Jems 1:22 - Aŋwaʼanayn Uso Fey

²² Ka mbən mə ngwən ba mbənə umə zəw inayn Nwiye aba zəw, anigə tama inyo uma. Mbən ni aghəy unó mbənə inayn wu mə ghayn kwi mbən aghəy.

Jems 1:22 Iomraidhean Croise

Matəw 12:50

Wa ŋunə umə aghəy unó mbənə uŋu Mbaʼ azobo kaba amə uŋu unya anóm, nə uŋu unya ayey foro uŋu ingo.”

Matəw 28:20

Mbən taʼa úŋwən kwi u siy unoʼo ujum mbənə asi naʼ inen. Mbən kyáy kwi ayi mə nə umbən ighari ujum iŋu pey akə Amaʼazənə isəg mi nwi.”

Ukən chuŋ da Yeso Kristo anji zənə Luk ŋwaʼanayn 11:28

Anigə Yeso ywiri kwi, “Nwiye yi zi aborobod igun ba mbənə umə́ zəw inayn ma ni aghəy unó mbənə imə́ ghayn!”

Ukən chuŋ da Yeso Kristo anji zənə Jon ŋwaʼanayn 13:17

Akinine nu mbən si kyay unó mbəŋ Nwiye zi aborobod igun inen amaʼazənə mbən aghəy úŋwən.”

Roman 2:13

damugə akə ma ba mbənə u zəw unoʼo nu umə aghəy unó mbənə u koʼoro. Amə ba mbənə umə aghəy unó mbənə unoʼo wu ghayn nu Nwiye mi beni kwi unó ma koʼoro.

1 Korintiyans 15:33

Ka wa moʼ tama ma ngwən, asɨmə mbən kyay kwi, “Uzi iboŋ umbə chiŋe ba chuŋ.”

1 Korintiyans 3:18

Ka wa tama ma inyo ma. Wa moʼ injən kaʼa bə kono kwi imə wa iwe anji zənə ba ungɨŋ isəg kyay ba iwe, u beŋe akə aneŋ da imə nə iwe zənə Nwiye naʼa.

1 Korintiyans 6:9

Akə asiʼ mbən kyay kwi, cha ba mbənə umə ghəy unó iboŋ umi ijəg anó ufon Nwiye. Ka wa moʼ tama ngwən; cha ba mbənə umə ghəy ufibiri unó mi noʼo ijəg uma anó ufon Nwiye, kə u mbənə umə iwumini unwiye ibuw ibuw, kə ba mbənə umə num iyey kə inom ba chini, kə anom mbənə umə neŋe anom chini,

Galetiya 6:3

Wa moʼ Mbə kono kwi imə wa moʼ nu cha uŋwən mə ma wa moʼ nji uŋwən yə tama inyo ma.

Galetiya 6:7

Mbən mə tama ngwən itən inyo, cha wa mə baʼara ma Nwiye. Wa yi ijaŋ aba aghəy zənə u kono

Filipi 4:8

Umbuŋ unya, anó nu asi nwi amə kwi, anó moʼ be boŋ, anó moʼ bə mə awu amə tey kwi ba yere, mbən niŋi itən ikono igun unó wu. Ano nu amə iyi asiʼ, anó nu ba mi wumini, anó nu a koʼoro, anó nu azayn, anó nu ba wuʼi, anó nu aboŋo chigə, anó nu atey kwi ba yere, mbən niŋi itən ikono igun unó wu.

Kolose 3:17

Anigə unó jum mbənə mbən mə ighəy kə unó jum mbənə mbən mə ighayn, mbən aghəy nigə akə ukum Asɨyisəg Yeso. Mbən bə aghəy nigə, mbən yi mə chigə anjim ma naʼ yə beni ayə abú Nwiye Mbaʼ.

2 Timoti 3:13

Asɨmə ba mbənə umə aghəy unó iboŋ nə umbənə umə num ikum ba chini itama ba awu, umbi mə aghəy unó iboŋ iŋuw aba imbey. Umbi mə tama ba, ba chini nibi tama úŋwən.

Titus 3:3

Mba mə́ nibə ghəy unó aneŋ, nibə ghəy izəw, ba nibə tama ngwa. Mbə́ ba naʼ inja inyo akə isob abú ikudi unó jum mbənə nyə̂ inyo mə kaba nibə ighəy. Mba mə ghəy imbəw nibə ghəy adey. Ba mə bana ngwa mba nibə bana ita inyo.

Jems 1:26

Wa moʼ akaʼa injən waʼa kono kwi yə kara ungɨŋ anó Nwiye? Yə mbə ton iyimə uchəw ma, u yə tama inyo ma anigə anó Nwiye ma amə atəw akow.

Jems 4:11

Umbuŋ unya, ka wa ghayn ma anó iboŋ da unya ma. Wa bə ghayn anó iboŋ igun unya ma kə isaʼa uŋwən, yə ghayn kwi cha unoʼo Nwiye di koʼoro ma. Uŋwən nibi saʼa unoʼo Nwiye. Ngwə bə mə wa ŋunə umə saʼa unoʼo Nwiye, nji cha ngwə mə isiyə unoʼo wu. Ngwə yə saʼa iŋwən.

Jems 4:17

Anigə wa ŋunə u kyay anó zənə a koʼoro imə ighəy, asɨmə cha umə ighəy si gow anó.

2 Pita 2:13

Anigə umbi tu úŋwən akə ingəʼ damugə umbə zi ingəʼ igun ba chini. Umbə wuʼi kwi ba aghəy unó mbənə nyə̂ inyo uma kaba angom. U mbə nə indere atəw nibi cheŋe inyo uma Amaʼazənə umə ijəgə nə umbən asɨmə umbə itama ngwən.

1 Jon 1:8

Mba bə ghayn kwi cha mba di aghəy ngwa anó iboŋ, nji mba yə tama ita inyo. Anigə cha asiʼ ungɨŋ unó mbənə mba mə ghayn.

1 Jon 2:3

Mba bə mə siyə ikɨy Nwiye, nji yə tey kwi mba kyay uŋwən.

1 Jon 3:7

Umbəŋ buŋ, ka mbən beni ngwən kwi, wa moʼ tama ngwən. Wa ŋunə u ghəy unó mbənə u koʼoro, yə təm koʼoro numugə Kristo nibi təm ikoʼoro.

3 Jon 1:11

Umbuŋ uzi nu a wuʼi azəd, mbən inum ngwən unó iboŋ, mbən num amə unó chuŋ. Wa ŋunə u aghəy ichuŋ mə wa Nwiye, cha wa ŋunə u aghəy anó iboŋ di kyay ma Nwiye.

Uney inwi 12:9

Mbə maʼ akama ijugə isoʼ wu igun isəy. Ijugə isoʼ wu amə akama jugə nu asi chomo ituʼ ni ituʼ, nu umə tiya akə Debere kə Satan. Mbə́ maʼa uŋwən nə mbə angəd ma jum igun isəg. Anigə ijugə isoʼ wu yi mə tama isəg jum.

Uney inwi 22:7

Yeso ghayn kwi, “Mbən zəw! Ayə sə baʼa zaʼa! Nwiye zi aborobod igun wa ŋunə u aghəy unó mbənə u ŋwaʼanayn ungɨŋ aŋwaʼanayn zəŋ da unó mbənə umi du!”