Filipi 4:6 - Aŋwaʼanayn Uso Fey

⁶ Ka mbən mə tumə ngwən inyo da anó moʼ, asɨmə mbən chaʼara Nwiye da unó jum, boʼo ubugə akə ughəy jum mbənə mbən mə kaba. Nibə naʼa yə beni ayə abú uŋwən.

Filipi 4:6 Iomraidhean Croise

Matəw 10:19

Amaʼazənə u bə yimə ngwən, ka mbən tumə ngwən inyo da anó zənə mbən mi ghayn kə da nji zənə mbən mi ghayn. Amaʼ wu bə koʼo, Nwiye yi aghəy kwi mbən kyay anó ni ghayn,

Matəw 13:22

Itɨŋi tənə tə fwayn akaʼa injəŋ chomo ni ba mbənə u zəw inayn Nwiye, anigə anó imə tumə inyo da u aghəy aki isəg foro da anó umə nə imbon zaʼa kod inayn wu. Anigə cha ukuwə ma itɨŋi.

Matəw 6:34

Anigə, mbən mə́ tumə ngwən inyo da aney asugə damugə aney asugə yə nə unó ma. Aney feyn feyn yə nə ingəʼ ma.

Matəw 6:8

Mbən mə aghəy ngwən nu úŋwen. Úŋwən Mbaʼ si kyay u aghəy mbənə mbən mə kaba ki mbən sə biri.

Ukən chuŋ da Yeso Kristo anji zənə Luk ŋwaʼanayn 10:41

Asɨyisəg ywiri abú uŋwən kwi, “Mata, Mata! Ngwə yə somo inyo zəw ingəʼ ungɨŋ ufaʼa nanaʼ,

Ukən chuŋ da Yeso Kristo anji zənə Luk ŋwaʼanayn 12:22

Yeso ghayn abú mbə məŋə-anó ma kwi Ayə ghayn inen kwi ka mbən mə tumə ngwən inyo kwi amə ngiya mbən mi ijəg kə itən inyi inyo kwi amə ngiya ma mi izi.

Ukən chuŋ da Yeso Kristo anji zənə Luk ŋwaʼanayn 12:29

“Mbən mə́ tumə ngwən inyo imə kono kwi mbən mi jəgə ngiya kə mbən mi inugə ngiya.

Ukən chuŋ da Yeso Kristo anji zənə Luk ŋwaʼanayn 18:1

Yeso ghayn inayn maʼa abú mbə məŋə-anó ma itey abú úŋwən kwi uni chaʼara Nwiye ka umə ibo ma.

Ukən chuŋ da Yeso Kristo anji zənə Luk ŋwaʼanayn 18:7

Asob usaʼa iboŋ wu bə ghayn nigə nji Nwiye waʼa ki saʼa ma usaʼa inaʼ abú ba ma mbənə umə dey abú uŋwən? Umi num amaʼ ki si ywere uŋwən?

1 Korintiyans 7:21

Ngwə́ waʼa mə sob amaʼazənə Nwiye tiya ayə? Imə tumə ayə inyo. Asɨmə apan bə mə awu inigə idu akə sob, num apan wu idu.

1 Korintiyans 7:32

Cha amə kaba aŋu kwi, mbən ki tumə inyo. Wa ŋunə cha udi si nam, uyə zi fiŋ ma amə akə afaʼa Asɨyisəg anji zənə umi ghəy kwi fiŋ Asɨyisəg boŋo.

2 Korintiyans 1:11

anji zənə mbən mə chaʼara Nwiye igun ina. Zigə ayi aghəy kwi ba nanaʼ naʼa yə beni ayə abú Nwiye da ngwa, damugə u yi ywiri chaʼara ba nanaʼ anigə, inaʼ ughəy mbənə umə chaʼara uŋwən igun.

Efesus 5:20

Mbən ki naʼa yə beni ayə abú Nwiye nu amə Mbaʼ akə ukum Yeso Kristo. Mbən ki aghəy nigə akə umaʼ jum nibə da u aghəy jum.

Efesus 6:18

Mbən ni chaʼara Nwiye akə umaʼ jum foro Amaʼazənə mbən mə aghəy unó jum. Mbən aghəy nigə anji zənə Azugə Nwiye naʼa ikay inen. Mbən chomo ikiʼi ka mbən ibó ngwən imə chaʼara Nwiye igun ba Nwiye jum.

Kolose 3:15

Mbən sayn kwi aborobod zənə Kristo mə naʼa a tumə itən fiŋ. Amə da aborobod wu nu Nwiye tiya ngwən kwi mbən zaʼa bumə akə nyə̂ inyo feyn. Mbən ni naʼa yə beni ayə abú Nwiye akə umaʼ jum.

Kolose 3:17

Anigə unó jum mbənə mbən mə ighəy kə unó jum mbənə mbən mə ighayn, mbən aghəy nigə akə ukum Asɨyisəg Yeso. Mbən bə aghəy nigə, mbən yi mə chigə anjim ma naʼ yə beni ayə abú Nwiye Mbaʼ.

Kolose 4:2

Mbən ni chaʼara Nwiye akə umaʼ jum. Mbən sə chaʼara, mbən chomo ikyiʼi nibə naʼa yə beni ayə abú uŋwən.

1 Timoti 2:1

Anó imbey amə kwi ayə boʼo ubugə kwi mbən biy ughəy abú Nwiye, chaʼara Nwiye, ibiri ughəy abú Nwiye, nibi naʼ yə beni ayə abú uŋwən igun utəw ba jum.

1 Timoti 5:5

Ayey uti ŋunə cha wa imə iney uŋwən, nu umə ma zweʼe, si niŋi ikono ma igun Nwiye. U yə ŋuw imbey ni chaʼara Nwiye ufəb nə ingom biri ughəy abú ŋwən.

1 Pita 4:7

Inwi ughəy jum si tənə, anigə mbən beʼere umbən utəw zayn nibi yimə inyo da ikyay umugə ni chaʼara Nwiye

1 Pita 5:7

Mbən sayn unó jum mbənə umə chigə ngwən abú uŋwən damugə amə uŋwən umə nəmə ngwən.