Jems 1:26 - Aŋwaʼanayn Uso Fey

²⁶ Wa moʼ akaʼa injən waʼa kono kwi yə kara ungɨŋ anó Nwiye? Yə mbə ton iyimə uchəw ma, u yə tama inyo ma anigə anó Nwiye ma amə atəw akow.

Jems 1:26 Iomraidhean Croise

Matəw 15:9

Cha aton abú úŋwən imə wumine aŋu, damugə umbə taʼa amə unoʼo ba ni kwi amə umbəŋ unoʼo.’”

Ukən chuŋ da Yeso Kristo anji zənə Mak ŋwaʼanayn 7:7

“Umbə wumini aŋu atəw ukow, Umbə ataʼa ba akə unoʼo ba ni kwi amə umbəŋ unoʼo!”

Ukən chuŋ da Yeso Kristo anji zənə Luk ŋwaʼanayn 8:18

Mbən num amaʼ umugə mbən mə zəw damugə ba mbənə umə nə aghəy moʼ umbi naʼ uchini anigə ba mbənə cha aghəy moʼ abú úŋwən kaba ŋwə̂ aghəy ŋənə yə mə abú uŋwən umbi num.

1 Korintiyans 15:15

Ka di ba nigə, yə tey kwi mba yə ghayn unó nu cha Nwiye ghəy ma. Ayə ney damugə mba ghayn da uŋwən kwi, yə́ zəmə Kristo. Anigə cha u zəmə ma uŋwən, ighari abə mə asiʼ kwi cha uwu ba mi zəmə.

1 Korintiyans 15:2

Nwiye yi chi ngwən angəʼ anjim ukən uchuŋ wu ighari mbən bə yimə inayn Nwiye zənə mə ghayn inen izi fiŋ awu. Mbən bə ton ighəy nigə, nji unó mbənə mbən beni amə atəw ukəw.

1 Korintiyans 3:18

Ka wa tama ma inyo ma. Wa moʼ injən kaʼa bə kono kwi imə wa iwe anji zənə ba ungɨŋ isəg kyay ba iwe, u beŋe akə aneŋ da imə nə iwe zənə Nwiye naʼa.

Galetiya 2:6

Cha ba mbənə ba mə iney kwi amə ba kyayn mə ney ma aŋu akə anó moʼ kwi kə wa moʼ kwi kə úŋwən amə ba kyayn akə akəma ba kyayn. Cha zigə mə ma anó moʼ iniŋ. Anó zənə a kyayn amə kwi cha Nwiye mə ney ma kwi wa moʼ amə wa kyayn cha umoʼ amə ma wa kyayn. Cha mbə zwey uma anó moʼ akə ukən ŋunə mə́ mə ghayn.

Galetiya 2:9

Amaʼazənə Jams nə Pita foro Jon nu amə utəw ungɨŋ ifere wu zən afaʼa zənə Nwiye naʼa iniŋ, mbə́ chaʼara aŋu nə Banabas itey kwi mba yə akə anó feyn nə úŋwən. Mbə́ aghəy ney da mba ŋuw abú ba mbənə akəma ba Jû, úŋwən si ŋu abú ba Jû.

Galetiya 3:4

Unó nanaʼ mbənə mbə aghəy injən akaʼa awaʼa chigə atəw ukow? Indəʼ cha mbə́ di chigə ibuw.

Galetiya 6:3

Wa moʼ Mbə kono kwi imə wa moʼ nu cha uŋwən mə ma wa moʼ nji uŋwən yə tama inyo ma.

Efesus 4:29

Ka inayn iboŋ mə duw ma ungɨŋ itən ichəw. Mbən ni ghayn aba unó mbənə uboŋo. Unó nu umi were wa chini umə nə aghəy zənə umə kaba da anó zənə mbən mə ghayn yi mə zaʼa nə unó chuŋ abú ba mbənə u zəw.

Efesus 5:4

Cha adi boŋ ma kwi mbən ki nayn inayn ndoro, inayn nu cha iwe kə ni naʼa indon. Asɨmə yə boŋ kwi mbən ki naʼa amə yə beni ayə abú Nwiye akə unó mbənə u aghəy inen.

Kolose 4:6

Inayn zənə imə duw u ngwən uchəw ni nəmə foro boŋo. Mbən kyay umugə ni iywiri inayn abú ba anji chuŋ.

Jems 1:19

Umbuŋ unya nu a wuʼi kwaʼa azəd, mbən kyay anó zəŋ. Ba jum niŋi atoŋ mi zəw anó. Ka wa mə yaba inayn ma. Ka wa mə yaba isə ma itəm,

Jems 1:22

Ka mbən mə ngwən ba mbənə umə zəw inayn Nwiye aba zəw, anigə tama inyo uma. Mbən ni aghəy unó mbənə inayn wu mə ghayn kwi mbən aghəy.

Jems 2:20

Ngwə mə aneŋ! Ngwə waʼa kaba kwi u tey inigə kwi ibeni nu cha anó chuŋ nu wa mə aghəy amə atəw ukow?

1 Pita 3:10

Ayə ungɨŋ aŋwaʼanayn Nwiye kwi, Wa ŋunə u wuʼi ichomo u chuŋ uchuŋ, Nibi zən unəy chuŋ, U yimə ineme ma da ka u ghayn ma inayn iboŋ. U nibi yimə uchəw ma da ka u figi ma unó.