Jems 2:18 - Aŋwaʼanayn Uso Fey

¹⁸ Wa moʼ yi ghayn kwi, “Ngwə yə ni ibeni asɨmə ayə aghəy unó chuŋ.” Ubə ghayn nigə, a yi ghayn abú uŋwən kwi, “Tey ibeni iniŋ nu cha anó chuŋ awu imə ighəy, anigə ayi tey ibeni inigə akə unó chuŋ mbənə imə aghəy.”

Jems 2:18 Iomraidhean Croise

Roman 14:23

Nwiye yi zi usaʼa igun ba mbənə umə ibiyə uma akə aghəy zənə umə ijəgə damugə cha umə jəgə ma anjim ibeni fiŋ. Anó moʼ zənə wa mə ighəy nu cha adi zaʼa ma anjim ibeni fiŋ amə anó iboŋ.

Roman 3:28

Mba beni kwi wa təm ikoʼoro anjim ibeni ma, akə ma da mugə u aghəy unó mbənə umə ungɨŋ unoʼo.

Roman 4:6

Ufon Dafid nibi ghayn da mugə Nwiye mi zi aborobod igun wa ŋunə utəm ikoʼoro. Cha Nwiye mi aghəy ma nigə damugə wa wu aghəy anó moʼ. Ufon Dafid ŋwaʼanayn kwi,

Roman 8:1

Akinine cha wa moʼ awu amə ghəy u zi usaʼa igun ba mbənə umə akə anó feyn nə Yeso Kristo,

Roman 9:19

Mbən yi biri iniŋ kwi, “Abə mə ney Nwiye si mə zi usaʼa atəw ba da ingiya? Amə ngwa amə ghəy u ton anó zənə Nwiye kaba?”

1 Korintiyans 13:2

Abə mə ni uneʼe ighayn ukən Nwiye, nibi kyay unó ujum mbənə cha ba kyay, nibi mə nə iwe ujum, abə mə nə ibeni fiŋ ujum zənə amə aghəy a nayn ugum sam, asɨmə cha a wuʼe ba, amə aghəy ibuw.

2 Korintiyans 5:17

Ayə tey kwi wa moʼ ŋunə umə akə ibumi nə Kristo, uŋwən si məŋi wa fey. Unun unó si chigə, unó fey si zaʼa.

2 Korintiyans 7:1

Umbəŋ buŋ nu awuʼi kwaʼa azəd, umugə Nwiye kaʼa unó mbəŋ ina, anigə mba ton unó iboŋ mbənə umə ighəy kwi ka nyə̂ inyo nə azugə zayn ma ichomo akə uzayn zayn. Mba chomo akə anó zayn zayn ŋu mara numugə mba mə wumini Nwiye.

Galetiya 5:6

Numugə ma mə akə anó feyn nə Kristo, anigə cha anó iney ikad wa kə anó ni cha udi ney ikad wa mə ma nə anó moʼ ighəy. Anó kyayn amə umugə mba zi fiŋ igun Kristo iwuʼ uŋwən.

1 Timoti 1:5

Aton zənə amə ghayn unó zəŋ amə kwi ba Kristo uwuʼ uma uma. Iwuʼi wu yi du ungɨŋ fiŋ zənə imə zayn, ungɨŋ fiŋ zənə cha unó iboŋ ungɨŋ foro ungɨŋ ibeni zənə amə iyi asiʼ.

Titus 2:7

Akə unó jum, ngwə tey anwini abú úŋwən imə aghəy unó chuŋ. Tey unó abú úŋwən anji chuŋ akə fiŋ jum.

Hibru 11:31

Amə ibeni yə ghəy kwi ka aney isəg ŋunə mbə mə tiya akə Rahab ku ma aboʼo ba mbənə mbə́ mə́ ighəy izəw. Cha yə ku ma damugə yə num ba Izre mbənə mbə zaʼa iji ney Jeriko anji chuŋ.

Hibru 11:33

Amə ibeni uma yə ghəy kwi umoʼ maʼa iberd nə ubey ifon chini ichigə, umoʼ saʼa ba akə inji zənə ikoʼoro, umoʼ mə nə unó mbənə Nwiye kaʼa abú úŋwən, u moʼ kəbərə ichəw abú ifuŋ.

Hibru 11:6

Abə mə chama ibeni, cha nji amə ghəy wa ghəy fiŋ Nwiye boŋ damugə wa ŋunə u kaba iŋu iyad Nwiye yi beni kwi Nwiye yə awu nibi kwi uyi choʼo afaʼa abú ba mbənə umə kaba uŋwən akə fiŋ uma jum.

Jems 2:14

Umbuŋ unya, injim zənə wa mi jəg amə ingiya, ighari zənə ngwə ghayn kwi iyə nə ibeni asɨmə cha ngwə mə aghəy anó nu atey ibeni wu? Kə ibeni wu mi chi ayə angəʼ?

Jems 3:13

Amə ngwa injən kaʼa nu umə nə iwe nibi kyay anó? Uyi tey akə unó chuŋ mbənə u mə ighəy numugə u mə ighəy unó akə iboro fiŋ foro akə iwe.