Jems 1:4 - Aŋwaʼanayn Uso Fey

⁴ Mbən zən kwi mbən yimə fiŋ ni ŋuw imbey. Mbən bə aghəy nigə, mbən yi itəm imara ni boŋ imara nu cha anó moʼ amə aghəy ughayn da uŋwən.

Jems 1:4 Iomraidhean Croise

Matəw 10:22

Ba ujum mbi bana ngwən da aŋu. Asɨmə wa ŋunə umi yimə fiŋ iŋu pey akə inwi, Nwiye yi chiyə uŋwən angəʼ.

Matəw 19:20

Ajoŋ wu ghayn abú uŋwən kwi, “Mə si num ikɨy itəŋ ujum. Amə anó ngiya chini abúʼə inum ə?”

Matəw 5:48

Anigə mbən ni aghəy unó nu u boŋo mara numugə ungwen Mbaʼ ŋunə umə azobo məŋi.”

Ukən chuŋ da Yeso Kristo anji zənə Mak ŋwaʼanayn 10:21

Yeso ney uŋwən wuʼ ighayn abú uŋwən kwi, “Ngwə bəw anó feyn, ŋu fənə u aghəy mbənə umə inigə ujum inaʼ ukab wu abú ba ukwaŋ anigə ngwə yi mə nə imbon azobo. Ngwə bə aghəy nigə, ngwə zaʼa niŋe inyi jim.”

Ukən chuŋ da Yeso Kristo anji zənə Luk ŋwaʼanayn 18:22

Amaʼazənə Yeso zəw anó zəŋ yə ghayn abú uŋwən kwi, “Ano feyn yə bugə awu ni ngwə mi aghəy. Fənə u aghəy mbənə umə inigə inaʼ ukab wu abú ba kwaŋ anigə ngwə yi mə wa imbon aney azobo. Ngwə bə aghəy nigə, ngwə zaʼa iniŋe inyi injim.”

Ukən chuŋ da Yeso Kristo anji zənə Luk ŋwaʼanayn 21:19

Mbən təm akə asiʼ mbən yi jəg itəni.”

Ukən chuŋ da Yeso Kristo anji zənə Luk ŋwaʼanayn 8:15

Itɨŋi tənə tə́ fwayn ungɨŋ isey chuŋ amə ba mbənə u zəw inayn wu i zi ungɨŋ fiŋ ma ni faʼa akə asiʼ anigə iyimə fiŋ pey Amaʼazənə umi aghəy unó mbənə Nwiye kaba.

Ukən chuŋ da Yeso Kristo anji zənə Jon ŋwaʼanayn 17:23

Ayə akə anó feyn nə úŋwən, ngwə yə nibə akə anó feyn nə umugə. Aboʼo úŋwən uma jum mi mə akə anó feyn. Mba bə aghəy nigə, isəg yi kyay kwi amə ngwə tomo aŋu foro kwi ngwə wuʼe úŋwən anji zənə ngwə wuʼe aŋu.”

1 Korintiyans 2:6

Amaʼazənə mba mə́ akaʼa ba Kristo mbənə u si tən anji chuŋ akə anó Nwiye, mba yə ghayn inayn iwe. Akaʼa ma iwe zənə imə abú ba mbənə umə aki ungɨŋ isəg, kə abú ba mbənə ikay umə tumə isəg zəŋ nu ikay ma mi imey.

Galetiya 6:9

Ka mba bó ngwa imə ghəy ichuŋ. Mba bə ki ibó ngwa, mba yi ijaŋa ughəy nanaʼ amaʼazənə amaʼ yi bə koʼo.

Kolose 4:12

Epafras nu amə wa faʼa Kristo, uŋwən mə nibə wa akaʼa injən yə chaʼara ngwən. U yə chaʼara Nwiye akə ikay ighari jum kono ngwən kwi mbən təm ikay nibi tana kyay unó jum mbənə Nwiye mə kaba.

1 Tesaloniyans 5:23

Nwiye ŋunə umə naʼa aborobod u ghəy ma amboŋ kwi mbən zayn. Nwiye ghəy kwi azugə nə itən fiŋ foro itən nyə̂ inyo ghəy unó mbənə ukoʼoro da ka wa moʼ zən ma anó iboŋ igun inen akə amaʼazənə ungwa Asɨyisəg Yeso Kristo mi wene izaʼa.

2 Timoti 3:17

da wa ŋunə umə faʼa abú Nwiye u kyay unó jum nibi kyay umugə ni aghəy unó chuŋ jum.

Hibru 13:21

u naʼa u ghəy uchuŋ ujum inen da mbən ghəy anó zənə ukaba. Yə chigə anjim Yeso Kristo ighəy unó mbənə u boŋo abú uŋwən ungɨŋ inen. Mba wumine Yeso akə ighari feyn. Amə nigə.

Jems 1:5

Wa moʼ akaʼa injən bə bəw imə nə iwe, u biri abú Nwiye. Uŋwən yə naʼa ughəy abú ba ibuw ibuw. U yə nibi naʼa akə fiŋ chuŋ. U yi naʼa iwe abú uŋwən.

Jems 3:2

Mba kyay umba jum kwi mba yə fana unó akə buŋ inji nanaʼ. Wa moʼ bə mə awu nu cha umə fana akə unó mbənə umə ghayn, nji yə iboŋ imara nibi kyay inji iyimə inyo ma jum.

1 Pita 5:10

Mbən bə zəw ingəʼ akə ŋwə̂ amaʼ moʼ, Nwiye ŋunə umə ighəy ichuŋ abú ba jum yi were itana ughəy jum inen. U yi aghəy kwi injən ibeni kara nibi aghəy kwi mbən təm ikara. Asɨmə yə chigə anjim Kristo itiya ngwən kwi mbən zaʼa nyi ungɨŋ zayn zayn ma ŋunə cha umi noʼo imey.

2 Pita 1:9

Wa moʼ ŋunə cha umə ghəy unó mbəŋ yə chomo ni wa ŋunə umə zən usin anji chuŋ. Yə nibi chomo nə ufəg. Yə si nyaba kwi Nwiye si səw unun unó iboŋ ma.