Filipi 4:14 - Aŋwaʼanayn Uso Fey

¹⁴ Asɨmə mbən ghəy ichuŋ numugə mbən were aŋu akə inyi ingəʼ.

Filipi 4:14 Iomraidhean Croise

Matəw 25:21

Mbaʼ afaʼa wu ghayn abú uŋwən kwi, “Ngwə ghəy anó chuŋ, ngwə mə wa chuŋ, ngwə faʼ akə fiŋ ujum. Numugə ngwə faʼa akə fiŋ ujum akə u ghəy kerekere. Ayi naʼa u ghəy nanaʼ inigə ngwə ki ney. Nyi ana mba wuʼe ngwa.”

Roman 15:27

Ikono zəŋ amə iyi uma. Amə asiʼ kwi yə koʼoro kwi úŋwən aghəy nigə abú úŋwən damugə numugə ba mbənə akə ma ba Jû si foro ni ba Jû ijəg aborobod zənə Nwiye mə naʼa, amə asin uma iwyere ba mbənə akə ma ba Jû nə u aghəy mbənə Nwiye neʼe úŋwən wu.

Galetiya 6:6

Wa moʼ ŋunə ú mə́ itey inayn Nwiye abú uŋwən, u naʼa aba akə ughəy chuŋ jum mbənə umə abú uŋwən abú wa ŋunə yə mə itey inayn wu abú uŋwən.

Filipi 1:7

Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

Filipi 4:18

Ayə nə ughəy jum mbənə mə́ mə kaba mbə naʼ chigə. A yə nə ughəy jum mbənə mə́ mə kaba akinine nu Epafroditus si naʼ ukab ŋunə mbə tomo iniŋ. Ukab wu chomo nə aghəy ifa zənə amə nyoʼoro ifuyi chuŋ anigə ighəy kwi fiŋ Nwiye boŋo.

1 Timoti 6:18

Ghayn abú úŋwən kwi u ghəy unó chuŋ ujum, nibi ghayn kwi u ni saŋara ubugə.

Hibru 10:33

Amə akə amaʼ moʼ mbə mə inayn unó iboŋ da ngwən asaŋ asaŋ ghəy mbən ki zənə ingəʼ. Akə amaʼ chini mbən wuʼ ngwən i bomə ba chini mbənə mbə́ mə́ jimə uŋwən inyiyə uŋwən.

Hibru 10:34

Mbən kə́nə́ akə ba mbənə mbə́ mə́ andəŋ. Mbən beni ni iwuʼi ngwən amaʼazənə mbə́ fene umbən ughəy ujum. Mbən ghəy nigə damugə mbən kyayn kwi mbən yə nə ghəy zənə aboŋo chigə umbi awu ni amə ghəy ami tənə koŋ.

Hibru 13:16

Ka mbən waʼa ngwən anó imə ighəy ichuŋ. Ka mbən nibi waʼa ngwən anó imə ghaba ughəy mbənə umə inen damugə amə ikudi ighəy ifa itəŋ uboŋo abú Nwiye.

Uney inwi 1:9

Amə Jon ungwən unya numugə amə akə anó feyn numugə mba mə zəw ingəʼ numugə mba chomo akə anó ufon Nwiye, foro numugə mba yimə fiŋ ungɨŋ ingəʼ. Unó mbəŋ amə da umugə mba mə akə anó feyn nə Yeso. Mbə́ cha aŋu ungɨŋ ugha asin zənə une kad, nu umə tiya akə Patmos. Mbə́ cha aŋu awu damugə mə́ mə ghayn inayn Nwiye ni ghayn asiʼ da Yeso.