaʼa iniy ngwa? Mə kaŋa kyayn wa ŋunə ngwə mə ŋwen ngwə mə wa Zayn Zayn Nwiye!”

Ukən chuŋ da Yeso Kristo anji zənə Mak ŋwaʼanayn 12:29

Yeso ywiri abú uŋwən kwi, “Ukɨy ŋunə uchigə ikɨy ujum amə kwi, mbən zəw umbən ba izreal! Asɨyisəg ŋunə amə ngwa Nwiye aba ufeyn.

Ukən chuŋ da Yeso Kristo anji zənə Mak ŋwaʼanayn 5:7

Ikyayn akə igəg kaka ighayn kwi, “Yeso Nwiye ŋwə̂ ŋunə ukwey chigə isəg, amə anó ngiya ngwə mə kaba iniŋ? Mə boʼo ubugə inigə akə ukum Nwiye kwi izi yə ingəʼ inyi inyo.”

Ukən chuŋ da Yeso Kristo anji zənə Mak ŋwaʼanayn 7:9

Yə́ gha ighayn abú úŋwən kwi, “Mbən yə nə inji chuŋ iton unoʼo Nwiye i num amə umbən unoʼo.”

Ukən chuŋ da Yeso Kristo anji zənə Luk ŋwaʼanayn 4:34

Ah Yeso wa Nazared amə ngiya ngwə mə kaba ina? Ngwə waʼa zaʼa boʼo mi niy ngwa? Mə kyay wa ŋunə ngwə mə uŋwən ngwə mə wa zayn Zayn ŋunə Nwiye tomo.

Ukən chuŋ da Yeso Kristo anji zənə Jon ŋwaʼanayn 17:3

Itəni nu cha imi noʼo mey amə kwi ba kyay ayə, ngwə mə aba feyn yugə nu ngwə mə Nwiye asiʼ. Itəni nu cha imi noʼo mey amə nibə ikyay Yeso Kristo ŋunə ngwə tomo.

Afaʼa ba tom Kristo 16:17

Yə niŋi anjim Pol foro umba, ni kyayn ghayn kwi, “Anom mbəŋ amə ba faʼa abú Nwiye achigə isəg, u mbə toʼoro nji zənə mbən mi chigə idu angəʼ.”

Afaʼa ba tom Kristo 19:15

Asɨmə azugə iboŋ wu ghayn abú úŋwən kwi, “Mə kyay Yeso nibi kyay Pol asɨmə mbən mə ngwa?”

Afaʼa ba tom Kristo 24:25

Asɨmə umugə Pol mə ghayn da uno mbənə ukoʼoro da anó ni yimə inyo foro da anó kwi Nwiye yi saʼa isəg, Feliz gəd anigə ighayn kwi, “Ngwə akinine. Amaʼazənə ami mə nə apan, ayi gha tiya ayə ighari chini.”

Roman 3:30

Numugə Nwiye aba ufeyn, u yi aghəy kwi ba mbənə u ney ikad uma təm ikoʼoro anjim ibeni ma, nibi aghəy kwi ba mbənə cha u di iney ikad ma nibi təm ikoʼoro anjim ibeni ma.

1 Korintiyans 8:4

Anigə ayə kaba inayn da ijəg tənə umə naʼa akə ghəy ifá abú unwiye ibuw ibuw. Mbən kyay kwi, “Cha unwiye ibuw ibuw mə ma ghəy moʼ.” Mba nibi kyay kwi, “Nwiye aba feyn.”

1 Korintiyans 8:6

Asɨmə ina, Nwiye aba feyn nu amə mbaʼ. Amə uŋwən tana u ghəy ujum. Mba yə ikay da uŋwən. Mba yə nibə aba nə Asɨyisəg feyn nu amə Yeso Kristo. Nwiye chigə anjim ma itana u ghəy ujum. Mba yə nibə ikay da uŋwən.

Galetiya 3:20

Cha ma wa ungɨŋ ugha amaʼazənə abə ma aba wa feyn mə isɨŋe uso. Nwiye yə abəma zeʼe.

1 Timoti 2:5

Nwiye aba feyn. Wa ŋunə umə ungɨŋ ugha mə tana anó nə Nwiye nə ba uma aba feyn. Wa wu mə Yeso Kristo.

Jems 2:8

Mbən bə sə numə noʼo ŋunə ufon ŋunə umə ney isəg ghayn uŋwaʼanayn ungɨŋ Aŋwaʼanayn Nwiye kwi, “Ngwə wuʼ wa ŋunə umə tinə ma inji iyad numugə ngwə wuʼ injə nyə̂ inyo,” Nji mbən yə faʼa anó zənə akoʼoro.

Aŋwaʼanayn zənə Jud aŋwaʼanayn 1:4

A yə ghayn ney damugə ba moʼ nu cha umə wumine Nwiye si nyaʼa zaʼa nyi injəŋ akaʼa. Umbə beŋe ukən da ichuŋ ungwa Nwiye da ighəy unyimi unó. Mbə nibi ton Yeso Kristo nu aba uŋwən mə ungwa Mbaʼ afaʼa nibə mə ungwa Asɨyisəg. Aŋwaʼanayn Nwiye si ghayn agha sa kwi Nwiye yi zi usaʼa igun uma.

Aŋwaʼanayn zənə Jud aŋwaʼanayn 1:6

Mə nibi beʼere umbən utəw da mbə angəd mbənə cha mbə yimə uma usin mbənə Nwiye naʼa abú úŋwən. Mbə́ sayn usin mbənə mbə mə chomo awu. Nwiye si kod úŋwən akə indəŋ koŋ anigə isey úŋwən ungɨŋ asin firi nyə́m. Umbi chomo awu pey anəy kyay zənə Nwiye mi saʼa isəg.

Uney inwi 20:10

Mbə́ maʼa debere ŋunə yə́ tama úŋwən ungɨŋ asin zənə solfo aghəy kwi uwəd kyayn ni beŋe, nu amə asin zənə mbə si nibi maʼ nyə̂ kyayn awu foro ba ukən figə unó mə awu. Umbi sə nyi úŋwən awu afəb nə ingom akə ighari feyn.