Filipi 4:12 - Aŋwaʼanayn Uso Fey

¹² Mə kyay inji zənə a chomo Amaʼazənə a bəw aghəy moʼ foro Amaʼazənə amə nə ughəy nanaʼ, Mə si kweme inji zənə amə aghəy chomo anji chuŋ kə amə anó ingiya kə anji ingiya, kə ajəg anji chuŋ kə a chomo injəy, kə amə mə ukab kə cha aŋu nə ukab.

Filipi 4:12 Iomraidhean Croise

Matəw 11:29

Mbən num uŋu udere anigə ikweme anó iniŋ damugə ayə boro fiŋ nibi swiʼiri inyi inyo asey mbən bə aghəy nigə, itən fiŋ iti zuti.

Matəw 13:52

Anigə Yeso ghayn abú úŋwən kwi, “Anigə amə kwi, mbə taʼa ba akə unoʼo ujum mbənə u si kweme anó da anó ufon azobo mbə chomo ni wa na ŋunə u chi u aghəy fey nibi chi unun u aghəy ungɨŋ ingən ma.”

2 Korintiyans 10:1

Umugə Pol mə num ukum Kristo ŋunə umə boro inyo nibə boro fiŋ boʼo ubugə inen. Ba moʼ injə akaʼa umbə ghayn kwi ayə swiʼiri inyo amaʼazənə amə injən ifigi asɨmə a yə nə fiŋ kaka amaʼazənə cha aŋu aboʼo injən.

2 Korintiyans 10:10

damugə ba moʼ mbi ghayn kwi, “Uŋwaʼanayn mbəŋ nu amə ŋwaʼanayn umbə ka nibə ito fiŋ. Asɨmə amaʼazənə umə akaʼa inja, u yə boro, cha inayn ma mə yimə ma une.”

2 Korintiyans 11:27

Mə́ mə faʼa akə ikay nibə nyi inyo. Cha mə di buni ufəb nanaʼ, mə́ mə chomo amaʼ injəy, adoʼ nibə zomo. Mə́ mə chomo amaʼ nanaʼ nu cha ajəgə. Mə́ mə chomo ufi nu cha ma ka ndwi.

2 Korintiyans 11:7

Mə waʼa aghəy anó iboŋ inen iswiʼiri inyi inyo da ibeʼere ngwən anji zənə mə ghayn ukən chuŋ da Nwiye inen atəw ukow.

2 Korintiyans 11:9

Amaʼazənə mə́ mə aboʼo injən kaba aghəy moʼ, cha mə di ibiri aŋu abú wa moʼ injən akaʼa damugə unya mbənə mbə́ noʼo Masedoniya naʼa ughəy mbənə mə́ mə kaba. Mə́ ton anigə ayi nibi ton da ka a naʼa aŋu udere inen.