Jems 2:1 - Aŋwaʼanayn Uso Fey

¹ Umbəŋ unya, umugə mbən beni Asɨyisəg Yeso Kristo ŋunə ba wumini, ka mbən mə ghəy ngwən aghɨ.

Jems 2:1 Iomraidhean Croise

Matəw 22:16

Anigə mbə tom mbə məŋə-anó uma ni ba mbənə mbə́ mə́ aba ufon Herod abú uŋwən kwi u ŋuw ghayn abú uŋwən kwi, “Ataʼa ba mba kyay kwi ngwə yə ghayn asiʼ foro kwi ngwə yə itey asiʼ da inji zənə Nwiye mə kaba kwi ba chomo. Cha ngwə mə goro ayə wa kə amə wa ukyayn cha ngwə mə aghəy ayə aghɨ.

Afaʼa ba tom Kristo 10:34

Anigə Pita ti ni nayn ighayn kwi, “Mə zən kwi cha Nwiye mə ghəy ma aghɨ.

Afaʼa ba tom Kristo 20:21

Ayə ghayn abú ba Jû foro abú ba mbənə akə ba Jû kwi, u beŋe itən fiŋ ni wumini Nwiye, nibi zi fiŋ igun ungwa Asɨyisəg Yeso.

Afaʼa ba tom Kristo 24:24

Amaʼazənə unəy moʼ chigə, Feliz zaʼa nə uyey ma nu ukum ma mə Drusila. Uyey ma mə wa Jû. Mbə zaʼa nigə cha wa uŋu tiya Pol izəw unó mbənə yə mə ghayn da nji zənə amə aghəy wa zi fiŋ igun Yeso Kristo.

Afaʼa ba tom Kristo 7:2

Stifin ywiri kwi, “Umbəŋ unya anom nə umbəŋ umbaʼ mbən zwaray Nwiye ŋunə mba mə wumini buw ifigi ungwa mbaʼ Abraham amaʼazənə yə́ mə́ bugə Mesopotamiya ki u si noʼ ŋu Haran,

Roman 1:11

Ayə kaŋa kaba izənə ngwən da ighəy kwi Azugə Nwiye naʼa uneʼe inen. Uneʼe wu yi ghəy kwi mbən kara.

1 Korintiyans 2:8

Cha wa moʼ akaʼa ba mbənə umə tumə isəg zəŋ akinine kyay uma anó zəŋ. Adi mə kwi mbə́ kyay, nji cha mbi di komo ma Asɨyisəg ŋunə mba naʼa iwumini abú uŋwən.

Kolose 1:4

Mba yə ghəy nigə damugə mba si zəw umugə mbən zi fiŋ igun Yeso Kristo, nibi zəw umugə mbən mə akə iwuʼi ni ba Nwiye jum.

1 Timoti 1:19

Amaʼazənə ngwə bə ghəy nigə, ngwə yi yimə ibeni zənə ikara nibi mə nə fiŋ zənə izayn. Umugə cha ba moʼ zwaray uma unó mbənə fiŋ uma ghayn, mbə si sam ibeni zənə yə mə abú úŋwən.

1 Timoti 5:21

Ayə ghayn inigə ifigi Nwiye, ifigi Yeso Kristo foro ifigi mbə angəd mbənə Nwiye choʼo, kwi ngwə num unoʼo mbənə amə naʼa inigə imə ighəy ayə aghɨ, kə itey kwi ngwə iwu wa moʼ ichigə wa chini.

Titus 1:1

Amə umugə Pol nu amə wa faʼa Nwiye nibə mə wa tom Kristo a ŋwaʼanayn aŋwaʼanayn zəŋ. Nwiye choʼo aŋu kwi a ghəy kwi ibeni ba mbənə u choʼo kara, foro kwi u kyay asiʼ ŋunə u ghəy kwi uŋwən chomo akə inji zənə Nwiye kaba.

Titus 2:13

Mba zi ikono ni nəmə aborobod zənə Nwiye kaʼa ina. Aborobod wu yi zaʼa akə amaʼazənə ungwa Nwiye kyay nu amə ungwa Asɨyisəg Yeso Kristo mi buw nə iwumini.

Hibru 1:3

Ŋwə̂ wu yə tey umugə uzayn zayn Nwiye ibigə. Unó jum da uŋwən umbə tey umugə Nwiye məŋi. Yə aghəy kwi isəg chomo akə inji zənə i məŋi. Amə anjim inayn kaka ma nu imə aghəy kwi isəg chomo akə inji zənə i məŋi. Amaʼazənə yə́ si aghəy Nwiye səw unó iboŋ ba yə́ chomo aba abugə jəgi Nwiye ŋunə umə ni ikay jum.

Hibru 12:2

Mba niŋe inja aghɨ aba igun Yeso ŋunə inji ibeni ti nibi nwi aba igun ma. Yə nyiʼi fiŋ azad abaʼara damugə yə kyay iwuʼi zənə yə mə imbey abú uŋwən. Cha yə di num ma indere atəw zənə mbə́ kom uŋwən azad baʼara kwi amə anó moʼ, anigə uŋwən yə aba abugə jəgi Nwiye u chomo.

Jems 1:16

Unbəŋ unya nu awuʼi kwaʼa azəd, ka wa moʼ tama ma ngwən.

Jems 1:19

Umbuŋ unya nu a wuʼi kwaʼa azəd, mbən kyay anó zəŋ. Ba jum niŋi atoŋ mi zəw anó. Ka wa mə yaba inayn ma. Ka wa mə yaba isə ma itəm,

Jems 2:3

Mbən bə naʼa iwumini abú anóm ŋunə uzi ndwi aka unun anigə ghayn abú uŋwən kwi, “Chomo igun atən chuŋ zəŋ.” Asɨmə ighayn abú wa ukaŋ wu kwi, “Təm akaʼa” Kə kwi, “Chomo iyad umbəŋ ughəw ma,”

Jems 2:9

Mbən bə sə aghəy aghɨ, nji mbən si aghəy anó iboŋ. Anigə unoʼo yimə ngwən numugə imə yimə ba mbənə u gow unoʼo.

Jems 3:17

Iwe zənə Nwiye naʼa yə ghəy kwi mba chomo akə uzayn zayn, chomo akə aborobod, mə nə iboro fiŋ, izwaray unó mbənə ba mə ghayn, idiri ba nibi ighəy ichuŋ. Iyə ghəy kwi ka wa ghəy ma aghɨ foro kwi ka wa ma figə unó.

2 Pita 1:1

Amə umugə Sayimon Pita wa faʼa foro wa tom Yeso Kristo á ŋwaʼanayn aŋwaʼanayn zəŋ. A yə ŋwaʼanayn inen umbən mbənə mbən mə nə ibeni nu imə ichin ichin ni inja, anjim ichuŋ ungwa Nwiye nə Asɨyisəg Yeso Kristo ŋunə u chi ba angəʼ Uŋwən yə ghəy unó nu ukoʼoro.

Aŋwaʼanayn zənə Jud aŋwaʼanayn 1:16

Ba mbəŋ mbə́ zuʼe, cha anó moʼ boŋo abú úŋwən. U mbə beni aboʼo unó mbənə nyə̂ inyo uma mə fana. Umbə num ichəw uma komo iguwə da inyo uma. Ubə nibə ghayn inayn nəmə nəm da imə nə ughəy mbənə ukaba.

Uney inwi 14:12

Anigə amə kwi, ba Nwiye yimə fiŋ inum unoʼo Nwiye nibi zi fiŋ uma igun Yeso.