Filipi 4:9 - Aŋwaʼanayn Uso Fey

⁹ Mbən aghəy unó mbənə mə tey inen mbən beni. Mbən aghəy unó mbənə mbən zəw iniŋ nibi zən aŋu aghəy. Anigə Nwiye ŋunə umə naʼa aborobod yi mə nə umbən.

Filipi 4:9 Iomraidhean Croise

Matəw 1:23

“Mbən zəw! Akwere nu cha u di si kyay ma anó anom yi mə nə ibum ibə́ ŋwə̂ anom, umbi cho ukum ma kwi Imanuel.” Aton akə ukum wu amə kwi, “Nwiye yə nə umba.”

Matəw 28:20

Mbən taʼa úŋwən kwi u siy unoʼo ujum mbənə asi naʼ inen. Mbən kyáy kwi ayi mə nə umbən ighari ujum iŋu pey akə Amaʼazənə isəg mi nwi.”

Matəw 7:21

Yeso ŋu imbey ighayn abú úŋwən kwi, “Akəma ba ujum mbənə umə tiya aŋu kwi ‘Asɨyisəg, Asɨyisəg’ Umi nyi ungɨŋ anó ufon azobo. Abə ma ba mbənə umə aghəy unó mbənə uŋu Mbaʼ azobo kabay umi nyi.

Ukən chuŋ da Yeso Kristo anji zənə Luk ŋwaʼanayn 6:46

“Aton zənə mbən mə tiya aŋu kwi Asɨyisəg, Asɨyisəg anigə cha mbən mə ighəy ngwen unó mbənə amə́ ghayn inen amə da ngiya?

Ukən chuŋ da Yeso Kristo anji zənə Luk ŋwaʼanayn 8:21

Yeso ghayn abú úŋwən kwi, “Uŋu ingwo nə unya anóm amə ba mbənə umə zəw inayn Nwiye isə́ ighəy.”

Ukən chuŋ da Yeso Kristo anji zənə Jon ŋwaʼanayn 13:17

Akinine nu mbən si kyay unó mbəŋ Nwiye zi aborobod igun inen amaʼazənə mbən aghəy úŋwən.”

Ukən chuŋ da Yeso Kristo anji zənə Jon ŋwaʼanayn 15:14

Mbən mə umbəŋ uzi amaʼazənə mbən bə aghəy unó mbənə aghayn inen.

Ukən chuŋ da Yeso Kristo anji zənə Jon ŋwaʼanayn 2:5

Amaʼazənə yə́ ghayn nigə, ingo ma ghayn abú ba mbənə mbə́ mə́ cha inama wu kwi, “Mbən aghəy anó zənə Yeso mi ghayn. Inen.”

Afaʼa ba tom Kristo 9:6

Anigə noʼo iŋú ungɨŋ Damaskos. Ngwə bə pey awu wa moʼ yi ghayn anó zənə ngwə mi ighəy.

Roman 15:33

Nwiye ŋunə umə naʼa aborobod chomo nə umbən ujum. Amə nigə.

Roman 16:20

Nwiye ŋunə umə naʼa aborobod uyi woʼo Satan ighəy kwi mbən mə nə ikay igun ma. Asɨyisəg Yeso Kristo ghəy ichuŋ inen.

1 Korintiyans 10:31

Anigə, kə ngwə jəg, kə ngwə nugə, kə ngwə ghəy anó moʼ, ghəy unó wu ujum da iwumini Nwiye.

1 Korintiyans 14:33

U ghəy nigə damugə cha Nwiye mə ma Nwiye ŋunə umə bure. Uŋwən amə Nwiye ŋunə umə kaba aborobod. Anji zənə amə ungɨŋ ufere ba Nwiye ujum.

1 Korintiyans 4:16

Anigə ayə boʼo ubugə inen kwi mbən num itɨŋ inji.

2 Korintiyans 13:11

Iŋu mara, umbəŋ unya, mbən chomo anji chuŋ. Mbə kweme izən kwi mbən ni aghəy aba unó mbənə u boŋo. Mbən zəw unó mbənə amə boʼo ubugə ghayn inen. Mbən siy injən anó aba akə anó feyn nibi chomo akə aborobod. Mbən bə aghəy nigə, nji Nwiye ŋunə umə naʼa aborobod yi mə nə umbən.

Filipi 3:17

Umbəŋ unya, mbən num aŋu akə unó jum mbənə amə ghəy. Mbə num anwini akə ba mbənə umə ghəy unó mbənə mba mə ghayn.

Filipi 4:7

Mbən bə aghəy nigə, nji aborobod Nwiye nu a chigə akə iwe ba inyoŋ atəw kyay mara yi aghəy kwi ka itən fiŋ boro ma, nibi aghəy kwi ka itən ikono toboro ma ngwən numugə mbən mə akə anó feyn nə Kristo.

1 Tesaloniyans 1:6

Mbən mə ghəy unó mbənə mba mə ghəy, nibə ighəy unó mbənə Asɨyisəg mə ighəy. Ka di ma kwi mbən mə́ zəw ingəʼ, Azugə zayn zayn ghəy kwi mbən num inayn wu nə iwuʼi.

1 Tesaloniyans 2:14

Umbəŋ unya, anó zənə aduw inen amə nibə anó zənə yə́ duw abú ifere Nwiye tənə imə Judeya abú ba mbənə amə ba Yeso Kristo. Mbən yə zəw ingəʼ ubugə umbən ba abey anji zənə ifere wu zəw ingəʼ abú ba Jû.

1 Tesaloniyans 5:23

Nwiye ŋunə umə naʼa aborobod u ghəy ma amboŋ kwi mbən zayn. Nwiye ghəy kwi azugə nə itən fiŋ foro itən nyə̂ inyo ghəy unó mbənə ukoʼoro da ka wa moʼ zən ma anó iboŋ igun inen akə amaʼazənə ungwa Asɨyisəg Yeso Kristo mi wene izaʼa.

2 Tesaloniyans 3:4

Asɨyisəg si ghəy kwi mba zi ita fiŋ igun inen numugə mbən mə ghəy anigə mbən yi ŋu imbey imə bə ghəy unó mbənə mba ghayn inen.

2 Timoti 4:22

Asɨyisəg chomo nə injə azugə. Nwiye ghəy ichuŋ inen umbən jum.

Jems 1:22

Ka mbən mə ngwən ba mbənə umə zəw inayn Nwiye aba zəw, anigə tama inyo uma. Mbən ni aghəy unó mbənə inayn wu mə ghayn kwi mbən aghəy.

2 Pita 1:10

Anigə umbəŋ unya, mbən zi ikay izən kwi mbən chomo aba anji zənə Nwiye choʼo ngwən nibi tiya ngwən kwi mbən mə umbi ba. Mbən bə chomo nigə nji cha mbən ni noʼo ighəy anó iboŋ.

1 Jon 3:22

Uŋwən yi naʼ u ghəy ujum mbənə mba biri abú uŋwən. U yi ghəy nigə damugə mba yə siyə ikɨy ma nibə ghəy unó mbənə u boŋo abú uŋwən.