Filipi 4:3 - Aŋwaʼanayn Uso Fey

³ Ayə nibə ghayn inigə, ungwə ŋunə ngwə faʼa nə umugə akə fiŋ jum, kwi ngwə were ayey mbəŋ u chomo akə aborobod, damugə úŋwən, Klemen foro ba chini si faʼ akə ikay nə umugə ighayn ukən chuŋ. Ikum uma itə ungɨŋ aŋwaʼanayn zənə uŋwaʼanayn ikum ba mbənə umi jəgi itəni.

Filipi 4:3 Iomraidhean Croise

Ukən chuŋ da Yeso Kristo anji zənə Luk ŋwaʼanayn 10:20

Anigə mbən mə wuʼe ngwən damugə uzugə iboŋ zəw ngwən. Mbən ni wuʼe ngwən amə damugə Nwiye si ŋwaʼanayn itən ikum azobo.

Roman 12:1

Umbuŋ unya, ayə boʼo ubugə inen kwi, numugə Nwiye diri ngwa, mbən naʼa injən inyo abú uŋwən nə aghəy ifaʼ zənə amə ikay, imə uzayn uzayn nu umi wuʼ. Zəŋ amə inji zənə ikoʼoro kwi mbən ki wumine Nwiye.

Roman 16:12

Mbən chaʼara Trifəne foro Trifosa. Úŋwən umbə faʼa abú Asɨyisəg. Mbən chaʼara Pesi, uŋwən amə inyi azi nu awuʼi kwaʼa azəd. Uŋwən si faʼ kwaʼa akə ikay abú Asɨyisəg.

Roman 16:9

Mbən chaʼara Obanus. Uŋwən yə faʼa abú Kristo nə umba. Mbən nibi chaʼara Stakis. Uŋwən amə inyi azi nu a wuʼi kwaʼa azəd.

Filipi 1:12

Umbuŋ unya, ayə kaba kwi mbən kyay kwi anó zənə aghəy iniŋ yə were ighəy kwi ukən chuŋ u ŋuw imbey.

Filipi 1:16

Umbənə umə ghayn nə fiŋ chuŋ umbə aghəy nigə nə iwuʼi damugə mbən kyay kwi ayə ghayn damugə Nwiye naʼa afaʼa iniŋ kwi a tey kwi ukən chuŋ amə anó asiʼ akə ma unó figi.

Filipi 1:27

Akinine anó kyayn amə kwi, mbən ni aghəy unó akə inji zənə ikoʼoro numugə ukən chuŋ da Kristo mə itey, da abə tey kwi a zaʼa zən ngwən kə kwi cha adi zaʼa, a yi zəw kwi mbən təm ikay nə fiŋ feyn foro nə ikono feyn nibi zəw kwi mbən yə zoŋo unoŋ izən kwi ba niŋi fiŋ igun Kristo anji zənə ukən chuŋ mə itey.

Filipi 1:5

damugə mbən were aŋu ni saŋa ukən chuŋ da Kristo. Mbən ti ni ghəy nigə inoʼo akə amaʼazənə mbən zəw ukən chuŋ wu ibeni. Mbən yə bugə ghəy nigə izaʼa pey akinine.

Filipi 1:7

Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

Filipi 4:2

Ayə boʼo ubugə inigə ungwə Eudiya, nibə boʼo inigə ungwə Sintike kwi mbən chomo akə anó feyn numugə mbən mə ba Asɨyisəg.

Kolose 1:7

Mbən zəw anó da ichuŋ Nwiye abú Epafras nu amə ungwa unya mba wuʼi kwaʼa azəd, nu mba mə nibə faʼa nu uŋwən. Uŋwən yə faʼa abú Kristo ni fiŋ ma jum akə inja ighari.

Uney inwi 13:8

Ba jum mbənə umə chomo igun isəg umbi wumini nyə̂ kyayn nya nya wu, chigə akə u mbənə mbə́ si ŋwaʼanayn ikum uma ungɨŋ aŋwaʼanayn zənə mbə́ ŋwaʼanayn ikum ba mbənə umi jəg itəni. Nwiye si ŋwaʼanayn ki usə tana isəg. Aŋwaʼanayn wu amə iyi ŋwə̂ injəg ŋunə mbə́ kyeme.

Uney inwi 17:8

Nyə̂ kyayn zəŋ ngwə zənə, kwaʼa yə mə́ ikay asɨmə akinine yə si ku. Iyi koʼo du ungɨŋ ubəg ŋənə cha inwi, si ŋu asin zənə umi niy iŋwən akuŋ. Ba mbənə umə igun isəg nu cha mbə di ŋwaʼanayn ikum uma ungɨŋ aŋwaʼanayn zənə ki Nwiye si ŋu tana isəg, mbə si ŋwaʼanayn ikum ba mbənə uni jəgə itəni, umbi yere. Umbi yere damugə nyə̂ wu mə ikay akinine yə si ku. Asɨmə iyi gha du.”

Uney inwi 20:12

Mbə́ zən uwu ba kyayn mbənə usi ku, nibi zən ba ukukuŋe mbənə usi ku. Uwu ba wu təm ifigi atən ufon wu. Mbə fiʼi aŋwaʼanayn nibi fiʼi aŋwaʼanayn chini. Zəŋ amə aŋwaʼanayn zənə umə ŋwaʼanayn ikum ba mbənə umi jəg itəni. Nwiye mə saʼa uwu wu akə unó mbənə mbə́ mə aghəy uni ŋwaʼanayn ungɨŋ uŋwaʼanayn wu.

Uney inwi 20:15

Abə mə kwi cha u zən ukum wa moʼ ungɨŋ aŋwaʼanayn zənə mbə ŋwaʼanayn ikum ba mbənə umi jəg itəni, mbə maʼ uŋwən ungɨŋ uwəd kyayn wu.

Uney inwi 21:27

Cha aghəy moʼ nu akə zayn ma mi noʼo inyi ungɨŋ asin wu, kə wa ŋunə umə ghəy unyimi unó, kə wa ŋunə umə figə unó. Amə ba mbənə uŋwaʼanayn ikum ma ungɨŋ ŋwaʼanayn Ŋwə̂ injəg umi inyi awu.

Uney inwi 3:5

Ba mbənə u waʼa unó iboŋ ma, umbi zi ndwi fuw chomo nə úŋwən. Cha ami chi aŋu ikum uma ungɨŋ aŋwaʼanayn zənə umə ŋwaʼanayn ikum ba mbənə umi jəg itəni. Ayi ghayn ifigi uŋu mbaʼ nibi ghayn ifigi mbə angəd uma kwi, úŋwən kyay aŋu.’”