Filipi 4:8 - Aŋwaʼanayn Uso Fey

⁸ Umbuŋ unya, anó nu asi nwi amə kwi, anó moʼ be boŋ, anó moʼ bə mə awu amə tey kwi ba yere, mbən niŋi itən ikono igun unó wu. Ano nu amə iyi asiʼ, anó nu ba mi wumini, anó nu a koʼoro, anó nu azayn, anó nu ba wuʼi, anó nu aboŋo chigə, anó nu atey kwi ba yere, mbən niŋi itən ikono igun unó wu.

Filipi 4:8 Iomraidhean Croise

Matəw 22:16

Anigə mbə tom mbə məŋə-anó uma ni ba mbənə mbə́ mə́ aba ufon Herod abú uŋwən kwi u ŋuw ghayn abú uŋwən kwi, “Ataʼa ba mba kyay kwi ngwə yə ghayn asiʼ foro kwi ngwə yə itey asiʼ da inji zənə Nwiye mə kaba kwi ba chomo. Cha ngwə mə goro ayə wa kə amə wa ukyayn cha ngwə mə aghəy ayə aghɨ.

Ukən chuŋ da Yeso Kristo anji zənə Mak ŋwaʼanayn 6:20

Herod mə goro ma Jon damugə yə kyayn kwi Jon mə wa zayn zayn. Foro kwi, u yə aghəy unó ni ukəʼərə. Anigə, yə mə nəmə uŋwən kwi ka anó moʼ aghəy ma nə uŋwən. Ka nə yə mə zəw unó mbənə Jon mə ghayn fiŋ ma ni toboro uŋwən, yə wuʼ imə zəw.

Ukən chuŋ da Yeso Kristo anji zənə Luk ŋwaʼanayn 16:15

Yeso ghayn abú úŋwən kwi, “Mbən mə́ ba mbənə u tey ifigi ba kwi mbən yə ghəy unó ni ukoʼoro, amə Nwiye kyayn itən fiŋ. Unó mbənə ba mə iney kwi amə unó kyayn amə unó mbənə Nwiye mə iney kwi amə unó ibuw.”

Ukən chuŋ da Yeso Kristo anji zənə Luk ŋwaʼanayn 2:25

Amaʼa wu, anóm moʼ mə́ a Yerusanem ni ukum ma mə simeon. Yə́ mə aghəy anó ni akəʼərə, yə zi fiŋ ma inoy Nwiye yə mə nəmə aney zənə Nwiye mi chi ba izreal angəʼ anigə Azugə zayn zayn mə ni uŋwən.

Ukən chuŋ da Yeso Kristo anji zənə Luk ŋwaʼanayn 23:50

Anom moʼ mə awu nu ukum ma mə Josef yə du asin moʼ ungɨŋ Judeya nu umə tiya akə Arimathea. Wə mə wa moʼ akaʼa ba mbənə umə saʼa abey Judeya. A mə wa chuŋ nu yə mə aghəy unó ni ukəʼərə.

Ukən chuŋ da Yeso Kristo anji zənə Jon ŋwaʼanayn 7:18

Wa ŋunə umə aghəy unó aka ikay ma, u yə kaba kwi ba wumini uŋwən. Wa ŋunə umə kaba kwi ba wumini wa ŋunə ucha uŋwən yə ghayn asiʼ, cha umə figə ma unó.

Afaʼa ba tom Kristo 10:22

Mbə́ ywiri abú uŋwən kwi, “Konenius nu amə atəw abú usogwi ukɨ feyn tom ngwa inigə. Uŋwen yə ghəy unó nu ukəʼərə nibə wumine Nwiye. Ba Jû ujum mbə́ ghayn unó chuŋ da uŋwən.” Angəd Nwiye ghayn abú uŋwən kwi u tom ba inigə itiya yə ana ma izəw anó zənə ngwə mi ghayn abú uŋwən.

Afaʼa ba tom Kristo 22:12

Anom moʼ mə awu nu ukum ma mə́ Ananiyas, yə́ zi fiŋ inyo Nwiye. Yə́ mə nibə isey unoʼo Mose. Ba Jû ujum mbənə mbə́ mə́ awu mə wumine uŋwən.

Afaʼa ba tom Kristo 6:3

Anigə unya anom, mbən choʼ anom isambigə injən akaʼa u mbənə ba mə wumine úŋwən umə nə iwe nu Azugə zayn zayn sugi ungɨŋ ma anigə mba yi zi úŋwən u ni ghaba u ghəy jəgi.

Roman 13:13

Mba ni ghəy umba unó akə inji zənə ikoʼoro aba numugə ba mə ghəy unó zayn zayn. Ka mba mə ghəy ngwa adoʼ kə nugə unoʼ ibigə, ka mba mə jəgə ngwa isəg, kə ighəy ufibiri unoʼ, ka wa mə taŋara ma kə ighəy adey.

Roman 13:3

damugə ba mbənə umə ghəy unó iboŋ umbə bugə ba mbənə umə tumə úŋwən, asɨmə cha u mbənə umə ghəy unó chuŋ mə bugə ma úŋwən. Mbən bə mə kaba kwi ka mbən mə bugə ngwən ba mbənə umə tumə ngwən? Mbən ghəy unó chuŋ da u wuʼ ngwən.

Roman 14:18

Amaʼazənə wa mbə sə faʼa abú Kristo akə ukudu inji ŋunə, Nwiye yi wuʼ, anigə ba mbi nibi beni kwi uyə ghəy unó mbənə ukoʼoro.

Roman 2:29

Wa Jû asiʼ amə ungɨŋ fiŋ. Anó ni iney ikad amə anó ungɨŋ fiŋ. Amə nibə anó nu Azugə Nwiye aghəy. Cha Jû asiʼ amə anji zənə u ŋwaʼanayn amə ungɨŋ aŋwaʼanayn. Akə ma ba umə wumine Jû asiʼ. Amə Nwiye mə wumine uŋwən.

1 Korintiyans 4:5

Anigə, ka mbən sob ngwən u saʼa igun wa moʼ kə amaʼ sə koʼo. Mbən nəmə ipey Amaʼazənə Asɨyisəg mi zaʼa. Uyi tey unó mbənə ba mə aghəy ungɨŋ imbiri, nibi tey ikono tənə imə ungɨŋ fiŋ ba. Akə amaʼa wu, Nwiye yi naʼ yə beni ayə abú ba ma ujum akə inji zənə ikoʼoro abú wa feyn feyn.

2 Korintiyans 13:7

Akinine, mba yə chaʼara Nwiye kwi ka mbən aghəy ngwən anó iboŋ. Cha mba mə chaʼara ngwa nigə itey kwi mba si chigə akwaʼara. Mba yə chaʼara boʼo mbən aghəy unó mbənə ukoʼoro. Ka di ma kwi yə chomo ni kwi mba si gow akwaʼara zəŋ.

2 Korintiyans 6:8

Ba moʼ mbə wumini ngwa, mbi moʼ tebe ngwa. Ba moʼ mbə́ ghayn unó iboŋ da ngwa, mbi moʼ ghayn unó chuŋ da ngwa. Ba moʼ mbə ghayn kwi cha mba mə ba mbənə umə inayn asiʼ, asɨmə mba yə kaŋa inayn asiʼ.

2 Korintiyans 8:18

Mba yə cha uŋwən nə unya chini nu ifere ba Kristo jum tana kyay uŋwən da inji zənə umə ghayn ukən chuŋ.

2 Korintiyans 8:21

damugə mba yə kaba ighəy anó nu akoʼoro ifigi Nwiye foro ifigi ba.

Galetiya 5:22

Asɨmə unó mbənə azugə mə kaba amə anó ni iwuʼ ba, anó ni mə ghaʼa ayə, anó ni chomo akə aborobod, anó ni yimə fiŋ, anó ni mə nə iboŋo fiŋ, anó ni mə ighəy ichuŋ, anó ni izi fiŋ igun ba,

Efesus 4:25

Anigə ka mbən mə figə ngwən unó. Wa feyn feyn injən akaʼa ni ghayn aba asiʼ abú unya ma damugə umba jum mə asin nyə̂ inyo akə nyə̂ inyo Kristo.

Efesus 5:9

damugə amə uzayn zayn mə aghəy kwi ba ni aghəy unó mbənə u boŋo nibi koʼoro nibə amə ba mbənə u kyay asiʼ.

Efesus 6:14

Anigə mbən təm ikay ikod unó asiʼ ni utwiy injən itin, unó mbənə u təm ikoʼoro kəbərə injən iguwə nu mugə atənə iguwə mə kəbərə iguwə abú usogwi.

Filipi 3:1

Umbəŋ unya, iŋu nwi, a yə ghayn inen kwi mbən wuʼe ngwən numugə mbən mə akə ibumi nu Asɨyisəg. Cha amə isey ma aŋu igha ŋwaʼanayn unó mbənə mə si dey ŋwaʼanayn inen. A yi ghəy nigə da ka ingəʼ nyi ma igun inen.

Kolose 4:5

Mbən iwe ngwən akə inji zənə mbən mə ighəy unó abú ba mbənə akə ma ba Kristo. Mbən num apan moʼ zənə mbə mə ni uŋwən ifaʼ abú úŋwən uchuŋ chuŋ.

1 Tesaloniyans 4:12

Mbən bə ghəy nigə, ba mbənə akə ma ba Kristo umbi wumine ngwən foro da ka mbən kaba ngwən kwi ba chini ni naʼa u ghəy mbənə mbən kaba.

1 Timoti 2:2

Mbən aghəy nigə igun utəw ifon foro igun utəw ba jum mbənə umə tumə ba, da mba boro ichomo nibi chomo akə aborobod, anigə inaʼa iwumini abú Nwiye akə inji jum foro kwi mba aghəy unó nu ukoʼoro.

1 Timoti 3:11

Ichin ichin, uyey uma mə ayey nu ba mə wumine uŋwən. Akəma ayey nu umə chiŋe ikum ba. Amə aboroy ayey, nibə amə ayey nu ba zi fiŋ igun uma.

1 Timoti 3:4

U kyay umugə iyimə ba jum mbənə umə chomo ungɨŋ na ma. U aghəy kwi buŋ ma wumini uŋwən nibi na iwumini abú uŋwən akə inji jum.

1 Timoti 4:12

Ibeni ayə kwi wa moʼ tebe ayə damugə ngwə mə igwaʼ wa. Ngwə mə́ anwine abú ba mbənə u beni Kristo akə inji zənə ngwə mə inayn, akə inji zənə ngwə mə aghəy unó, akə inji zənə ngwə mə wuʼe ba, akə inji zənə ngwə niŋi ikono igun Kristo, foro akə inji zənə ngwə chomo akə uzayn zayn.

1 Timoti 5:10

Ba kyay uŋwən da unó chuŋ mbənə umə ighəy. Anji zənə umə iney buŋ ma anji chuŋ, u mə num ba akuw ma, umə faʼa abú ba Nwiye anji chuŋ, umugə umə iywere ba mbənə umə izəw ingəʼ, nu u naʼa inyo ma imə ighəy ichuŋ akə inji jum.

1 Timoti 5:2

Yimə mbə ayey mbənə usi nun chigə ayə chomo ni kwi amə umbi ingo. Ghəy unó akə uzayn zayn abú igwaʼ ayey ni kwi amə umbə unya ayey.

Titus 1:8

Amə wa nu umə num ba akuw ma. Amə wa nu umə wuʼe aghəy zənə a boŋo. Amə wa nu umə ighəy unó nə iwe. Imə wa nu u təm ikoʼoro ifigi Nwiye. Amə wa nu umə chomo uzayn zayn nibə mə wa nu umə yimə inyo.

Titus 2:14

Yeso Kristo naʼa inyo ma da iziya umba utəw akə unó iboŋ jum. Yə nibi naʼ da ighəy kwi mba zayn boʼo mba mə ba nu u zi atəw ni aghəy unó chuŋ.

Titus 2:2

Taʼa anóm mbənə umə sə nunə kwi u ni boro inyo, tey kwi u mbənə iwe, u ni yimə inyo. U tey kwi ibeni ma si ka, u wuʼ unya uma nibi yimə fiŋ.

Titus 2:7

Akə unó jum, ngwə tey anwini abú úŋwən imə aghəy unó chuŋ. Tey unó abú úŋwən anji chuŋ akə fiŋ jum.

Titus 3:14

Nibi zən kwi umba ba kweme anó imə ghəy ichuŋ da iwere u mbənə ughəy ibəw abú úŋwən. Ka úŋwən mə uma ba nu umə ghəy unó nu cha udi ikoʼoro.

Hibru 11:2

Amə anjim ibeni ba imbey nu Nwiye tey abú uŋwən kwi iyə wuʼe yi.

Hibru 13:18

Mbən ni bə chaʼara Nwiye igun ina. Mba kaŋa kyay kwi ita fiŋ tə zayn. Mba yə nibə kaba ighəy unó jum akə inji zənə ikoʼoro.

Jems 1:27

Anó Nwiye zənə Nwiye Mbaʼ beni kwi yə zəŋ nu cha anó iboŋ ungɨŋ, amə i mə iney buŋ uti foro ayey uti mbənə umə zəw ingəʼ. Amə nibə kwi ka wa beni ma kwi unó ungɨŋ isəg chiŋe uŋwən.

Jems 3:17

Iwe zənə Nwiye naʼa yə ghəy kwi mba chomo akə uzayn zayn, chomo akə aborobod, mə nə iboro fiŋ, izwaray unó mbənə ba mə ghayn, idiri ba nibi ighəy ichuŋ. Iyə ghəy kwi ka wa ghəy ma aghɨ foro kwi ka wa ma figə unó.

1 Pita 1:22

Mbən si ghəy itən fiŋ zayn anji zənə mbən mə ghəy unó amə umbi asiʼ. Mbən nibi kaŋa iwuʼ umbən unya kwaʼa anji chuŋ. Mbən wuʼe úŋwən kwaʼa ungɨŋ fiŋ.

1 Pita 2:12

Itən ighəy unó akaʼa ba mbənə akə ma ba Jû ni boŋo, da ka ney udi ghayn ma kwi mbən mə ba mbənə umə ighəy unó iboŋ, umbi zən unó chuŋ mbənə mbən mə ighəy anigə iyere Nwiye anəy zənə umi wene izaʼa isaʼ isəg.

1 Pita 4:8

Anó zənə a chigə unó jum amə kwi mbən wuʼ itən inyo umbən umbən kwaʼa ungɨŋ fiŋ damugə iwuʼi yə kəbəre unó iboŋ nanaʼ.

2 Pita 3:1

Umbuŋ unya nu awuʼi kwaʼa azəd, aŋwaʼanayn zəŋ nu amə ŋwaʼanayn inen akinine amə aŋwaʼanayn nu aŋu pey akə ubigə. Ungɨŋ uŋwaʼanayn mbəŋ ubigə, mə si kaŋa ibeʼere umbən utəw da unó mbənə mbən si nibi kyay boʼo mbən kono unó wu umbən utəw zayn.

1 Jon 3:18

Umbəŋ buŋ, ka mba wuʼe ngwa ba aba akə inayn foro akə uchəw. Mbən tey akə unó mbənə mbən mə ghəy foro akə asiʼ ŋunə mba ghayn mba wuʼ úŋwən.

1 Jon 3:3

Anigə ba jum mbənə u zi fiŋ mə nəmə Kristo umbi siy inyo ma izayn zayn anji zənə uŋwən mə nibə zayn.

1 Jon 4:1

Umbuŋ uzi nu a wuʼi kwaʼa azəd, ka mbən beni ngwən ba ujum mbənə ughayn kwi Azugə Nwiye yə ungɨŋ uma. Asɨmə mbən zweʼe uzugə ujum wu izən kwi mbə noʼ abú Nwiye kə indəʼe. Ayə ghayn ney damugə ba ukən Nwiye afigə unó unanaʼ si saŋa ungɨŋ isəg.