Filipi 4:19 - Aŋwaʼanayn Uso Fey

¹⁹ Uŋu Nwiye yi naʼa ughəy jum mbənə mbən mə kaba. U yi chigə anjim Yeso Kristo inaʼ inen ungɨŋ imbon nanaʼ zənə imə abú uŋwən.

Filipi 4:19 Iomraidhean Croise

Matəw 6:32

Ba mbənə cha u kyay ma Nwiye umbə tumə inyo da u ghəy mbəŋ. Ungwən Mbaʼ ŋunə umə azobo kyay kwi mbən yə kaba u ghəy mbəŋ ujum.

Ukən chuŋ da Yeso Kristo anji zənə Jon ŋwaʼanayn 20:17

Yeso ghayn abú uŋwən kwi, “Tana yimə aŋu damugə cha adi si ŋu azobo abú uŋwən Mbaʼ, asɨmə ŋuw abú umbəŋ unya pey yi ghayn abú úŋwən kwi ayə wene ŋuw azobo abú uŋu Mbaʼ nu amə nibə Mbaʼ uma, nibə ŋuw abú uŋu Nwiye nu amə nibə Nwiye uma.”

Ukən chuŋ da Yeso Kristo anji zənə Jon ŋwaʼanayn 20:27

Amaʼazənə yə ghayn nigə, yə ghayn abú Tomas kwi, “Zi injə tugi akəŋ nibi ney umbəŋ ubugə, cha umba ubugə ibira inyi abúmi. Imə ibiyə ayə, beni!”

Roman 1:8

Anó imbey amə kwi ayə naʼa mə beni ayə abú Nwiye anjim Yeso Kristo da umbən ujum. A yə naʼa nigə damugə ba ujum ungɨŋ isəg umbə zəw umugə mbən zi fiŋ inyo Nwiye.

Roman 11:33

Wey! Mbən zən umugə Nwiye aghəy ichuŋ abú ba ujum! Mbən zən numugə umə nə iwe nibi kyay unó jum! Cha amə aghəy wa kyay ikono ma! Cha amə aghəy wa kyay inji ma.

Roman 2:4

Kə ngwə waʼa kə kono ayə ichuŋ nanaʼ zənə Nwiye aghəy inigə anji zənə u sayn kwi ngwə aghəy unó mbənə cha udi koʼoro, foro anji zənə u yimi fiŋ? Cha ngwə di kyay kwi ichuŋ Nwiye amə aghəy kwi ngwə beŋe fiŋ?

Roman 8:18

Mə kyay kwi cha ingəʼ zənə mba mə zəw akinine koʼo ma akə uzayn zayn ŋunə Nwiye mi itey ina.

Roman 9:23

Yə nibi kaba itey imbon zənə inaʼa chigə nu cha imi noʼo mey nu amə imbon zənə yə́ tey igun ba mbənə yə́ diri.

2 Korintiyans 12:21

Ayə goro kwi amaʼazənə ami gha zaʼa, Nwiye ŋunə amə wumini yi swiʼiri aŋu injən ifigi. Ayə nibə goro kwi ayi dey da ba nanaʼ mbənə mbə́ mə́ ighəy unó iboŋ. Asɨmə cha udi si beŋe fiŋ uma akə unyimi unó, akə ufibiri unó foro akə uburi unó mbənə mbə́ mə́ ighəy.

2 Korintiyans 4:17

Cha ingəʼ kukuŋe zəŋ nu mba mə zəw mi tənə. I yə tana ngwa kwi u naʼa iwumini zənə itənə koŋ i na. Iwumini wu yi chigə ingəʼ zəŋ jum.

Efesus 1:18

A yə chaʼara Nwiye kwi u fiʼi i tən fiŋ mbən zən uzayn zayn da mbən kyayn unó mbənə mbən niŋi ikono igun nu amə unó mbənə Nwiye tiya ngwən da úŋwən. Unó wu amə ichuŋ zənə Nwiye kaʼa abú ba uma.

Efesus 1:7

Nwiye si ziya umba utəw anjim anəm Kristo, yə nibi waʼ umba unó iboŋ jum anjim ichuŋ ma zənə ikwey azəd.

Efesus 2:7

Yə ghəy ney da itey akə umaʼ mbənə umə zaʼa kwi, iyə nə fiŋ chuŋ nu iboŋo ichigə. Yə ghəy ichuŋ ina anjim Yeso Kristo.

Efesus 3:16

Ayə chaʼara Nwiye kwi numugə amə nə imbon nu cha imi noʼo mey, u ghəy kwi Azugə ma naʼa ikay boʼo mbən mi ka anjim ikay zənə azugə mə naʼa.

Efesus 3:8

Ka nə di ma kwi mə kwe chigə wa kukuŋe akaʼa ba Nwiye ujum, asɨmə yə aghəy ichuŋ iniŋ kwi a ghayn abú ba mbənə akə ma ba Jû da imbon nu cha imi noʼo imey nu imə ina numugə ba kyay Kristo.

Filipi 4:7

Mbən bə aghəy nigə, nji aborobod Nwiye nu a chigə akə iwe ba inyoŋ atəw kyay mara yi aghəy kwi ka itən fiŋ boro ma, nibi aghəy kwi ka itən ikono toboro ma ngwən numugə mbən mə akə anó feyn nə Kristo.

Kolose 1:27

Nwiye kaŋa kab kwi i aghəy ba kyay ikay zənə yə inoy abú ubey jum mbənə akə ma ba Jû. Anó zənə yə inoy abú úŋwən amə kwi Kristo yə ungɨŋ inen mbənə akəma ba Jû, anigə mbən yi mə nə iwumini ni uŋwən.

Kolose 3:16

Inayn da Kristo kaŋa tənə ungɨŋ itən fiŋ kwaʼa anji chuŋ. Mbən tey unó nibi ikɨy umbən unya akə iwe jum. Mbən kyugay usam, ikyugay ikyə́ iyere Nwiye, nibi kyugay ikyə́ nu inoʼo abú azugə naʼ abú Nwiye. Mbən aghəy nigə akə iwuʼi zənə imə ungɨŋ itən fiŋ.

1 Tesaloniyans 2:12

Mba mə́ zi ikay inen, inigere itən fiŋ nibə ghayn inen kwi mbən chomo akə nji zənə imi ghəy kwi fiŋ Nwiye boŋo. Amə uŋwən yə tiya ngwən kwi mbən zaʼa inyi ungɨŋ anó ufon ma, foro ungɨŋ iwumini ma.

1 Timoti 6:17

Amə da ba mbon mbənə umə akə ungɨŋ isəg zəŋ, ghayn abú úŋwən kwi ka umə beʼere ma inyo, kə iniŋ ma ikono uma igun mbon wu nu imə chigə chigi. U niŋi ikono ma amə igun Nwiye ŋunə u naʼ ughəy na ibuw ibuw. U yə naʼa da mba chomo inji chuŋ.

Filemon 1:4

Ayə naʼa yə beni ayə abú uŋu Nwiye ighari jum tənə amə chaʼara uŋwən ikono ayə Filemon.

1 Pita 5:1

“Amə wa nu amə cha ufere ba Kristo. Amə uzənə anji zənə Kristo zən ingəʼ. Amə nibi wa moʼ akaʼa ba mbənə umi zən uzayn zayn amaʼazənə Kristo mi gha zaʼa. Anigə ayə boʼo ubugə inen umbən mbənə mbən mə cha ifere ba Kristo kwi,

1 Pita 5:10

Mbən bə zəw ingəʼ akə ŋwə̂ amaʼ moʼ, Nwiye ŋunə umə ighəy ichuŋ abú ba jum yi were itana ughəy jum inen. U yi aghəy kwi injən ibeni kara nibi aghəy kwi mbən təm ikara. Asɨmə yə chigə anjim Kristo itiya ngwən kwi mbən zaʼa nyi ungɨŋ zayn zayn ma ŋunə cha umi noʼo imey.