Jems 1:10 - Aŋwaʼanayn Uso Fey

¹⁰ Unya mbənə umə ni imbon wuʼe uma Amaʼazənə Nwiye swiʼiri úŋwən, damugə wa imbon yə zaʼa chigə ni ufrawer.

Jems 1:10 Iomraidhean Croise

Matəw 5:3

Yə ghayn kwi, “Nwiye ziyə aborobod igun ba mbənə u sayn unó uma ujum inya ubugə ma, Damugə umbi jəg anó ufon azobo.

Matəw 6:30

Amə Nwiye mə zi ndwi akə ufəʼ ŋunə u mə ikiʼi akə̂choŋ, asugə u maʼ ungɨŋ uwəd. Aka uŋwen mi na ndwi inen chigə mugə u mə zi abú ifəʼ? Injən ibeni fiŋ kaŋa ikweʼ!

1 Korintiyans 7:31

Mbə sə faʼa nə u ghəy mbəŋ akə ungɨŋ isəg, mbən chomo ngwən ni kwi cha anó moʼ inen ighəy nə u ghəy wu, damugə isəg zəŋ akinine yə chigə amə chigi.

Filipi 3:8

Asiʼ ŋunə umə awu amə kwi unó jum wu nim da anó kyay zənə a boŋo chigə. Anó kyay wu amə umugə a kyay uŋu Asɨyisəg Yeso Kristo. Mə si zən kwi unó wu jum amə indoro da a chomo ni Kristo. Da uŋwən mə waʼ ughəy jum,

1 Timoti 6:17

Amə da ba mbon mbənə umə akə ungɨŋ isəg zəŋ, ghayn abú úŋwən kwi ka umə beʼere ma inyo, kə iniŋ ma ikono uma igun mbon wu nu imə chigə chigi. U niŋi ikono ma amə igun Nwiye ŋunə u naʼ ughəy na ibuw ibuw. U yə naʼa da mba chomo inji chuŋ.

Jems 4:14

Cha mbən kyay unó mbənə umi zaʼa asugə. Injən mə ni ingiya? Injə itəni chomo ni indiʼ zənə imə kəbərə usin akə amaʼa moʼ anigə i nim.

1 Pita 1:24

Ayə ungɨŋ aŋwaʼanayn Nwiye kwi, “Ba jum chomo ni ufuʼ Iwumini uma chomo nə ufuʼ ŋwaʼ ŋwaʼ Ufəʼ yə kuw u ŋwaʼ ŋwaʼ nəgə.

1 Jon 2:17

Isəg nə u ghəy ujum mbənə umə awu ungɨŋ nu ba mə kaba umbə chigə amə chigi, asɨmə wa ŋunə u ghəy anó zənə Nwiye kaba uyi tənə koŋ.