Jems 1:5 - Aŋwaʼanayn Uso Fey

⁵ Wa moʼ akaʼa injən bə bəw imə nə iwe, u biri abú Nwiye. Uŋwən yə naʼa ughəy abú ba ibuw ibuw. U yə nibi naʼa akə fiŋ chuŋ. U yi naʼa iwe abú uŋwən.

Jems 1:5 Iomraidhean Croise

Matəw 11:20

Yeso inayn da usin mbənə yə aghəy yere unó nanaʼ awu damugə cha ba mbənə mbə́ mə́ ungɨŋ usin wu di beŋe ma fiŋ uma.

Ukən chuŋ da Yeso Kristo anji zənə Mak ŋwaʼanayn 16:14

Asin naʼa Yeso nwi itey inyo ma abú mbə́ məŋə-anó ighum cho feyn Amaʼazənə mbə́ mə́ jəgə. Wə nya úŋwən damugə amə cha ibeni abú úŋwən foro damugə fiŋ ma si tu. Wə aghəy nigə damugə cha mbə beni ma unó mbənə ba mbənə mbə zən uŋwən Amaʼazənə yə si zəmə iwu mə́ ighayn.

Ukən chuŋ da Yeso Kristo anji zənə Jon ŋwaʼanayn 14:13

Ayi aghəy anó moʼ zənə mbən biri akə uŋu ukum, boʼo ba wumini Mbaʼ anjim Ŋwə̂.

Ukən chuŋ da Yeso Kristo anji zənə Jon ŋwaʼanayn 15:7

Mbən bə chomo akə anó feyn nə umugə, inyi inayn chomo ungɨŋ inen, mbən bə biri aghəy moʼ zənə mbən mə kaba, uŋu Mbaʼ yi aghəy anó wu.

Ukən chuŋ da Yeso Kristo anji zənə Jon ŋwaʼanayn 4:10

Yeso ywiri abú uŋwən kwi, “Ngwə di bi kyay aghəy zənə Nwiye mə naʼa, nibi kyay wa ŋunə u biri une inigə, nji ngwə mi ghayn kwi u naʼa une mbənə umə naʼa itəni inigə.”

2 Korintiyans 2:16

Abú ba mbənə u mə nimə, ifoyi awu yə zwere ba. Abú umbənə u duwi angəʼ, ifoyi wu yə naʼa itəni. Amə ngwa u kaŋa ikoʼ ifaʼa ukudu afaʼa ŋunə?

Jems 1:17

Ughəy chuŋ jum nə ughəy jum mbənə u boŋ mara, umbə zaʼa azobo. Umbə zaʼa abú Mbaʼ ŋunə umə azobo, nu amə uŋwən naʼa uzayn zayn. Cha umə kyaba ma kə ibeŋe inyo ma ni nyamachugi ighəy kwi usin fid.

Jems 3:17

Iwe zənə Nwiye naʼa yə ghəy kwi mba chomo akə uzayn zayn, chomo akə aborobod, mə nə iboro fiŋ, izwaray unó mbənə ba mə ghayn, idiri ba nibi ighəy ichuŋ. Iyə ghəy kwi ka wa ghəy ma aghɨ foro kwi ka wa ma figə unó.

Jems 5:16

Anigə mbən beni umbən unó iboŋ umbən umbən, ichaʼara Nwiye abú umbən unya, da Nwiye ghəy kwi mbən boro. Achaʼara Nwiye wa ŋunə u təm ikoʼoro ayə ni ikay kyay ighəy anó zənə u chaʼara Nwiye igun.

1 Jon 3:22

Uŋwən yi naʼ u ghəy ujum mbənə mba biri abú uŋwən. U yi ghəy nigə damugə mba yə siyə ikɨy ma nibə ghəy unó mbənə u boŋo abú uŋwən.