Jems 1:18 - Aŋwaʼanayn Uso Fey

¹⁸ Amə uŋwən ma ambuŋ yə aghəy kwi unum ngwa akə buŋ ma anjim inayn ma zənə amə iyi asiʼ. Yə num ngwa boʼo mba mə ba imbey akə ughəy jum mbənə u tana.

Jems 1:18 Iomraidhean Croise

Ukən chuŋ da Yeso Kristo anji zənə Jon ŋwaʼanayn 1:13

Cha úŋwən mə uma buŋ Nwiye akə inji zənə ba igun isəg ibə́ úŋwən, kə anji zənə wa inyoŋ atəw aghəy, kə mugə wa inyoŋ atəw kaba, Nwiye ma amboŋ mə mbaʼ uma.

Roman 4:17

Ayə ungɨŋ Aŋwaʼanayn Nwiye kwi, Nwiye ghayn abú Abraham kwi, “Mə si aghəy ayə mbaʼ igun ubey nanaʼ.” Abraham mə u ngwa mbaʼ ifigi Nwiye ŋunə yə zi fiŋ ma inyo ma. Uŋwən amə Nwiye ŋunə umə naʼa itəni abú uwu ba. Uŋwən yə nibə aghəy u aghəy mbənə cha kwi umə awu.

1 Korintiyans 4:15

Ka di ma kwi mbən yə ni achuʼ ba ighum nu umə nəmə ngwən damugə mbən mə ba Kristo, cha mbaʼ inen unanaʼ. Akə umugə mbən mə akə anó feyn ni Yeso Kristo, amə ungwən mbaʼ numugə mə num ukən uchuŋ zaʼa ghayn inen.

2 Korintiyans 6:7

Mba yə ghayn inayn asiʼ. Mba yə aghəy unó akə ikay nu Nwiye naʼa na. Unó mbənə u təm ikoʼoro chomo nu ubey ibêd ŋunə mba yimi abugə jəgi izoŋ, nibi yimi abugə ikyabay ikən inyo.

Efesus 1:12

Yə ghəy nigə da umba mbənə mba mə ba imbey i zi fiŋ igun Kristo mba yere Nwiye.

Efesus 1:13

Nwiye nibi ghəy kwi mbən mə ba uma amaʼazənə mbən zəw inayn zənə amə ayi asiʼ nu amə ukən chuŋ damugə Nwiye mi chi ngwən angəʼ. Mbən zəw beni, anigə Nwiye zi anwini igun inen nu amə Azugə zayn zayn yə kaʼa ina

2 Timoti 2:15

Zi ikay ighəy kwi Nwiye beni afaʼa zənə ngwə faʼa, damugə ngwə mə wa faʼa nu cha indere atəw, nibə mə wa ŋunə umə tey inayn zənə amə iyi asiʼ akə inji zənə ikoʼoro.

Hibru 12:23

Mbən si zaʼa abú ufere buŋ imbey Nwiye mbənə u si ŋwaʼanayn ikum uma azobo. Mbən si zaʼa abú Nwiye ŋunə umə saʼa ba jum, Mbən si zaʼa abú azugə ba mbənə Nwiye si ghəy u təm ikoʼoro iboŋ imara.

Jems 1:15

Unó iboŋ mbənə umə kaba mbə nyi fiŋ ma si aghəy kwi u aghəy unó iboŋ. Amaʼazənə unó iboŋ wu si ka ungɨŋ fiŋ ma, umbi zwere uŋwən.

Jems 1:21

Anigə mbən waʼ uzuw anó jum mbənə cha udi koʼoro nibi waʼ izəg unó jum mbənə mbən mə ighəy. Mbən num inyo asey ibeni inayn Nwiye zənə imə ungɨŋ itən fiŋ. Inayn wu yi aghəy kwi mbən duw angəʼ.

Jems 3:14

Asɨmə ngwə mbə mə nə ibuw iboŋ, kaba imə numə ughəy jum abú inji inyo, i ton ayə unó asiʼ da imə komo iguwə da inji iwe.

1 Pita 1:23

Mbə si ibə́ ngwən ighari chini da mbən jəg itəni fey anjim inayn Nwiye zənə imə ikay. Cha itəni zənə imə abú mbaʼ nu umə kuw. I yə noʼo abú mbaʼ nu cha umi noʼo iku.

1 Pita 1:3

Mba yere Nwiye ŋunə amə Mbaʼ ungwa Asɨyisəg Yeso Kristo, uŋwən yə idiri ngwa kwaʼa inji chuŋ. Yə si ghəy kwi mba jəg itəni fey anji zənə yə zəmə Yeso Kristo. Zəŋ si ghəy kwi mba niŋi ikono ni nəmə unó mbənə Nwiye kaʼa ina.

1 Jon 3:9

Cha wa ŋunə amə wa Nwiye mi ŋuw ma imbey imə ghəy unó iboŋ damugə inji unó Nwiye yə ungɨŋ ma. Cha umi mə gha ghəy ma unó iboŋ damugə úŋwən mə ba Nwiye.

Uney inwi 14:4

Ba mbəŋ amə ba mbənə cha mbə chiŋe inyo ma i neŋe ayey, damugə cha mbə di si kyayn uma anó ayey. Amə ba mbəŋ mbə niŋe anjim ŋwə̂ jəg usin ujum mbənə yə ŋuw. Mbə si choʼo úŋwən akaʼa ba mbənə umə igun isəg inaʼ abú Nwiye foro abú ŋwə̂ jəg nə u aghəy jaŋa imbey.