Jems 1:17 - Aŋwaʼanayn Uso Fey

¹⁷ Ughəy chuŋ jum nə ughəy jum mbənə u boŋ mara, umbə zaʼa azobo. Umbə zaʼa abú Mbaʼ ŋunə umə azobo, nu amə uŋwən naʼa uzayn zayn. Cha umə kyaba ma kə ibeŋe inyo ma ni nyamachugi ighəy kwi usin fid.

Jems 1:17 Iomraidhean Croise

Matəw 7:11

Anigə umbən mbənə mbən mə ighəy unó iboŋ, mbən bə kyay umugə ni naʼ u aghəy chuŋ abú umbən buŋ, nji Mbaʼ ŋunə umə azobo yi kaŋa naʼ u aghəy chuŋ abú ba mbənə u biri abú uŋwen.

Ukən chuŋ da Yeso Kristo anji zənə Luk ŋwaʼanayn 11:13

Anigə umbən mbənə mbən mə aghəy unó iboŋ bə́ kyayn umugə ni naʼa u aghəy chuŋ abú umbən buŋ, aká u ngwen mbaʼ ŋunə umə azobo umi naʼ Azugə zayn abú ba mbənə u biri abú uŋwən.”

Ukən chuŋ da Yeso Kristo anji zənə Jon ŋwaʼanayn 1:9

Uzayn zayn wu amə uzayn zayn asiʼ nu yə zaʼa ungɨŋ isəg, nibi tey igun ba jum.

Ukən chuŋ da Yeso Kristo anji zənə Jon ŋwaʼanayn 3:27

Jon ywiri kwi, “Cha nji amə aghəy wa mə nə aghəy moʼ nigə kwi amə Nwiye naʼa abú uŋwən.

Ukən chuŋ da Yeso Kristo anji zənə Jon ŋwaʼanayn 3:3

Yeso ywiri abú uŋwən kwi, “Ayə ghayn asiʼ inigə kwi cha wa moʼ awu nu umi nyi ungɨŋ anó fon Nwiye nu abə ki gha ibə́ ma uŋwən ighari chini.”

Ukən chuŋ da Yeso Kristo anji zənə Jon ŋwaʼanayn 8:12

Yeso inay abú mbə Farasay ighari chini ghayn kwi, “Amə uzayn zayn abú isəg. Ayi naʼ uzayn zayn nibi naʼa itəni abú wa moʼ ŋunə uniŋi inyi jim. Anigə cha uŋwən mi noʼo iyeŋ ma ungɨŋ imbiri.”

Afaʼa ba tom Kristo 11:18

Amaʼazənə mbə́ zəw anó zəŋ mbə kəbərə uchəw ma anigə mbə́ iyere Nwiye ighayn kwi, “Anigə Nwiye si naʼ apan abú ba mbənə akaʼa ma ba Jû kwi kyay ma Nwiye kwi u beŋe fiŋ ma ijəg itəni.”

Afaʼa ba tom Kristo 5:31

Nwiye num uŋwən isiy aba bugə jəgi ma kwi u chomo nə atəw abú ba foro ni wa ŋunə umi chi ba angəʼ da ighəy kwi ba Izre waʼ unó iboŋ ma Nwiye nyaba unó iboŋ ma.

Roman 6:23

Uchoʼo afaʼa akə unó iboŋ amə iwu, asɨmə uneʼe ŋunə Nwiye mə naʼa amə u təni nu cha umi noʼo imey akə inji zənə mba mə akə anó feyn nə Yeso Kristo ungwa Asɨyisəg.

1 Korintiyans 4:7

Amə ngiya amə inen itey kwi mbən chigə ba umbi? Amə ngiya amə inen nu akə ma Nwiye naʼa inen? Yə bə naʼa u aghəy inen nji aton nu mbən mə komo iguwə á chomo ni kwi akə uŋwən umə naʼa u aghəy inen amə da ngiya?

2 Korintiyans 4:6

Nwiye ŋunə yə́ ghayn kwi, “Uzayn zayn tey ungɨŋ usin firi,” Mə nibə uŋwən ghəy uzayn zayn tey ungɨŋ ita fiŋ da mba kyay uzayn zayn Nwiye nu utey ifigi Yeso.

Efesus 1:18

A yə chaʼara Nwiye kwi u fiʼi i tən fiŋ mbən zən uzayn zayn da mbən kyayn unó mbənə mbən niŋi ikono igun nu amə unó mbənə Nwiye tiya ngwən da úŋwən. Unó wu amə ichuŋ zənə Nwiye kaʼa abú ba uma.

Efesus 2:8

Numugə mba beni Nwiye, yə aghəy ichuŋ ina ichi ngwa angəʼ akə ma da mugə mba aghəy anó moʼ, amə uneʼe nu unoʼo abú Nwiye.

Filipi 1:29

Nwiye si na aza inen kwi mbən faʼa abú Kristo akə ma aba ibeni uŋwən, amə nibə da izəw ingəʼ nə uŋwən.

1 Timoti 6:16

Aba uŋwən yugə ma zeʼe nu cha umi noʼo iku. Uŋwən yə chomo ungɨŋ uzayn zayn ŋunə cha amə ghəy wa tinə iyad. Cha wa noʼ di si kwaʼa zən uŋwən. Cha wa moʼ mi noʼo zən uŋwən. Isəg jum wumine uŋwən, uŋwən nibi tumə isəg ni ikay zənə i tənə koŋ. A mə nigə.

Hibru 13:8

Yeso Kristo yə ichin ichin umugə yə mə iyugə, umugə umə akə̂choŋ umugə umi tənə akə ighari feyn.

Jems 1:5

Wa moʼ akaʼa injən bə bəw imə nə iwe, u biri abú Nwiye. Uŋwən yə naʼa ughəy abú ba ibuw ibuw. U yə nibi naʼa akə fiŋ chuŋ. U yi naʼa iwe abú uŋwən.

Jems 3:15

Aka ma Nwiye mə naʼa ukudu iwe wu. Yə noʼo amə abú ba igun isəg, akə ma abú Azugə Nwiye. Yə zaʼa abú debere.

Jems 3:17

Iwe zənə Nwiye naʼa yə ghəy kwi mba chomo akə uzayn zayn, chomo akə aborobod, mə nə iboro fiŋ, izwaray unó mbənə ba mə ghayn, idiri ba nibi ighəy ichuŋ. Iyə ghəy kwi ka wa ghəy ma aghɨ foro kwi ka wa ma figə unó.

1 Jon 1:5

Ukən ŋunə mba zəw abú Ŋwə̂ Nwiye nu mba mə nibə ghayn inen amə kwi, Nwiye mə u zayn zayn, foro kwi, cha imbiri amə ama nə anó moʼ ighəy abú uŋwən.

1 Jon 4:10

Zəŋ amə kwaʼa iwuʼi asiʼ. Akaʼa ma kwi mbá wuʼe Nwiye, asɨmə kwi uŋwən wuʼe ngwa anigə icha Ŋwə̂ ma kwi u zaʼa ni aghəy ifaʼ zənə umi chigə anjim ma iwaʼ umba unó iboŋ.

Uney inwi 21:23

Cha asin wu mə kaba ma nyamachugi kə uməg kwi uni bigə awu, damugə uzayn zayn Nwiye mə bigə awu. Anigə Ŋwə̂ injəg mə anam ma.

Uney inwi 22:5

Ayi mə bere cha ma afəb. Cha umi mə kaba nyamachugi kə anam damugə Asɨyisəg Nwiye yi mə anam uma. Umbi tumə isəg akə ighari feyn.