Hibru 1:3 - Aŋwaʼanayn Uso Fey

³ Ŋwə̂ wu yə tey umugə uzayn zayn Nwiye ibigə. Unó jum da uŋwən umbə tey umugə Nwiye məŋi. Yə aghəy kwi isəg chomo akə inji zənə i məŋi. Amə anjim inayn kaka ma nu imə aghəy kwi isəg chomo akə inji zənə i məŋi. Amaʼazənə yə́ si aghəy Nwiye səw unó iboŋ ba yə́ chomo aba abugə jəgi Nwiye ŋunə umə ni ikay jum.

Hibru 1:3 Iomraidhean Croise

Matəw 22:24

“Ataʼa ba, Mose ghayn kwi, ‘Anom bə ku ni cha u bə́ ma buŋ, unya anóm ma yi nam ayey ŋunə ukuw iwa da ibə́ buŋ nə uŋwən nu ayi mə buŋ unya anóm ma ŋunə yə kuw.’

Ukən chuŋ da Yeso Kristo anji zənə Mak ŋwaʼanayn 16:19

Amaʼazənə Asɨyisəg Yeso si inayn abú mbə məŋə-anó wu, Nwiye num uŋwən azobo. Wə pey yi chomo aba bugə jəgi Nwiye.

Ukən chuŋ da Yeso Kristo anji zənə Jon ŋwaʼanayn 1:14

Inayn wu beŋe akə wa inyoŋ atəw, ichomo inja kaʼa. Mba zən iwumini ma nu amə iwumini zənə yə mə abú uŋwən numugə uŋwən mə aba Ŋwə̂ feyn ŋunə yə́ mə abú mbaʼ Yə́ mə aghəy ichuŋ nibə ghayn asiʼ da Nwiye abú ba.

Ukən chuŋ da Yeso Kristo anji zənə Jon ŋwaʼanayn 1:29

Aney zənə aniŋe akuŋ, Jon zən Yeso umə zaʼa abú uŋwən. Anigə yə ghayn kwi, “Mbə zən, uŋwən mə Ŋwə̂ injəg Nwiye ŋunə u aghəy kwi Nwiye waʼa unó iboŋ ba jum ungɨŋ isəg.

Ukən chuŋ da Yeso Kristo anji zənə Jon ŋwaʼanayn 1:4

Itəni yə zaʼa akə Inayn. Itəni wu yə naʼa uzayn zayn abú ba.

Afaʼa ba tom Kristo 2:33

Nwiye si num uŋwən azobo u ŋu chomo aba bugə jəgi ma, yə si num Azugə zayn zayn zənə mbaʼ ma si kaʼa kwi iyi naʼ. Ghəy zənə mbən mə zən nə zəw amə Azugə zayn zayn wu nu u cha igun ina.

Afaʼa ba tom Kristo 7:56

Yə zən nigə ghayn kwi, “Mbən zən! Mə zən azobo fiʼe. Mə nibi zən Ŋwə̂ Wa u təm aba bugə jəgi Nwiye.”

Roman 1:16

Cha amə aŋu nə indere atəw da ukən uchuŋ, damugə ukən uchuŋ amə ikay Nwiye ichi ba ujum mbənə u beni angəʼ. U yi dey chiyə ba Jû, noʼo akuŋ ichiyə ba mbənə akə ma ba Jû.

Roman 8:34

Amə ngwa umi ghayn kwi mbə gow usaʼa? Awaʼa Yeso Kristo ŋunə yə kuw nu Nwiye zəmə, u chomo aba bugə jəgi Nwiye ni chaʼara uŋwən igun umba utəw?

2 Korintiyans 4:4

Mbən kyay kwi Nwiye ŋunə umə unɨŋ isəg zəŋ si kən fiŋ ba mbənə cha u beni Kristo boʼo ka u zən uma uzayn zayn akə ukən chuŋ da Kristo. Kristo chomo aba ni Nwiye.

Kolose 3:1

Nwiye si zəmə ngwən nə Yeso anigə mbən ni kaba amə ughəy mbənə umə azobo asin zənə Kristo chomo aba bugə jəgi Nwiye.

Titus 2:14

Yeso Kristo naʼa inyo ma da iziya umba utəw akə unó iboŋ jum. Yə nibi naʼ da ighəy kwi mba zayn boʼo mba mə ba nu u zi atəw ni aghəy unó chuŋ.

Hibru 1:13

Amə abú angəd ngwat nu Nwiye si noʼo ghayn abú uŋwən kwi, “Chomo inyi aba abugə jəgi Pey aney zənə ami zi ubə ba abana iti inya ughəw?”

Hibru 10:12

amaʼazənə Kristo si naʼa afaʼ ighari feyn i səw unó iboŋ yə chomo aba bugə jəgi Nwiye

Hibru 12:2

Mba niŋe inja aghɨ aba igun Yeso ŋunə inji ibeni ti nibi nwi aba igun ma. Yə nyiʼi fiŋ azad abaʼara damugə yə kyay iwuʼi zənə yə mə imbey abú uŋwən. Cha yə di num ma indere atəw zənə mbə́ kom uŋwən azad baʼara kwi amə anó moʼ, anigə uŋwən yə aba abugə jəgi Nwiye u chomo.

Hibru 4:14

Umugə mba mə nə amede atəw kyayn abú ba mbənə umə faʼa ambəŋ Nwiye nu amə Yeso Ŋwə̂ Nwiye ŋunə yə́ iŋú azobo, mba yimə anó zənə mba ghayn kwi mba beni awu da Yeso akə ikay.

Hibru 7:27

Cha uŋwən mə ma nə utəw kyayn mbi ambəŋ Nwiye, nu umi mə naʼa ughəy ifá unəy jum da unó iboŋ ma foro da unó iboŋ ba umbi. Yə si ghey nigə akə ighari feyn, numugə yə na nyə̂ inyo ma akə aghəy ifá.

Hibru 8:1

Anó kyayn zənə amə ungɨŋ anó zəŋ amə kwi, mba yə nə atəw kyayn ambəŋ Nwiye, uŋwən yə azobo aba bugə jəgi atən ufon Nwiye Achigə isəg.

Hibru 9:16

Ki u sə́ ghayn anó da ikuw wa, umbi di tey kwi wa wu si ku.

Hibru 9:26

Adi mə kwi u yə ghəy nigə, nji uyi zəw ingəʼ ighari nanaʼ iti amaʼazənə Nwiye tana isəg. Asɨmə numugə amə nigə, yə si buw akə ighari feyn ki isəg mə sə ŋu nwi da iwaʼ unó iboŋ numugə yə naʼ inyo ma akə ghəy ifá.

1 Pita 1:21

Mbən si chigə anjim ma beni Nwiye ni wumine uŋwən nibə naʼa iwumini abú uŋwən. Amə aton zənə mba mi niŋi ita fiŋ nibi niŋi ita ikono aba igun Nwiye.

1 Pita 3:22

Yə si ŋu azobo pey yi chomo aba bugə jəgi Nwiye. Uyə sə tumə mbə angəd nibi tumə uzugə jum mbənə umə azobo foro aton azobo.

2 Pita 1:16

Cha mba mə num ngwa iboʼo iko tənə ba uneŋ iwe tana ni ghayn inen da ikay ungwa Asɨyisəg Yeso Kristo foro da amaʼazənə umi gha wene izaʼa. Mba mə uzənə amaʼazənə Nwiye inaʼa iwumini abú uŋwən.

2 Pita 1:17

Nwiye Mbaʼ naʼa iwumini nibi naʼ uzayn zayn abú uŋwən akə amaʼazənə igəg Nwiye ŋunə mba mə naʼa iwumini kyay abú uŋwən ghayn abú uŋwən kwi, “Ngwə amə uŋu ŋwə̂ nu a wuʼi kwaʼa azəd, inyi fiŋ yə boŋo azəd da uŋwən.”

1 Jon 1:7

Mba bə mə yeŋ ungɨŋ u zayn zayn, numugə u ŋwən mə ungɨŋ u zayn zayn, nji mba yə akə anó feyn umba umba. Anigə, anəm Yeso ŋwə̂ ma yə səw umba unó iboŋ ujum.

1 Jon 3:5

Mbən kyay kwi Kristo zaʼa da iniy ikay unó iboŋ igun ina. Mbən nibi kyay kwi cha uŋwən di ghəy ma anó iboŋ.

Aŋwaʼanayn zənə Jud aŋwaʼanayn 1:25

Abú Nwiye ma zeʼe, mba naʼa iwumini, naʼ anó foŋ kyayn, na ikay nibi naʼ anó ni tumə isəg. Uŋwən yə́ chi ngwa angəʼ anjim ungwa Asɨyisəg Yeso Kristo. Unó mbənə umə uma inoʼ Amaʼazənə yə́ si chigə. Amə uma akinine. Ayi mə uma koŋ. Amə nigə.

Uney inwi 3:21

Ayi beni kwi wa ŋunə u waʼ unó iboŋ uchomo igun atən ufon inyi iyad, aba anji zənə mə nyaba umbəŋ ba bana anigə ichomo iyad uŋu mbaʼ igun atən ufon ma.”

Uney inwi 4:11

“Asɨyisəg ungwa Nwiye, ngwə koʼ kwi Ba jum yere ayə, naʼ iwumini inigə nibi ghayn kwi ngwə yə ni ikay, Damugə ngwə tana ughəy jum. Ughəy jum mbə awu nibə ikay akə inji zənə ngwə kaba.”