Filipi 4:7 - Aŋwaʼanayn Uso Fey

⁷ Mbən bə aghəy nigə, nji aborobod Nwiye nu a chigə akə iwe ba inyoŋ atəw kyay mara yi aghəy kwi ka itən fiŋ boro ma, nibi aghəy kwi ka itən ikono toboro ma ngwən numugə mbən mə akə anó feyn nə Kristo.

Filipi 4:7 Iomraidhean Croise

Ukən chuŋ da Yeso Kristo anji zənə Luk ŋwaʼanayn 1:79

Ibigə azobo igun ba mbənə U duw ungɨŋ asin imbiri foro asin zənə ba mə goro kwi umbi ku, Ni nəmə ngwa kwi mba sə yeŋ akə nji aborobod.”

Ukən chuŋ da Yeso Kristo anji zənə Luk ŋwaʼanayn 2:14

“Mba wumini Nwiye ŋunə umə azobo Aborobod ma a nyi igun ba mbənə u ghuʼi úŋwən Aki igun isəg!”

Ukən chuŋ da Yeso Kristo anji zənə Jon ŋwaʼanayn 14:27

Mə sayn aborobod inen, mə nibi naʼ inyi aborobod inen. Cha amə naʼa anji zənə isəg mə naʼa. Ka itən fiŋ mə toboro ma ngwən. Ka mbən mə goro ngwən.

Ukən chuŋ da Yeso Kristo anji zənə Jon ŋwaʼanayn 16:33

Mə si ghayn unó mbəŋ inen boʼo mbən chomo akə aborobod numugə mbən mə akə anó feyn nə umugə. Mbən yi zəw ingəʼ ungɨŋ isəg, zəŋ asɨmə mbən yimə fiŋ mə si chigə isəg!”

Roman 1:7

Ayə ŋwaʼanayn abú ba ujum mbənə umə á Rom. Nwiye wuʼi ngwən kwaʼa azəd anigə itiya ngwən kwi mbən mə ba ma. Nwiye ungwa Mbaʼ nə Asɨyisəg Yeso Kristo aghəy ichuŋ inen nibi naʼ aborobod inen.

Roman 14:17

Mbən kyay kwi cha anó ufon Nwiye mə ma anó imə jəgə nibə nugə. Amə anó imə ghəy unó mbənə ukoʼoro, anó ni mə chomo akə aborobod nə anó ichomo akə iwuʼi numugə mba mə akə ibumi nə Azugə zayn zayn.

Roman 15:13

Nwiye ŋənə umə aghəy kwi mbən mə nə u aghəy ujum mbənə umə kono, u aghəy kwi iwuʼi sugi ungɨŋ itən fiŋ, nibi aghəy kwi mbən chomo akə aborobod numugə mbən beni uŋwən, da ikay zənə Azugə zayn zayn mə aghəy kwi itən ikono ŋuw imbey ni kwey akə unó mbənə Nwiye kaʼa.

Roman 5:1

Numugə Nwiye beni kwi mba təm ikoʼoro anjim ibeni fiŋ, anigə mba yə akə aborobod nə Nwiye anjim Yeso Kristo ungwa Asɨyisəg.

Roman 8:6

Wa bə zi fiŋ igun ughəy mbənə nyə̂ inyo mə kaba, u yi ku asɨmə ngwə ba zi fiŋ igun ughəy mbənə Azugə Nwiye mə naʼa ngwə yi jəg itəni nibi chomo akə aborobod.

2 Korintiyans 10:5

Mba yə numə ughəy iberd wu ney unó mbənə ba mə taŋa da úŋwən. Mba yə nibə numə iney unó jum moʼ mbənə umə numə ikən kwi ka ba kyay ma Nwiye. Mba yə numə ughəy iberd wu beŋe ikono jum, sə ghəy kwi mba wumini Nwiye.

2 Korintiyans 13:11

Iŋu mara, umbəŋ unya, mbən chomo anji chuŋ. Mbə kweme izən kwi mbən ni aghəy aba unó mbənə u boŋo. Mbən zəw unó mbənə amə boʼo ubugə ghayn inen. Mbən siy injən anó aba akə anó feyn nibi chomo akə aborobod. Mbən bə aghəy nigə, nji Nwiye ŋunə umə naʼa aborobod yi mə nə umbən.

Galetiya 5:22

Asɨmə unó mbənə azugə mə kaba amə anó ni iwuʼ ba, anó ni mə ghaʼa ayə, anó ni chomo akə aborobod, anó ni yimə fiŋ, anó ni mə nə iboŋo fiŋ, anó ni mə ighəy ichuŋ, anó ni izi fiŋ igun ba,

Efesus 3:19

Ayə chaʼara Nwiye kwi mbən kyay kwi umugə Kristo wuʼe ngwən chigə anji zənə ba kyay, anigə mbən kyay inji iməŋi anji zənə Nwiye məŋi.

Filipi 1:1

Amə umə Pol ni Timoti nu mba mbə ba afaʼa Yeso Kristo mba ŋwaʼanayn aŋwaʼanayn zəŋ. Mba yə Ŋwaʼanayn abú umbən ba Nwiye jum mbənə umə Filipi, nu mbən mə akə anó feyn nə Kristo. Mba yə ŋwaʼanayn abú mbən mbənə amə atəw umə cha ba Kristo. Mba yə nibi ŋwaʼanayn inen umbən mbənə mbən mə were úŋwən.

Filipi 1:2

Nwiye ungwa Mbaʼ nə Asɨyisəg Yeso Kristo aghəy ichuŋ inen nibi naʼ aborobod inen.

Filipi 4:19

Uŋu Nwiye yi naʼa ughəy jum mbənə mbən mə kaba. U yi chigə anjim Yeso Kristo inaʼ inen ungɨŋ imbon nanaʼ zənə imə abú uŋwən.

Filipi 4:21

Mbən chaʼara ba Kristo jum. Mba jum mba yə akə anó feyn nə Kristo numugə mba niŋi fiŋ igun ma. Ba Kristo mbənə umə akəŋ aboʼo inyi nibi chaʼara ngwən.

Filipi 4:9

Mbən aghəy unó mbənə mə tey inen mbən beni. Mbən aghəy unó mbənə mbən zəw iniŋ nibi zən aŋu aghəy. Anigə Nwiye ŋunə umə naʼa aborobod yi mə nə umbən.

Kolose 3:15

Mbən sayn kwi aborobod zənə Kristo mə naʼa a tumə itən fiŋ. Amə da aborobod wu nu Nwiye tiya ngwən kwi mbən zaʼa bumə akə nyə̂ inyo feyn. Mbən ni naʼa yə beni ayə abú Nwiye akə umaʼ jum.

2 Tesaloniyans 3:16

Asɨyisəg ŋunə umə naʼa aborobod u naʼa aborobod inen akə umaʼ ujum foro akə inji ijum. Asɨyisəg mə́ nə umbən ujum.

Hibru 13:20

Nwiye ŋunə umə naʼa aborobod, uŋunə yə zəmə ungwa Asɨyisəg isəg Yeso ŋunə, amə anəmə injəg kyayn anjim a nəm usó fey ŋunə yə sɨŋe, nu tənə akə ighari feyn,

Aŋwaʼanayn zənə Jud aŋwaʼanayn 1:1

Amə umugə Jud nu amə wa faʼa Yeso Kristo nibi mə unya anóm Jems ŋwaʼanayn aŋwaʼanayn zəŋ. A yə ŋwaʼanayn abú ba mbənə Nwiye Mbaʼ wuʼi kwaʼa azəd anigə itiya úŋwən kwi amə umbi ba, nibi ni nəmə úŋwən pey anəy zənə Yeso Kristo mi wənə izaʼa.

Uney inwi 1:4

Amə umugə Jon a ŋwaʼanayn aŋwaʼanayn zəŋ. Ayə ŋwaʼanayn abú ifere ba Kristo sambigə tənə imə aba abey Esiya. Uŋwən ŋunə amə akinine, nu umə awu, nu umi zaʼa aghəy ichuŋ inen nibi naʼ aborobod inen. Uzugə sambigə mbənə umə ifigi atən ufon ma nibi aghəy ichuŋ inen nibi naʼ aborobod inen.

Uney inwi 2:17

Wa ŋunə umə nə atoŋ u zəw anó zənə Azugə zayn zayn ghayn abú ufere ba Kristo. A yi naʼa mana moʼ akaʼa uŋunə u noy, abú wa ŋunə u waʼa unó iboŋ. Ayi nibi naʼa itey fuw nu uŋwaʼanayn ukum fey awu igun abú uŋwən. Cha wa moʼ kyay ma ukum wu, chigə akə wa ŋunə u num itey wu.”