Jems 1:19 - Aŋwaʼanayn Uso Fey

¹⁹ Umbuŋ unya nu a wuʼi kwaʼa azəd, mbən kyay anó zəŋ. Ba jum niŋi atoŋ mi zəw anó. Ka wa mə yaba inayn ma. Ka wa mə yaba isə ma itəm,

Jems 1:19 Iomraidhean Croise

Matəw 5:22

Asɨmə ayə ghayn inen kwi, “Wa moʼ bə isiy itəm nə unya ma, umbi saʼa uŋwen. Wa moʼ mbə jimə unya ma, umbi num uŋwen ŋu kwi mbə saʼa abey saʼ uŋwen. Wa moʼ mbə ghayn abú unya ma kwi, ‘Ngwə mə aneŋ!’” Umbi maʼa uŋwen ungɨŋ uwəd nu cha umi noʼ inimə.

Ukən chuŋ da Yeso Kristo anji zənə Mak ŋwaʼanayn 12:37

Dafid ma ambəŋ yə tiya uŋwən kwi Asɨyisəg yə si ni chigə ngiya nu uŋwən mə aghaŋ unebey Dafid?” Ikwiy ba wu mə wuʼi ma imə zəw anó zənə yə mə ghayn.

Ukən chuŋ da Yeso Kristo anji zənə Mak ŋwaʼanayn 2:2

Ba zaʼa isugi akə nji zənə amə chama ubəg kaba isəg. Anigə yə mə ighayn inayn Nwiye abú úŋwən.

Ukən chuŋ da Yeso Kristo anji zənə Luk ŋwaʼanayn 15:1

Amə aney moʼ, mbə fere ukab tag nanaʼ nə ba mbənə mbə́ mə́ aghəy unó iboŋ ŋu fere iyad Yeso ni zwaray anó zənə yə́ mə́ ghayn.

Ukən chuŋ da Yeso Kristo anji zənə Luk ŋwaʼanayn 19:48

Anigə amə cha nji abú úŋwən izwere uŋwən damugə ba ujum mə kaba izəw unó ujum mbənə yə mə ghayn.

Afaʼa ba tom Kristo 1:15

Ungɨŋ unəy wu, Pita noʼ təm atey akaʼa ba mbənə u beni Kristo nu mbə fere asin feyn ka ukɨ feyn nə ighumi bigə. Yə təm nigə ighayn abú úŋwən kwi,

Afaʼa ba tom Kristo 10:33

Amaʼazənə mə zəw nigə, mə́ tom ba aba ighari awu kwi u zaʼa tiya ayə. Anigə boŋ umugə ngwə izaʼa. Akinine, mba yə akəŋ umba ujum ifigi Nwiye i zəw anó zənə Asɨyisəg ghayn inigə kwi ngwə ghayn ina.”

Afaʼa ba tom Kristo 13:48

Amaʼazənə ba mbənə akaʼa ma ba Jû zəw anó zəŋ, mbə wuʼ uma anigə iyere inayn Asɨyisəg zənə inayn da úŋwən. Ba ujum mbənə Nwiye si choʼ kwi umbi jəg itəni beni anó zənə mbə́ ghayn da Kristo.

Afaʼa ba tom Kristo 17:11

Ba Jû mbənə mbə́ mə́ Beriya mə́ nə fiŋ chuŋ chigə ma akə u mbənə mbə́ mə́ Tesalonika damugə mbə́ num inayn Nwiye nə fiŋ ujum. Mbə́ mə́ foŋo inay Nwiye unəy ujum izən kwi unó mbənə Pol mə ghayn amə asiʼ?

Afaʼa ba tom Kristo 2:42

Mbə́ zi atəw akə unó mbənə ba tom Kristo mə itey. Mbə́ mə́ bumə ijəgə nibə bumə ichaʼara Nwiye.

Efesus 4:26

Wa moʼ bə mə isə itəm, ka u ibeni ma kwi isə itəm wu aghəy kwi u aghəy anó iboŋ. Ka u beni ma kwi nyama chugi ghaba nu u mə bugə isə itəm.

Efesus 4:31

Mbən waʼ inayn jum tənə imə toboro fiŋ ba, i waʼ anó ni mə chiŋe ba, waʼ anó imə isə itəm, waʼ anó imə taŋara, waʼ anó imə jimə ba nibi waʼ anó imə aghəy ukudu ibɨy unó jum.

Kolose 3:15

Mbən sayn kwi aborobod zənə Kristo mə naʼa a tumə itən fiŋ. Amə da aborobod wu nu Nwiye tiya ngwən kwi mbən zaʼa bumə akə nyə̂ inyo feyn. Mbən ni naʼa yə beni ayə abú Nwiye akə umaʼ jum.

Kolose 3:8

Asɨmə akinine mbən yi waʼ unó imbəŋ jum, amə anó ni isə itəm, anó ni bəŋe, anó ni jimə ba nə anó ni imə ghayn unyimi unó.

1 Tesaloniyans 2:13

Mba yə nibə naʼa yə beni ayə abú Nwiye ighari jum da kwi amaʼazənə mba zaʼa inen nə inayn Nwiye, mbən zəw ibeni, akə ma ni kwi amə inayn ba inyoŋ atəw. Mbən kaŋa beni kwi amə inayn Nwiye. Inayn wu yə faʼa ungɨŋ inen umbən mbənə mbən beni Kristo.

Jems 1:16

Unbəŋ unya nu awuʼi kwaʼa azəd, ka wa moʼ tama ma ngwən.

Jems 1:2

Umbəŋ unya, mbən ni wuʼe ngwən akə umaʼa jum mbənə ikudi ikwaʼara nanaʼ nyi igun inen.

Jems 1:26

Wa moʼ akaʼa injən waʼa kono kwi yə kara ungɨŋ anó Nwiye? Yə mbə ton iyimə uchəw ma, u yə tama inyo ma anigə anó Nwiye ma amə atəw akow.

Jems 2:1

Umbəŋ unya, umugə mbən beni Asɨyisəg Yeso Kristo ŋunə ba wumini, ka mbən mə ghəy ngwən aghɨ.

Jems 2:5

Umbuŋ unya nu a wuʼi kwaʼa azəd, mbən zwaray! Nwiye choʼo ba mbənə amə ba ukwaŋ ungɨŋ isəg, da uŋwən mə ba imbon numugə u beni Yeso Kristo. Anigə umbi jəg anó fon zənə Nwiye kaʼa abú ba mbənə u wuʼi uŋwən.

Jems 3:10

Anó ni yere Nwiye, nə anó ni naʼa indon abú ba yə duw aba ungɨŋ uchəw feyn. Umbəŋ unya, akə ma nigə!

Jems 4:11

Umbuŋ unya, ka wa ghayn ma anó iboŋ da unya ma. Wa bə ghayn anó iboŋ igun unya ma kə isaʼa uŋwən, yə ghayn kwi cha unoʼo Nwiye di koʼoro ma. Uŋwən nibi saʼa unoʼo Nwiye. Ngwə bə mə wa ŋunə umə saʼa unoʼo Nwiye, nji cha ngwə mə isiyə unoʼo wu. Ngwə yə saʼa iŋwən.

Jems 5:12

Umbəŋ unya, anó zənə achigə unó jum amə kwi ka mbən məʼe ngwən ngwən, kə amə akə azobo, kə amə akə isəy, kə akə ghəy chini nu ba mə məʼe uma igun. Mbən bə beni anó moʼ mbən ghayn aba kwi, “Aŋ.” Mbən bə ton anó moʼ, mbən ghayn aba kwi, “Indəʼ.” Mbən ghəy aba nigə da ka Nwiye zi ma usaʼa igun inen.

Jems 5:19

Umbəŋ unya, wa moʼ akaʼa injən mbə faba akə asiʼ, wa chini gha num uŋwən zaʼa.

1 Jon 2:21

Cha amə ŋwaʼanayn aŋu inen damugə cha mbən di kyay asiʼ. Ayə ŋwaʼanayn amə damugə mbən si kyay asiʼ nibi kyay kwi cha unó figi mə du ma akə asiʼ.