Hibru 8:3 - Aŋwaʼanayn Uso Fey

³ Umbə choʼo utəw kyayn ujum ambəŋ Nwiye kwi unaʼa aturi Nwiye nibi naʼ aghəy ifá abú Nwiye. Anigə yə koʼ kwi wa faʼa ambəŋ wu mə nibi nə aghəy moʼ inaʼ.

Hibru 8:3 Iomraidhean Croise

Ukən chuŋ da Yeso Kristo anji zənə Jon ŋwaʼanayn 6:51

Amə ingəŋ zənə imə naʼa itəni nu iswiʼi azobo. Wa moʼ ŋunə u jəgə ingəŋ zəŋ, uyi tənə akə ighari feyn. Ingəŋ zənə ami na kwi isəg jum jəg itənə amə inyi nyə̂ inyo.”

Roman 4:25

Nwiye naʼ uŋwən kwi ú zwere da umba unó iboŋ. Yə nibi zəmə uŋwən da mba təm ikoʼoro.

Roman 5:6

Amaʼazənə mba mə́ ibó, amaʼa koʼ anigə Kristo ku igun utəw ba mbənə cha mbə́ mə́ wumine Nwiye.

Roman 5:8

Nwiye tey kwi yə wuʼe ngwa numugə amaʼazənə mba mə ghəy unó iboŋ, Kristo ku da umba utəw.

Galetiya 2:20

Anigə akə ma umugə amə ikay. Wa ŋunə umə ikay mə Kristo ŋunə umə ungɨŋ iniŋ. Itəni zənə imə iniŋ akinine amə da mugə a zi fiŋ igun Ŋwə̂ Nwiye ŋunə u wuʼi aŋu anigə inaʼ inyo ma akə ghəy ifaʼ da aŋu.

Efesus 5:2

Mbən wuʼ umbən unya aba anji zənə Kristo wuʼi ngwən anigə iku igun umba utəw. Uŋwən chomo nə aghəy ifá zənə amə inyoʼoro ifoy chuŋ. Uŋwən nibi chomo nə aghəy ituri Nwiye nu u naʼ abú Nwiye.

Titus 2:14

Yeso Kristo naʼa inyo ma da iziya umba utəw akə unó iboŋ jum. Yə nibi naʼ da ighəy kwi mba zayn boʼo mba mə ba nu u zi atəw ni aghəy unó chuŋ.

Hibru 2:17

Amə aton zənə yə beŋe ichomo nə unya ma akə unó ujum, boʼo uŋwən mi mə atəw kyayn ambəŋ Nwiye. Uyi idiri ba nibi ifaʼ abú Nwiye nə fiŋ ma jum. U yi ghəy nigə da Nwiye mi waʼ unó iboŋ ba.

Hibru 3:1

Umbəŋ unya zayn zayn nu Nwiye nibi tiya, mbən tana ikono Yeso nu mba beni kwi uŋwən amə wa tom foro atəw igun ba mbənə umə faʼa ambəŋ Nwiye.

Hibru 5:1

Umbə choʼ utəw kyayn jum ambəŋ Nwiye amə akaʼa ba uma. Ubə choʼo uŋwən kwi uŋwən faʼa abú Nwiye da utəw ba ma. Uyə naʼa ture Nwiye nibə naʼa ughəy ifá da Nwiye waʼa unó iboŋ uma.

Hibru 7:27

Cha uŋwən mə ma nə utəw kyayn mbi ambəŋ Nwiye, nu umi mə naʼa ughəy ifá unəy jum da unó iboŋ ma foro da unó iboŋ ba umbi. Yə si ghey nigə akə ighari feyn, numugə yə na nyə̂ inyo ma akə aghəy ifá.

Hibru 8:4

Uŋwən di mə wa akə igun isəg, nji cha uŋwən mi mə ma wa faʼa ambəŋ Nwiye damugə ba faʼa ambəŋ Nwiye umbə́ awu imə naʼa uturi Nwiye anji zənə unoʼo Mose tey.

Hibru 9:14

nji anəm Kristo yi zayn ngwa chigə. Azugə zənə atənə akə ighari feyn ghəy kwi Kristo naʼa inyo ma abú Nwiye akə ghəy ifá nu cha udoro moʼ igun da ighəy kwi ita fiŋ zayn akə unó iboŋ mbənə umə ghəy kwi ba ku, boʼo mba mi mə faʼa abú Nwiye ŋunə umə ikay.