Jems 1:21 - Aŋwaʼanayn Uso Fey

²¹ Anigə mbən waʼ uzuw anó jum mbənə cha udi koʼoro nibi waʼ izəg unó jum mbənə mbən mə ighəy. Mbən num inyo asey ibeni inayn Nwiye zənə imə ungɨŋ itən fiŋ. Inayn wu yi aghəy kwi mbən duw angəʼ.

Jems 1:21 Iomraidhean Croise

Matəw 5:5

Nwiye ziyə aborobod igun ba mbənə umə num inyo ma asey, Damugə umbi mə nə ghəy zənə Nwiye si kaʼ

Ukən chuŋ da Yeso Kristo anji zənə Jon ŋwaʼanayn 6:63

Amə Azugə Nwiye amə naʼa itəni. Cha wa inyoŋ atəw mə naʼa ma itəni. Inayn zənə a si nayn inen iyə nə Azugə Nwiye, iyə nibə naʼa itəni.

Ukən chuŋ da Yeso Kristo anji zənə Jon ŋwaʼanayn 6:68

Sayimon Pita ywiri abú uŋwən kwi, “Asɨyisəg, mba mi ŋu abú ingwa? Aba ugwə mə nə inayn zənə imə naʼa itəni.

Afaʼa ba tom Kristo 10:33

Amaʼazənə mə zəw nigə, mə́ tom ba aba ighari awu kwi u zaʼa tiya ayə. Anigə boŋ umugə ngwə izaʼa. Akinine, mba yə akəŋ umba ujum ifigi Nwiye i zəw anó zənə Asɨyisəg ghayn inigə kwi ngwə ghayn ina.”

Afaʼa ba tom Kristo 13:26

U mbəŋ unya anóm boŋ aghaŋ Abraham, nə ba mbənə akaʼa ma ba Jû nu umə wumini Nwiye, ukən ŋunə Nwiye chi ba angəʼ amə ina,

Roman 1:16

Cha amə aŋu nə indere atəw da ukən uchuŋ, damugə ukən uchuŋ amə ikay Nwiye ichi ba ujum mbənə u beni angəʼ. U yi dey chiyə ba Jû, noʼo akuŋ ichiyə ba mbənə akə ma ba Jû.

Roman 11:17

Mbə səg itab moʼ akə azad olif chuŋ anigə ŋu num utab akə azad olif iboŋ ŋu bana akə azad olif chuŋ wu. Umbən mbənə akə ma ba Jû chomo ni utab akə azad olif iboŋ wu nu unum ŋu bumi akə azad olif chuŋ. Anigə mbən yə nə uneʼe ŋunə Nwiye naʼa abú ba Jû

Roman 6:17

Ayə naʼa yə beni ayə abú Nwiye kwi, mbən mə kaŋa beni isob abú unó iboŋ. Mbən si beŋe itən fiŋ ijum sə wumine amə unó mbənə Nwiye tey inen.

1 Korintiyans 15:2

Nwiye yi chi ngwən angəʼ anjim ukən uchuŋ wu ighari mbən bə yimə inayn Nwiye zənə mə ghayn inen izi fiŋ awu. Mbən bə ton ighəy nigə, nji unó mbənə mbən beni amə atəw ukəw.

2 Korintiyans 7:1

Umbəŋ buŋ nu awuʼi kwaʼa azəd, umugə Nwiye kaʼa unó mbəŋ ina, anigə mba ton unó iboŋ mbənə umə ighəy kwi ka nyə̂ inyo nə azugə zayn ma ichomo akə uzayn zayn. Mba chomo akə anó zayn zayn ŋu mara numugə mba mə wumini Nwiye.

Efesus 1:13

Nwiye nibi ghəy kwi mbən mə ba uma amaʼazənə mbən zəw inayn zənə amə ayi asiʼ nu amə ukən chuŋ damugə Nwiye mi chi ngwən angəʼ. Mbən zəw beni, anigə Nwiye zi anwini igun inen nu amə Azugə zayn zayn yə kaʼa ina

Efesus 4:22

Mbə́ tey inen kwi mbən waʼ itən anun nyə̂ inyo nu amə unun unó mbənə mbən mə aghəy. Unun unó wu mbə aghəy mbən fana unó, umbə tama ngwən nibə chiŋe ngwən.

Efesus 4:25

Anigə ka mbən mə figə ngwən unó. Wa feyn feyn injən akaʼa ni ghayn aba asiʼ abú unya ma damugə umba jum mə asin nyə̂ inyo akə nyə̂ inyo Kristo.

Efesus 5:4

Cha adi boŋ ma kwi mbən ki nayn inayn ndoro, inayn nu cha iwe kə ni naʼa indon. Asɨmə yə boŋ kwi mbən ki naʼa amə yə beni ayə abú Nwiye akə unó mbənə u aghəy inen.

1 Tesaloniyans 1:5

Mba kyay nigə damugə mbá zaʼa inen nə ukən chuŋ. Cha mba di zaʼa nə ukən chuŋ wu aba akə inayn, mba nibi ghayn ukən chuŋ wu akə ikay zənə Azugə zayn zayn mə naʼa. Mba nibi kaŋa tey umugə mba beni kwi unó mbənə umə ungɨŋ ukən chuŋ amə unó asiʼ. Mbən kyay unó mbənə mba ghəy amaʼazənə mba mə́ akaʼa injən. Mba mə ghəy unó wu jum da iwere ngwən.

1 Tesaloniyans 2:13

Mba yə nibə naʼa yə beni ayə abú Nwiye ighari jum da kwi amaʼazənə mba zaʼa inen nə inayn Nwiye, mbən zəw ibeni, akə ma ni kwi amə inayn ba inyoŋ atəw. Mbən kaŋa beni kwi amə inayn Nwiye. Inayn wu yə faʼa ungɨŋ inen umbən mbənə mbən beni Kristo.

Titus 2:11

Nwiye ghəy kwi mba kyay ichuŋ ma da yə chi ba jum angəʼ.

Hibru 12:1

Umugə unóŋ uzənə kyayn kad ngwa zi ugha, anigə mba waʼ unó jum mbənə ukən inji ina, nibi waʼ unó iboŋ mbənə ukod ngwa. Mba yimə fiŋ inod inoro zənə imə imbey ina.

Hibru 2:3

Anigə mba mi nod ibugə ngiya amaʼazənə cha mba zi ngwa utəw akə anó kyayn zənə Nwiye mi chi ngwa angəʼ e? A mə Asɨyisəg ma amboŋ yə ti imə ghayn da anó ni chi ngwa angəʼ. Ba mbənə mbə́ zəw nibi ghayn boʼo mba kyay kwi amə asiʼ kwi Nwiye yi chi ngwa angəʼ.

Hibru 4:2

Mba zəw ukən uchuŋ numugə ba mbənə mbə mə ambayn zomo nibi zəw. Úŋwən zəw ukən wu anigə cha yə yere úŋwən da mugə mbə́ zəw anigə cha u di beni.

Jems 4:8

Mbən tinə ngwən iyad Nwiye, anigə uyi tinə iyad inen. Umbənə mbənə mbən mə aghəy unó iboŋ, mbən səw umbən ubugə! Umbən mbənə mbən mə ni fiŋ ibigə mbən aghəy itən fiŋ zayn!

Jems 5:20

Mbən kyay kwi wa ŋunə gha num wa nu u ghəy anó iboŋ akə inji zənə yə faba, yə chi itəni wa ŋunə yə ghəy anó iboŋ uchəw iwu, anigə ighəy Nwiye waʼa unó iboŋ nanaʼ mbənə yə si ighəy.

1 Pita 1:22

Mbən si ghəy itən fiŋ zayn anji zənə mbən mə ghəy unó amə umbi asiʼ. Mbən nibi kaŋa iwuʼ umbən unya kwaʼa anji chuŋ. Mbən wuʼe úŋwən kwaʼa ungɨŋ fiŋ.

1 Pita 1:9

Numugə mbən si beni, mbən yi du angəʼ.

1 Pita 2:1

Mbən waʼ unó iboŋ jum, waʼ anó ni mə figə unó. Waʼ anó ni mə aghəy azom, waʼ anó ni mə ighəy adey nibi waʼ anó ni mə zumə inayn.

1 Pita 2:11

Umbuŋ unya nu a wuʼi kwaʼa azəd, mbən kyay kwi mbən mə ba umə chomo abey ba chini, foro kwi mbən mə ba isoʼ ungɨŋ isəg zəŋ. Ka mbən aghəy ngwən unó mbənə nyə̂ inyo mə fana. Mbəŋ amə unó mbənə umə maʼa berd ungɨŋ itən fiŋ.