Jems 2:12 - Aŋwaʼanayn Uso Fey

¹² Mbən ni inayn nibə aghəy unó ni ba mbənə Nwiye mi saʼa úŋwən aton unoʼo mbənə u aghəy kwi mba chomo akə inja ighari,

Jems 2:12 Iomraidhean Croise

Ukən chuŋ da Yeso Kristo anji zənə Luk ŋwaʼanayn 4:18

Azugə Nwiye Asɨyisəg ayə inyi igun damugə Asɨyisəg zoʼo aŋu kwi a ghayn ukən uchuŋ abú ba ukwaŋ yə tom aŋu kwi a saʼ kwi Nwiye yi chi ba ndəŋ sayn foro kwi ifəg iti zən usin fori kwi umbi sayn ba mbənə u paʼ úŋwən asey

Ukən chuŋ da Yeso Kristo anji zənə Jon ŋwaʼanayn 8:32

Mbən yi kyay asiʼ, anigə asiʼ wu yi chi ngwən akə isob.”

Galetiya 6:2

Wa moʼ bə mə zəw ingəʼ, mbən were uŋwən. Mbən bə ghəy nigə, nji mbən si num noʼo ŋunə Kristo naʼa inen.

Filipi 4:8

Umbuŋ unya, anó nu asi nwi amə kwi, anó moʼ be boŋ, anó moʼ bə mə awu amə tey kwi ba yere, mbən niŋi itən ikono igun unó wu. Ano nu amə iyi asiʼ, anó nu ba mi wumini, anó nu a koʼoro, anó nu azayn, anó nu ba wuʼi, anó nu aboŋo chigə, anó nu atey kwi ba yere, mbən niŋi itən ikono igun unó wu.

Kolose 3:17

Anigə unó jum mbənə mbən mə ighəy kə unó jum mbənə mbən mə ighayn, mbən aghəy nigə akə ukum Asɨyisəg Yeso. Mbən bə aghəy nigə, mbən yi mə chigə anjim ma naʼ yə beni ayə abú Nwiye Mbaʼ.

Jems 1:25

Nwiye yi zi aborobod igun wa ŋunə u tana inum unoʼo mbənə u boŋo imara, nu amə unoʼo umə aghəy kwi ka wa mə́ ma isob. U yi zi aborobod wu da u ŋu imbey ni aghəy unó mbənə umə ungɨŋ unoʼo wu, nu cha umi nyaba unó mbənə u nibi zəw, asɨmə u yə aghəy unó wu.

Jems 2:8

Mbən bə sə numə noʼo ŋunə ufon ŋunə umə ney isəg ghayn uŋwaʼanayn ungɨŋ Aŋwaʼanayn Nwiye kwi, “Ngwə wuʼ wa ŋunə umə tinə ma inji iyad numugə ngwə wuʼ injə nyə̂ inyo,” Nji mbən yə faʼa anó zənə akoʼoro.