Jems 1:12 - Aŋwaʼanayn Uso Fey

¹² Nwiye zi aborobod igun ba mbənə umə yimə fiŋ amaʼazənə akwaʼara nyi igun uma. Damugə Amaʼazənə u chigə akwaʼara wu, umbi mə nə uneʼe. Uneʼe wu amə itəni zənə Nwiye kaʼa abú ba mbənə u wuʼi uŋwən.

Jems 1:12 Iomraidhean Croise

Matəw 10:22

Ba ujum mbi bana ngwən da aŋu. Asɨmə wa ŋunə umi yimə fiŋ iŋu pey akə inwi, Nwiye yi chiyə uŋwən angəʼ.

Matəw 25:34

Anigə ufon wu yi ghayn abú ba mbənə umə aba bugə jəgi kwi, ‘Mbən zaʼa umbən mbənə uŋu Mbaʼ si naʼa aborobod inen ijəg anó ufon zənə yə́ si tana isiy inen inoʼo amaʼazənə yə tana isəg,

Ukən chuŋ da Yeso Kristo anji zənə Luk ŋwaʼanayn 6:22

Nwiye zi aborobod igun inen umbən mbənə ba mə́ bana ngwen iton ngwen, jimə ngwen ighayn kwi mbən mə ba umə aghəy unó iboŋ. Unó mbəŋ ujum amə damugə mbən beni Ŋwə̂ Wa

Roman 5:4

Iyimi fiŋ yi ghəy kwi mba mə nə ichomo chuŋ, ichomo chuŋ yi ghəy kwi mba mə nə ikono kwi Nwiye yi ghəy anó zənə u kaʼa.

Roman 8:28

Mba kyay kwi akə unó ujum, Nwiye yə faʼa kwi ba mbənə u wuʼi uŋwən u zən ichuŋ. Anigə amə ba mbənə u tiya kwi amə umbi ba anjim zənə yə si isiy.

1 Korintiyans 2:9

Ayə ungɨŋ Aŋwaʼanayn Nwiye kwi, “Anó zənə cha ighɨ di si noʼo izən, kə atoŋ zəw, Kə kwi wa noʼ kono ungɨŋ fiŋ, Amə azənə Nwiye si tana isiy abú ba mbənə ú wuʼi uŋwən”.

1 Korintiyans 8:3

Asɨmə Nwiye kyay wa ŋunə u wuʼi uŋwən.

1 Korintiyans 9:25

Ba jum mbənə umə tana inyo inod, umbə yimə inyo uchuŋ uchuŋ akə nji ujum. U mbə ghəy ney da inum uneʼe ŋunə cha umə tənə akə ighari feyn. Asɨmə mba yə ghəy ney da inum uŋunə umə tənə koŋ.

2 Timoti 2:15

Zi ikay ighəy kwi Nwiye beni afaʼa zənə ngwə faʼa, damugə ngwə mə wa faʼa nu cha indere atəw, nibə mə wa ŋunə umə tey inayn zənə amə iyi asiʼ akə inji zənə ikoʼoro.

2 Timoti 4:8

Anigə Asɨyisəg Kristo ŋunə umə saʼa ba anji zənə ikoʼoro uyi naʼa uywiri mbaŋa iniŋ aney zənə umi zaʼa isaʼ isəg. U yi naʼ damugə ayə aghəy unó nu ukoʼoro. Cha umi naʼ aba iniŋ. U yi nibi naʼ abú ba mbənə umə nəmə nə iwuʼi kwi u wene zaʼa.

Hibru 10:32

mbən kono uney mbənə u si chigə, amaʼa zənə uzayn zayn Nwiye bigə igun inen. Mbən zəw ingəʼ azəd anigə cha mbən di gow.

Hibru 11:17

Amə ibeni yə ghəy kwi Abraham naʼa Azik akə ghəy ifa akə amaʼazənə Nwiye zweʼe uŋwən. Amə abú uŋwən nu Nwiye kaʼ unó mbəŋ, anigə yə tana inyo ma inaʼ ŋwə̂ wu abú uŋwən akə ghəy ifa.

Hibru 12:5

Mbən waʼa si nyaba inayn Nwiye zənə yə zi ikay inen kwi mbə mə buŋ ma? Inayn wu amə kwi, “Uŋu ŋwə̂ imə num ayə akə azaba anó amaʼazənə Asɨyisəg mə taʼa ayə. Ka injə fiŋ ibo ma amaʼazənə Asɨyisəg mə inayn inigə,

Hibru 6:15

Abraham yimə fiŋ ni nəmə anigə yə mə nə aghəy zənə Nwiye kaʼa abú uŋwən.

Jems 2:5

Umbuŋ unya nu a wuʼi kwaʼa azəd, mbən zwaray! Nwiye choʼo ba mbənə amə ba ukwaŋ ungɨŋ isəg, da uŋwən mə ba imbon numugə u beni Yeso Kristo. Anigə umbi jəg anó fon zənə Nwiye kaʼa abú ba mbənə u wuʼi uŋwən.

Jems 5:11

Mbən zən, Nwiye zi aborobod igun uma damugə mbə koro fiŋ. Mbən si zəw umugə Job koro fiŋ nibi zəw umugə akə inwi, Nwiye ghəy ichuŋ abú uŋwən. Nwiye yə kənə nibə idiri ba.

1 Pita 3:14

Asɨmə ka nə mbən mə zəw ingəʼ damugə mbən mə ighəy unó mbənə ukoʼoro, Nwiye yi zi aborobod igun inen. Ka mbən mə goro ngwən kə nibə tumə inyo.

1 Pita 4:13

Asɨmə mbən wuʼ ngwən numugə mbən mə zəw ingəʼ anji zənə Kristo nibi zəw. Iwuʼi yi sugi ungɨŋ itən fiŋ amaʼazənə umi zaʼa ungɨŋ uzayn zayn ma.

1 Pita 4:14

Ba bə jimə ngwən damugə mbən beni Kristo, Nwiye yi zi aborobod igun inen. Anigə amə kwi azugə zayn zayn zənə amə Azugə Nwiye si məŋi igun inen.

1 Pita 5:10

Mbən bə zəw ingəʼ akə ŋwə̂ amaʼ moʼ, Nwiye ŋunə umə ighəy ichuŋ abú ba jum yi were itana ughəy jum inen. U yi aghəy kwi injən ibeni kara nibi aghəy kwi mbən təm ikara. Asɨmə yə chigə anjim Kristo itiya ngwən kwi mbən zaʼa nyi ungɨŋ zayn zayn ma ŋunə cha umi noʼo imey.

1 Pita 5:4

Amaʼ zənə Anəmə injəg kyayn mi zaʼa, mbən yi num uneʼe zayn zayn ŋunə cha umi noʼo ichoʼo.

1 Jon 4:19

Mba wuʼe Nwiye damugə uŋwən dey wuʼe ngwa.

Uney inwi 2:10

Ka mbən bugə ngwən anó zənə ami ŋu aghəy kwi ngwə zəw ingəʼ da aŋwayn. Zəw! Debere yi zi umbən moʼ andəŋ da i zweʼe ngwen. U mbi nwini itən inya ughəw akə unəy ighum anigə mbən zi fiŋ igun Kristo ka nə umə zwere ngwən. Anigə ayi neʼe ngwən ni itəni.

Uney inwi 3:19

Ayə nayn abú ba mbənə a wuʼi. Ayə nibə zi ingəʼ igun ba mbənə awuʼi. Anigə aghəy kwi injə atəw ki nomo nibi zən kwi ngwə beŋe injə fiŋ.

Uney inwi 3:21

Ayi beni kwi wa ŋunə u waʼ unó iboŋ uchomo igun atən ufon inyi iyad, aba anji zənə mə nyaba umbəŋ ba bana anigə ichomo iyad uŋu mbaʼ igun atən ufon ma.”